تويت
إطروحة الجمال
إطروحة الجمال
ما أحمل بعد من يمي كومي بساع
ما أحمل بعد من يمي كومي بساع
من دم ولحم والكلب مو لوحة
ماشايف وشاف الكلب هم معذور
إذا يم باب حسنج تنسحن روحة
نهر من عسل طولج والخلك جرفين
وكلبي من الزغر خانكته الملوحة
عيونج جتفني والرموش سهام
وبسيوف الحواجب روحي مذبوحة
موعا الأرض مشيج عالكلب تمشين
اووي دوسة جدامج تنزف جروحة
كذلتج على عيونج من تجي وتروح
كلبي آنه طفل والكذلة مرجوحة
أعرف ماألوحه العنب شك الزيج
وصوباطج صعب من يكدر يلوحة
يالكلج إنوثة من الجدم للراس
وأحس كلبي بضحكتج ياكل بروحة
جمالج موطبيعي يدوخ الصوبين
ومامعصومة روحي ودوم مفضوحة
الدرس علم الطبيعة والجمال يفوز
تعليق