تويت
قلنا حتماً دي حكايه ... بيحكي بيها العم سام
في صبح ليله من الليالي والليل بهيم والكل هام
قام جايبهم من قفاهم وراح نفاهم - حبة تفاهم يا لئام
قام سعادته طارح حكايته - والحكاية جرنال كلام
يفكوا خطوا البصمجية - والصورة واضحة يا سلام
لو قالوا لِحية - قلنا ناحية أوعى تحيى قصَّر ونام
دي حكايه محبوكه من الست مبروكه - والعقل فوِّت محتاج لجام
دا مفتي حاره - ومفتي ناحيه - يسمح بسيجاره للعوام
والخواص دول حاجه تانيه - لفه كامله من تبغ عام
وقالولنا منكم معادش رجا - قلنا سمعاً تدفع لي كام
قام سيادته سايق نعاجة - وقام منهق كفاكم حرام
قلت يابني الحكاية واضحه - ومتلفقه بالتزام
يوم تلاقي الحق واضح - مش هتفرقه " ولن تُلام "
كدبوا الكدبه وصدقوها وغلفوها - وطار الحمام
وبات زعلنا على ازتُّونه والحمامه بتاع السلام
والكل ماشي والسكه واسعه - وأبو مين ما يكونش قام
والفكر جاله والمكر حاله - وخوفنا منه مش من اللى عام
دا الكل كوم وده وحدوا كوم - لو قام يصلي فـ يوم وصام
خافه منه دى الشده فيه - والعصبية والبربرية والإنقسام
خليكم في مطرب او في لاعب - دي الملاعب بقت تمام
واوعاكوا تكونوا من اللى خانوا - ولبِّسوا الباطل توب إسلام
الحق واضح والفِعل فاضح - حكايه قديمة والسلام
تعليق