حبيبتي

**دكتور مشاوير** · 21-04-2010, 06:05

[align=center]
حبيبة إيه ؟
ما بلاش أوهــام أن صح الكــــلام
الحب عيشة هم ووجع قلب وخيال
عيش م غير الحب ترتاح
واقفل قلبك بالضبــة والمفتـــاح
وخدها مني نصيحة
أن جالك وخبط على بابك
اهجر مكانــة ترتــاح

جميل استاذ وليد موسي ومتابع للنهاية
ودي وتقديري
[/align]

**أحمد أبوزيد** · 21-04-2010, 07:11

مش عارف أقول آيه
أمشى وراك
و أغازل حبيبتى
ولا أمشى ورا د.مشاوير
و ألعن الحب
سألت قلبى
قالى
خليك فى الحب
و زى مابيقولوا الأسكندرانية
الميه تكدب الغطاس
إذن أغازل حبيبتى
حبيبتى فى الصباح مجنونه
فى المساء عبيطه
و بين الصباح و المساء
تسكن فؤادى و دمى
ضحكت ... ضحكت الدنيا
غضبت... إسودت الدنيا
ولدت و على جبينى إسمها
و أموت و أدفن من فعلها

نكمل بعدين

تحياتى و تقديرى

**أحمد أبوزيد** · 21-04-2010, 11:40

بعد فتح المندل و قرأة الكف
لقيت قلبى كان على حق
إختار يغازل حبيبته
رفض يلعن الحب و يهد
آصله قلب فهمان
صعب ينخدع بكلام
كلمها صادق
قلبها
غرقان بحب
أعلن الولاء
و تقديم قرابين الوفاء
إتمنع شويه فى موضوع
قلتله بكره تيجى و تتهد

**أحمد أبوزيد** · 22-04-2010, 16:46

مساء الخير حبيبتى
بحبك حب
لو وزنوا مياه الأرض
تخف و هو يزيد
حب مثل الصوان
لا يدوب
ولا يجور عليه زمان
حبيبتى أطلب الحوار
نتفاوض نتحاور
للوصول للمراد
موعدنا فى يوم حار
لقاء مثل النار
و عشقى ما يهدى ولا ينهار
بحبك

**وليد موسى** · 25-04-2010, 07:51

الحب ده نعمة ميحسهاش
صاحب القلب الكئيب
طاقه لنور الصبح ميشوفهاش
ف عز العتمة.. إلا حبيب
و حبيبتي دي بسمة
على وش الزمن راسمه
كل أحلام الحياة

** شكري و تقديري لدكتور مشاوير.. وتأييدي الكامل لأحمد أبو زيد الشاعر الرقيق

**أحمد أبوزيد** · 25-04-2010, 08:12

الفطار
جبنه و جبنه و حبيبتى
من هنا لقمه و من هنا لقمه و من هنا نظره
وجهها قمر بدر منور
ضحكتها بشرى بيوم سعيد
عيونها حدوته هى ست الحسن و الجمال
و أنا الشاطر حسن
شفاتيها إنزار بإعلان حرب
الحمد لله
ربنا يدمها علينا نعمه
نقابلكم على الغدا

**وليد موسى** · 25-04-2010, 08:25

جبنا سعادة
وسكر زيادة
ف شاي بالحليب
وعِيش جوة قلبي
ودوق مني حبي
وقرَب زيادة
يا أجمل نصيب

** صباحك زي الفل يا أحمد باشا

**أحمد أبوزيد** · 25-04-2010, 14:59

الغـــــدا

ورق عنب و نظرة حبيبى عنب
ملفوف بالحمه و بدفء حضنك ملفوف
فراخ مشويه و مشوى بنار بعدك
و الحلو من بين شفيفك مهلبية
قربى منى شويه
أخد لحسه عسلية
و أرتوى من حبك إرتواء
يحل مشكلة مصر المائية
يوقعوا إتفاقية ما يوقعوش
مصر خلاص من حبك مرويه

وليد باشا نتقابل على العشا
تحب العشا خفيف ولا تقيل

**أحمد أبوزيد** · 29-04-2010, 17:18

حبيبتى ...... أشكرك
حبيبتى .....
أعلن الإستسلام لأمر الحب
أطعمتينى عسل الحب
رافقتينى رحلة العشق .
هبطنا على بستان الورد
فإليكى منى ألف وردة
و ألف زهرة
و من ثمار الفردوس
أهديكى أناناس العسل
لن أأكل التفاحة
لأظل فى فردوسك
أنعم بدفء قلبك
فهيا معى
نرتشف ريح الزهر

حبيبتي

حبيبتي

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث