تويت
عجيبه يا دنيا مش دنيا
لفين ولمين بترمينى
وجوا الخلق ناس تانيه
ومين مصلحته يئذينى
وانا لسّه فى ريعانى..
بعانى قسوتك يا زمان
وانا فى الاصل انسانه
وبدأ المستخبى يبان
بصوت وكأنه جوانا
يكلمنا...ويئلمنا
سنين متجرجره ف أيام
بتسقينى ف مرار جارح
لعارفه حقيقه من أوهام
ولا بكره من امبارح
أنا عايشه ومش عايشه
بدوق الحزن من بدرى
وجنّى الجانى سجّانى
ومن جوا العروق يجرى
كأنى..أصلى شيطانى
ومين عارف دوا حالى
أقول يا مين ومين يسمع
ندايا وشكوتى وصوتى
ولوعمرى اللى فات يرجع
أكيد ..راح يشتهى موتى
ناديت.. يا رب قوينى
عجيبه يا دنيا مش دنيا
لفين ولمين بترمينى
وجوا الخلق ناس تانيه
ومين مصلحته يئذينى
...احمد الشناوى...
لفين ولمين بترمينى
وجوا الخلق ناس تانيه
ومين مصلحته يئذينى
وانا لسّه فى ريعانى..
بعانى قسوتك يا زمان
وانا فى الاصل انسانه
وبدأ المستخبى يبان
بصوت وكأنه جوانا
يكلمنا...ويئلمنا
سنين متجرجره ف أيام
بتسقينى ف مرار جارح
لعارفه حقيقه من أوهام
ولا بكره من امبارح
أنا عايشه ومش عايشه
بدوق الحزن من بدرى
وجنّى الجانى سجّانى
ومن جوا العروق يجرى
كأنى..أصلى شيطانى
ومين عارف دوا حالى
أقول يا مين ومين يسمع
ندايا وشكوتى وصوتى
ولوعمرى اللى فات يرجع
أكيد ..راح يشتهى موتى
ناديت.. يا رب قوينى
عجيبه يا دنيا مش دنيا
لفين ولمين بترمينى
وجوا الخلق ناس تانيه
ومين مصلحته يئذينى
...احمد الشناوى...
تعليق