تويت
عايز اخسّ، نفسي اخِسّ
عايز اخسّ، نفسي اخسّ
وكل ده من غير ما احسّ
نفسي آكل لحمة ضاني
أو باكومبا م السوداني
دايبة في السمن، وريحتها
واصلة للحِجر اليمانـي.
بس ده من غير رياضة
أو نصايح أو لماضة
نُط، واجْرِي وشيل حديد
مَد، ثَـنْي، وعِيد وزِيد
قوم وأقعد، شقلباظ
ياللا تاني من جديد
كِرْشِي ده متربِّي، غالي
من فلوسي وقوت عيالي
واللي مش عاجبه يا سيدي
حِلّ عني وفُك إيدي
كرشي ده أصل اللياقة
حتى لو مَسدود وَريدي
بس برضه، عايز اخِسّ،
نفسي اخسّ، عايز اخِسّ
وكل ده من غير ما احِسّ
باشتِهي الأكل اللذيذ
يا سلام لو كان حنيذ
لِـيَّــة صافية، ولحْم حاشي
ياللا بَلْبَع، كلُّه ماشي
يِسري في الشرايين يغنـي
والله طَار في الهوا شاشي
بس برضه، عايز اخِسّ،
نفسي اخِس، عايز اخِسّ
وكل ده من غير ما احِسّ
يعني نِفسي أكون رشيق
وَامْشي ما اسِد الطريق
واطْلَع انْهَج مِ السلالم
غير هزار الست هانم:
"بُص طولك، زي عرضك
أنت قاعد، والا قايم؟"
ع العكاوي بيجري ريقي
والحواوشي كمان صديقي
والمحاشي ما تختشيشي
تملا قلبي ونَغَاشيشي
والمُقاومة عندي زيرو
والدايت، ما باشْتِهيشي
حتى مرة قالوا لي صُوم
صُوم يا بابا يوم ويوم
ابني قال، وقالت لي بنتي
لاجل تمشي خمسة سَنْتي
محتاجين وِنش وتريللا
قلت: كِرشي هو زينتي.
وفْ مرة يوم شيطان رجيم
وسوس لي قال: اعمل ريجيم
قوم وبَطَّل التناحة
بَطن دي؟ هيئة مساحة؟
ده انتَ فلِّست التِّجارة
والصناعة والمقاولات والفِلاحة
ربي جاب لي طيِّبات
أيش محاشي، بط، وِز، مُشهِّيات
في الاختيار الله المُعين
جلاش، حواوشي، والسِّمين
كنافة، بسبوسة، قطايف
واترك الفتَّة لمين؟
بس برضه، عايز اخسّ،
نفسي اخسّ، عايز اخسّ
وكل ده من غير ما احسّ.
عايز اخسّ، نفسي اخسّ
وكل ده من غير ما احسّ
نفسي آكل لحمة ضاني
أو باكومبا م السوداني
دايبة في السمن، وريحتها
واصلة للحِجر اليمانـي.
بس ده من غير رياضة
أو نصايح أو لماضة
نُط، واجْرِي وشيل حديد
مَد، ثَـنْي، وعِيد وزِيد
قوم وأقعد، شقلباظ
ياللا تاني من جديد
كِرْشِي ده متربِّي، غالي
من فلوسي وقوت عيالي
واللي مش عاجبه يا سيدي
حِلّ عني وفُك إيدي
كرشي ده أصل اللياقة
حتى لو مَسدود وَريدي
بس برضه، عايز اخِسّ،
نفسي اخسّ، عايز اخِسّ
وكل ده من غير ما احِسّ
باشتِهي الأكل اللذيذ
يا سلام لو كان حنيذ
لِـيَّــة صافية، ولحْم حاشي
ياللا بَلْبَع، كلُّه ماشي
يِسري في الشرايين يغنـي
والله طَار في الهوا شاشي
بس برضه، عايز اخِسّ،
نفسي اخِس، عايز اخِسّ
وكل ده من غير ما احِسّ
يعني نِفسي أكون رشيق
وَامْشي ما اسِد الطريق
واطْلَع انْهَج مِ السلالم
غير هزار الست هانم:
"بُص طولك، زي عرضك
أنت قاعد، والا قايم؟"
ع العكاوي بيجري ريقي
والحواوشي كمان صديقي
والمحاشي ما تختشيشي
تملا قلبي ونَغَاشيشي
والمُقاومة عندي زيرو
والدايت، ما باشْتِهيشي
حتى مرة قالوا لي صُوم
صُوم يا بابا يوم ويوم
ابني قال، وقالت لي بنتي
لاجل تمشي خمسة سَنْتي
محتاجين وِنش وتريللا
قلت: كِرشي هو زينتي.
وفْ مرة يوم شيطان رجيم
وسوس لي قال: اعمل ريجيم
قوم وبَطَّل التناحة
بَطن دي؟ هيئة مساحة؟
ده انتَ فلِّست التِّجارة
والصناعة والمقاولات والفِلاحة
ربي جاب لي طيِّبات
أيش محاشي، بط، وِز، مُشهِّيات
في الاختيار الله المُعين
جلاش، حواوشي، والسِّمين
كنافة، بسبوسة، قطايف
واترك الفتَّة لمين؟
بس برضه، عايز اخسّ،
نفسي اخسّ، عايز اخسّ
وكل ده من غير ما احسّ.