تويت
أنّات القلب
صور وجدانية عاطفية محكية
تأليف : الداعي بالخير صالح صلاح شبانة
لمّا أنّ القلِب أنيت مع أنّاتك لمّا أنّيتِ ،
وحبيتك قد بيادر الحلم وخوابي القمح والجرار اللي فيها زيتي
وشربتك حفنة مية مطر ، من بير النجاصه
اللي بعزمي حفرته، وبالشيد الفحل كَلَّستَه،
ومن السما مليته ، تيظل سند إلي ، ولأهل بيتي
**********
وبعيوني زرعتك مثل ما الرمش عَ الجفن مزروع
تتحرس العين من كل شر داهم متخضل بالدموع
كل ما رفت صورة حزن قدّام عينيّ ، وبأحلامك علّيتِ
وغسلتك بالنور من أدران وأحزان الماضي
تتصيري خالصه لقلبي ومخلّصه ،
أحطك على صدري ، وازر عليك ازرار جاكيتي
**********
لمّا شاعر الربابه شد الوتر ، وبصوته شدى
بليلة سَمَر ، بحوش الدار وبللنا الندى
بقيتِ من عند نجوم السما اتطلي علينا
وبقت لضحكتك عَ وجه القمر رنه وصدى
بذاني سمعتها ، والشاعر سمعها ،
عرفت إنها ندهه من القلب طلعت عن شفافك ، لمّا ناديتِ
**********
حسيتك ساعتها حبه شقشقت الأرض وبراسها طلت ،
لمّا السما غامت، وبالمطر جادت
حبة قمح ؟ حبة خير ؟ حبة أمل ؟
مثلهن براسك طلّيتِ
حسيتك حِلِم رمى لحاف النوم ، وضبضب فلول النعاس
ومثل الفارس الأسير كسر قيد الأسر وغاص،
ولملم بقايا خيوط النفس لِمعلقه ، وصنع منها باس
إلك يا ورده ، يا مشَرّبه بالحب والأحساس
يا اللي غرزت في القلب سيخ محمّى ، وعَ النار شويتِ
**********
وظليت عايشك حِلِم ، أأن مع أنّاتك كل ما أنّيتِ
وادق بكف إيدي عَ ظهرك كل ما غصّيتِ
واخبيك بقلبي مثل قمحي وزيتي
تقرأ بلهجة أهل سنجل
تعليق