تويت
أَخَبِّي جراحي عن قلبي ؟ ولّا أَخَبِّي قلبي مِن جرحُه؟
أجرح قلبي أنا وأسكت؟؟ ولّا أجرح قلب حَبِّيتُه؟
*****
أخنق دموعي فـ رموشي ؟ ولّا أقتل عيوني بدموعي ؟
أمسح دمعة على خَدِّي؟ ولّا أمسح رِمْشِي اللّي بَكِّيتُه؟
*****
كِتْرِتْ جراحي مش عارف ؟ أزعل على جرح إيه فيهم؟
أزعل على جرح زاد فيا ؟ ولّا على جرح داويتُه؟
*****
أحكي عن جرح أنا فَاكْرُه ولّا اللّي لسه هَافْتِكْرُه
ولّا اللّي ناسي أَفْتِكْرُه ؟ ولّا اللّي فَاكرُه ونسيتُه؟
*****
تُهت في سكّةْ أَلم .. مَحفُوفَة بِتْرَاب العَدَم
وتاه قلبي مش عارف .. فين يلاقي باب بيتُه
*****
ناديت ياحب اسمعني .. قُلِّي إزاي وفهِّمني
يقسى قلب نادى لي .. وأقسى على قلب ناديتُه؟
*****
بـ أتعذّب لأنُّه خَادِعْنِي .. ولّا خِدَاعِي اللّي عذّبني؟!
عشان هَواني ورَماني .. ولّا عشان أنا رميتُه؟!
*****
قِسْيِتْ عليّا أنا ظُروفي .. ولّا أنا قِسِيتْ على ظُروفي؟!!
ظلمني قلب يهواني .. وظلمت قلب أنا هَوِيتُه
*****
أندم على عمر ضاع منِّي؟ ولّا يِنْدِبْ عُمري لِي حَظُّه؟!
عشان قلب بايعني.. بعت عمري وشَرِيتُهْ
*****
وقت الندم فات وانقَضَى .. والدمع من عيني انتهى
وعيوني خانتني ومِشْيِتْ .. وقلبي سابني ما لقِيتُه
*****
ما قلبي برضه مُشْ ذنبُه
أنا اللي تعبتُه عذّبتُه
انا الي شكيت لُهْ وبكيت لُهْ
أنا اللي بإيدي جَنِّنْتُه
وأنا اللي رَمِيتُه ونِسِيتُه
تعليق