مشوار

قصيدة من ديوانى ( وطلع نهار الأمنيات )


واتارى القلب بيحبك ومش دارى
وسيبك قال واقول امشى
اتارىالحب مشوارى
سنة 00،وسنين وانا عنك 00بعيد رحال
حكاوى الغربة فضلوعي00متين موال
ومكتوبلى 00اغير ف مكتوبلى
وابدل ليلى واتبدل وازود ف اللى محسوبلى
هواياالريح بيتقلب ..
ف ليلة بردح تولع بحر الصيف
وجوه القلب00
سكة طويلة مرسومة وفيها النبض بيغنى
معاة اللحن ويا الطيف وغنواية ولحن 00وسيف
رموشك سيف
عيونك سيف بيتعارك مع ألأطياف
ويتحدى ف ليل الحب ميت شواف
سافرت كتير وبرجعلك
واسافرتانى واتغرب
بشوفك فى ندى المدنى
ف دقة قلب متغرب واحس بليلك الدافى00
وخوفك لما بتخافى ...
ولما ارجع ....اطوف جواك ف عيونك
يريحنى دفى لونك
يجددلى بحور الصبر جوايا00مناكونك
واناالضحكة اللي مكتوبلك تعيشيها
وحبيتك بقالى كتير بداريها
لكين الجرح زودها لهيب وشوق
بقولهالك 00،واعيد هالك واكررهالك بلهفة وشوق
بلململك خيوط الضل لأجل م ادارى احزانك
واجمعلك بياض الفل نجمة تصحي احلأمك
واعيشك لأجل متعيشى
شكيت الدمعة للموال وقلت ياريت متجيشى
منيش فارس ح اعدي جبال 0000
مجرد قلب جواكي
وبكتبلك مع الموال ...
عشقت العشق جواكى
وبراك .... لا بعرف بحرى من برى
ولا اعرف قربى من هجرى
لأني عشقت فعيونك
حكاية حبنا المصري

شاعر الطير