موزة : جرى إيه ياسلطان .. تبات نار تصبح رماد ياخويا
سلطان : أهى باتت وصبحت نار .. فين الرماد .. فين الرماد ؟
موزة : طب وفين النار أمال ؟
سلطان : موزة 00 أنت هاتهزرى 00أنا فعلا نار 00شوفى ( يدنى وجهه لتتحسسه )
موزة : ( تلامسه ) هوف 00 ياه 00 دى حامية قوى 00بتلسع
سلطان : أنت فعلا بتهزرى 00 أصلك مش مصدقة !!
موزة : أصدق إيه ياراجل أنت 00معقولة 00 دى مشاكل ياما بتحصل للتجار 00لا هى أول مرة ولا آخر مرة
سلطان : أصلك مش عارفة حاجة
موزة : لأ مش عارفة 00 عرّفنى 00 قول ياسلطان
سلطان : أقول لك إيه00 وأعيدلك إيه بس
موزة : قول ولا يهمكشى حاجة 00 بس قول كل حاجة
سلطان : لا 00 أنت فعلا بتهزرى 00 خلاص 00 خلاص
موزة : أنت زعلت ياحبيبى 00 أنا قصدى أهون عليك بس ياحبيبى 00الدنيا ما تهدتشى ولا

حاجة 00 أنت اللى عينك ضعفت 00 هات لك نضارة
سلطان : يمكن ( يدير وجهه )
موزة : ياحبيبى اللى عقدها يحلها 00 خلى تكالك على ربنا
سلطان : يعنى أعمل إيه ؟ أرقص 00 و لا ألالى بالصوت الحيانى ياناس ياهوووه 00 أنا جبت بضاعة

حاطط فيها كل مالى 00 ومش عارف أصرفها !!
موزة : حاطط فيها إيه ؟
سلطان : كل مالى ورا س مالى
موزة : اخص عليك ياسلطان 00 حد يعمل كده برضه ؟
سلطان : اللى حصل
موزة : ماينفعشى ترجع فى كلامك حتى لو نسيب مبلغ ؟
سلطان : ارجع فى كلامى إزاى بس 00 البضاعة فى المخازن ياست
موزة : فى المخازن 00 فى المخازن ياسلطان 00 فى المخازن آل 00 فى المخازن آل ( يغمى عليها )
سلطان : موزة00موزة 00 فوقى 00 موزة حرام عليك أنا مش ناقص ( جرس التليفون يرن )

ألو00 مين ؟ راشد 00 ودا وقته ياراشد 00 موزة 00 ياأخى ماأنى عارف إنك عزرائيل

00موزة 00ماأنى عارف إنك عزرائيل 00 بتقول إيه ؟ معقول ياراشد0 لأ 00 لأ 00موزة
00ياأخى لأ00موزة مراتى مش الموز 00أما لوحصل ياد ياراشد 00 لأ مش حاقولك 00

بتقول إيه ؟ عينيه لك ياراشد00 بس تنحل قبل ماينحل وسطى 00 اوعى تتأخر 00 أنا

مستنيك 00 موزة 00 ياأخى أنا عارف 00 لأ مش حاتحرك 00موزة 00 ياأخى قوم بقى
00ييه 00 مع السلامة00 موزة فوقى 00 موزة ياروز00يا ( ينادى على الخادمة ) موزة

00 راشد لقى حل 00موزة00خلاص اتحلت00اللى زاد وغطى الأشباح
00أنا خايف أقول لموزة تجنن 00 وأنا مش ناقص جنان 00بس عمر البيت ما كان مسكون
00موزة 00موزة اتحلت ( تتحرك 00 تفيق )
موزة : هيه إيه ؟
سلطان : المشكلة
موزة : من امته المشاكل بتنحل بالسرعة دى ؟
سلطان : موزة 00 فوقى
موزة : ما أنى فايقة أهوه
سلطان : أنت فايقة ولا موزة
موزة : يعنى لك نفس تهزر 00 بعد عملتك السوده ؟
سلطان : خلاص اتحلت 00 أه 00 اتحلت00راشد 00آه ياحييبى ياراشد
موزة : مش عارفة الجدع ده مابينزليش من زور ليه 00 ولله فى الله قلبى مابيستريحلوش
سلطان : أهو بيقول لقى حل !!
موزة : معقول 00 بقى حمار زى ده يحل مشكلة زى دى ؟
سلطان : ومش معقول ليه ؟
موزة : مش ممكن 00 بقى سلطان اللى دماغه كمبيوتر يعجز عن الحل 00 و راشد أبو دماغ
خياره 0000
سلطان : ليه لأ ياموزة 00 يوضع سره فى أضعف خلقه !!
موزة : قالوا الجمل طلع النخلة 00 أدى الجمل وأدى النخلة 0
سلطان : الغريق بيتعلق بقشة ياموزة 00 وأنا وقعت ماحدش سمى عليه
موزة : اسم الله عليك ياخويا 00 عدوك اللى يوقع
سلطان : أمال تسمى اللى أنا فيه ده إيه ؟
موزة : سحابة خير 00 يموت المعلم ولا يتعلم
سلطان : أما ياد ياراشد لو جيت بالحل 00 مش بعيد أعينك مستشار خاص 00 أو تبقى شريكى
00ليه لأ
موزة : شريك 00 شريك بإيه 00 هو حيلته اللضة ؟
سلطان : شريكى ياوليه 00 يشاركنى
موزة : بإيه ياحسرة ؟
سلطان : حايبقى حيلته من النهاردة
موزة : أنت ياراجل حصل لك حاجة 0باقولك الشخص ده ماباستريحلهوش خالص 0تقول لى
أخليه شريكى!!
سلطان : دا مرهون بالحل اللى حايجيبه ياموزة
موزة : أنت بتحلم
سلطان : وماله ؟
موزة : وبعدين لو كل واحد بيّن لصاحبه حبة إخلاص يبقى شريكه كانت تبقى كارثة
سلطان : كارثة 00 ليه بقى ؟
موزة : حاتبقى كل حاجة بتمن 00 الاخلاص له تمن 00 المودة ليها تمن 00العطف له تمن زى
الطماطم و الموز .. و الكسبرة .. و البني إدينى اتنين كيلو مودة و اتوصى !!
سلطان : فوت علينا بكرة 00 جبرنـا
موزة : والحب ليه تمن برضه زى أى سلعة !!
سلطان : يعنى أنا أصدع دماغه بمشاكلى 00ويفضل قايم قاعد يفكرعشانى 00 مش دا يبقى استغلال
وأنانية منى ؟
موزة : وحاتروح بعيد ليه 00 ماهو برضه لو عنده مشكلة 00 حاتعمل معاه زى ماعمل معاك 00

وبنفس درجة الإخلاص 00 يمكن أكتر 00 لا لا سيبك أنت !!
سلطان : يعنى إيه ؟
موزة : الكمبيوتر النهاردة مش عاجبنى ياسلطان ؟
سلطان : الكمبيوتر هنج
موزة : زود له الرامات 00 اعمل له فحص للذاكرة
سلطان : ولو طلع فيروس ؟
موزة : أيوه فيروس 00 أهو راشد ده هو الفيروس بعينه !!
سلطان : ياموزة بلاش افترى
موزة : ماحدش كان يعرف بسر الصفقة غيره 00 مش كده ياسلطان 00 قر واعترف ؟!!
سلطان : قصدك يعنى 00000ماأظنش !!
موزة : أنت بعضمة لسانك قايل لى راشد لما عرضت عليه الصفقة وأنت متخوف منها 00 قال لك

ماتخافشى 00 خش مايهمكشى 00 حصل ؟
سلطان : بس ماظنيش ياموزة 00 صحيح هو قال كده 00ولولاه كنت اكتفيت بالنص 00 لكن لأ

00 دا إنسان مخلص 00 مستحيل يخون00لو الدنيا كلها خانت هو لأ !!
موزة : ليه لأ ياسلطان 00 هو شايفك قدامه بتكبر وهو زى ماهو كل مادا فى النازل 0نازل نازل تحت
تحت !!
سلطان : أرجوكى ياموزة لحد كده و كفاية كلام فى سيرة الراجل00 زمانه جاى 00 ومش عايز أقابله
بنفس كارهه 00 أرجوكى !!
موزة : اللى تشوفه ياخويا 00 المال مالك 00 والكلمة ليك فى الأول وفى الآخر !!
سلطان : الله يبارك فيك وفى عيالك 00 يابنت الأصول ( طرق على الباب ) جبنا فى سيرة البسبس هل
يبسبس ( تدخل هى ويفتح هو الباب ) أهلا وسهلا 00 تعالى ياعم راشد !!
راشد : أخوك وحبيبك !!
سلطان : تعالى 00 ادخل
راشد : آجى و لا أدخل
سلطان : الاتنين
راشد : مقدرش ع الاتنين 00 اختر لك واحدة
سلطان : لأ بقى 00 دا أنت رايق ع الآخر
راشد : أخوك 00 وحبيبك
سلطان : اقعد00 استريح
راشد : اقعد و لا استريح
سلطان : آلله 00 هو فيه إيه بالظبط ؟
راشد : أخوك وحبيبك
سلطان : ياأخى اترزع 00 هيه 00 فين الحل ؟
راشد : حل إيه وربط إيه ؟
سلطان : راشد
راشد : أخوك وحبيبك
سلطان : حليت المشكلة إزاى ؟
راشد : مشكلة 00 مشكلة إيه ؟
سلطان : راشد 00 وبعدين
راشد : أخوك وحبيبك
سلطان : الله يخرب دماغك 00 فين الحل ياد انطق ؟
راشد : فى الفضائية
سلطان : إنهى فضائية
راشد : العربية 00 حد مايعرفشى العربية 00سرها باتع 00الجزيرة جابت خبر أفغانستان وهيه
....................................
سلطان : و أنت إن شاء الله حاتجيب خبرى !!
راشد : ياراجل ماتقولشى كده 00 دا أنت حبيبى
سلطان : حبيبك إزاى وأنت سايبنى وشاغل نفسك بالعربية والجزيرة 00 والعراق
راشد : عيب يا أخى دا أنت راجل اقتصاد 00 والاقتصاد سياسة
سلطان : وله 00 أنت شكلك النهاردة بيفكرنى بشارون 00 فين الحل ياراشد ؟
راشد : مصمم !!
سلطان : إلا مصمم 00 هو احنا لنا شغله اللى دى يا راشد 00نجيب بضاعة 00 ونورد بضاعة !!
راشد : يعنى أنت مصمم !!
سلطان : مفيش حل 00 يبقى سلطان ريشة فى جناح بعوضة
راشد : ( يقدم له ورقة صغيرة جدا كأنها حجاب ) خد
سلطان : إيه ده يا راشد ؟
راشد : يللا بالشفا 00 بعد الأكل وقبله
سلطان : هو ده الحل ؟
راشد : حل بسيط وصغنن وابن ناس 00 خد وماتقولش لحد
سلطان : ( يلقط الورقة ) هو ده حل المشكلة ؟
راشد : أى نعم هو الحل ؟
سلطان : أنت متأكد 00 تكون وقعت منك حتة هنا ولا هنا
راشد : وحياتك من المصنع للمستهلك فورا وبدون وسطاء !!
سلطان : يعنى مفيش حاجة وقعت منك ( وهو يلتقط عصا من خلفه ) متأكد ؟
راشد : متأكد !!
سلطان : يعنى أنت متأكد ( يرفع العصا وينزل بها فيطير راشد وهو خلفه ) طب خد

إ ظـلام




المشهد الثالث


فى نفس البهو بمنزل سلطان 00موزة زوجته فى حالة شبه مرضية 00نعرف ذلك من خلال غطاء الرأس00هاهى تتحدث إلى عائشة

عائشة : إزيك ياموزة 00 عاملة إيه ياحبيبتى 00 قلبى عندك
موزة : قلبك فيه الخير ياحبيبتى
عائشة : ماقوليتش ناوية تعملى إيه ؟
موزة : يعنى ندخل عش الدبابير برجلينا 00ونرجع نقول ياريت اللى جرى ماكان( لنفسها )وجايز يحلوها
00جوزك ماعدتش حيلته غير السيارة والبيت 00 والبضاعة لو ماتصرفتشى حانبقى على الحديدة

00 وربنا بيقول اسعى ياعبد وأناأسعى معاك 00 يعنى لازم سلطان يقتنع 00 وسلطان مش ميال
للناس دول 00 دايما يهاجمهم 00 سلطان زى الكمبيوتر 00حساباته دقيقة 00 مفيش تخمين 00

مفيش يمكن 00 مفيش لو !!
عائشة : المهم تقنعى سلطان يهاود راشد 00 وربنا يكرمه وتنكشف غمته
موزة : أشوف !!
عائشة : تشوفى 00 وهو أنت لسه حاتشوفى
موزة : أشوف
عائشة : مفيش أشوف 00 فيه لازم 00 البضاعة راميتها فى المخازن مش حلو 00 مش حلو أبدا !!
موزة : وأنا برضه بأقول كده 0
عائشة : نبقى متفقين !!
موزة : على إيه ؟
عائشة : تانى 00 يبقى أنت مش مقتنعة !!
موزة : أنا محتارة !
عائشة : لا محتارة 00 ولا منزارة 00 بس هو يسيب نفسه لراشد 00 وراشد جوزى أنا عارفاه 00

حايعمل اللازم
موزة : راشد حايعمل اللازم !!
عائشة : أمال
موزة : وراشد جوزك صاحبه وحبيبه ؟
عائشة : أمال
موزة : وراشد جوزك أنت عارفاه ؟
عائشة : أمال
موزة : هو الشريط سف ولا إيه اللى حصل ؟
عائشة : ولا لف ولا سف ياموزة ياختى 00 أنا كل اللى رايداه أأكد عليك 00عشان الأمور تسلك
والمركبة تمشى
موزة : قلبك فيه الخير ياأختى 00 ماشربتيش حاجة 00 اشربى حاجة
عائشة : أشرب كده إن شاء الله عن قريب لما الأزمة تعدى 00وكل شىء يرجع لحاله00ياقادر ياكريم

(طرق مستمر على الباب بشكل مزعج )
روز : ( تقبل من الداخل ) إيه دى 00 مسيبة حصل و لا إيه ؟ ( تصبح قبالة عائشة ) أنت باين عليك
سؤم ماما00 لسانك مس تمام 00 عايز خسه ( عائشة تحرك كفها قرب وجهها –تفتح الباب
وهى ترطن ) 00استغفر الله عظيم ( يمرق القزمان – يزغزغان روز ولايتركانها حتى تسقط على
الأرض – يسحبانها ويتركانها إلى جدار )
بابو : ماما 00 ماما
سابو : الحقى ماما ( تفزع موزة )
عائشة : ( تقف بفزع ) إيه 00 حصل إيه ؟
بابو : ماحصلشى لسه
عائشة : ماتنطق ياوله 00 ينيلك 00 أنا عارفه أمك كانت بتتوحم على إيه !!
موزة : على إيه يعنى00تلاقيها كانت بتتوحم على مارد!!
عائشة : انطق ياوله أنت وهو !!
سابو : مسكوه
عائشة : مين مسك مين ياوله ؟
بابو : المعلم مسك الشرطة 00 الشرطة مسكت المعلم
عائشة : ماتفسر كلامك يامنيل ؟
سابو : مسكوا بابا وجرجروه على الشرطة
عائشة : ( تصرخ )


إ ظــلام



المشهد الرابع

راشد يروح ويجىء بقلق ، سيف يراقبه من بعيد ، يقبل سابو وبابو القزمان ، أحدهما يحمل الآخر ، يهمس راشد للأعلى ، ثم يؤكد0

راشد : خلاص 00 كله تمام
سابو : ألا والنبى بابا 00 عملوا معاك إيه فى الشرطة ؟
راشد : وهيه دى أول مرة 00 ماكل يوم بتحصل مصيبة من المكتب 00زبون خاد سيارة وعمل بيها

حادثة 00 أنامالى 00يجرجرونى ليه 00أجر سيارة وقفشوه مع واحدة 00أنا مالى 00 أمته
ربنا يتوب علينا بقى !!وبعدين 00 أنت بتسأل ليه يارزل 00احنا قولنا إيه ؟
معا : أطرش وأخرس ومابنشوفش !!
راشد : برافو 00هو ده العلام صحيح !!
سابو : احنا حانهرج 00 خلينا فى الشغل وبلاش لعب عيال
راشد : طول عمرى أقول عليك عاقل 00نرجع للشغل 00 أنتوا فاهمين اللى قلته 00 ولا أقول كمان !!
سابو : قول كمان !!
راشد : ماأنت جلابيتك صغننه 00 هات حاجة خد فيها أحسن لك !!
بابو : سابو ماتعطلناش 00 ورانا شغل
راشد : ياوله أنت يابتاع الشغل 00 ياشغيل 00 يللا أنت وهو 00 زى مافهمتكم 00 مفيش غلط 00

مش خلصتم الشغل بتاع الماما ؟
سابو : خلصناه 00 وقالت لنا روحوا جاتكوا خيبة فى اللى مشغلكم !!
راشد : باحسب يعنى !!
سابو : بأقولك00 قالت لنا جاتكم خيبة فى اللى مشغلكم !!
راشد : مش أحسن ماتمشوا حافيين ؟
بابو : عايز أسأل سؤال بابا 00 أنت ليه بتعمل كده ؟
راشد : باعمل إيه ياوله ؟ أنا قلت إيه ؟
معا : أطرش أخرس مانشوفش
راشد : ياعاقل 00 يللا ياروح ستك أنت وهو 00 زى ماقولتكم لو حد عصلج ابعتهولى أتفاهم معاه
القزمان : ( يخرجان وفى أثناء الخروج يقبل عميل ) أيوه اتفضل 00 موجود 00الحاج صالح بابا
راشد : طب يللا غوروا 00 يا أهلا ياحاج 00 اتفضل 00ياأهلا وسهلا
صالح : أنا مش جى أتضايف ياراشد 0
راشد : تحت أمرك ياحاج 00 بس يعنى مايصحش
صالح : قول لى 00 البضاعة دى ألاقيها فين ؟
راشد : ( يأخذ الورقة منه ويتأملها ) ورينى
صالح : أنا سمعت إنها عند صاحبك سلطان ؟
راشد : مين قال لك ؟
صالح : سمعت 00 والكلام مالى السوق !!
راشد : هيه على وصول
صالح : يعنى مش موجودة ؟
راشد : هو اتعاقد عليها 00 وجايز والله أعلم المركب توصل الأسبوع الجاى !!
صالح : ياه 00 الأسبوع الجاى 00 دا كتير قوى !!
راشد : وياريت كده وبس 00 احسب بقى على ماتنزل الشحنة 00 وتخلص من الجمارك 00 فيها يعنى
قد تلت أسابيع !!
صالح : دا شىء يطول شرحه 00 لا 00 لا 00 أنا أشوف حد تانى !!
راشد : طب ماتصبر شوية ياحاج 00 أنت عارف سلطان 00 بضاعته كده 00 بريفكس !!
صالح : لو عليه أستنه 00 لكن أعمل إيه 00 التاجر اللى طالبها قابض عرابين من الناس 00 ودا
موسم 00 كل سنة وأنت طيب !!
راشد : يللا مالوش فى الطيب نصيب
صالح : فتناهولك بالهنا والشفا 00 إدينى الورقة 00 ألحق أشوف تاجر تانى
راشد : يبقى مفيش غير شركة السالم
صالح : يعنى رأيك بلاش أروح لسلطان الشركة ؟
راشد : والله بشوقك 00 بس هو ماعندوش
صالح : خلاص 00 استبينا 00تفتكر ألاقيها عند السالم ؟( وهو يتحرك )
راشد : عنده إن شاء الله ( يقعد على كرسى 00 ينظر فى الفراغ 00 لم يعد يرى شيئا ) عملت إيه
ياراشد00 اللعبة خطرة 00 جايز تخسر فيها صاحبك الوحيد 00 وسمعتك تضيع 00 وتبقى زى
الجرب 00لا حد يصدقك و لا يبص فى وشك 00 أعمل إيه 00 والمصاريف والمطالب تقلت عليه
00 مدارس أجنبية 00سيارة آخر موديل 00 مطالب سيف هوالتانى 00 الجراش ماعادتشى

بيجيب همه 00 طول النهار قاعد أنش 00 أعمل إيه ؟ وبعدين أنا اتفقت مع سلطان00الليلة

هايجى أول مطوع اتفقت معاه 00بداية الخيط 00 وكلهاأسبوعين وتخلص العملية 00
أكون هبشت لى هبشة من وراه00وهبشة من السالم وآل خلفان 0 وجايزعلى رأى عائشة مراتى
00أطلع بشركة معاه 00 وتهون عليك الخسارة دى ياراشد ؟ ياخسارة سلمت نفسك للشيطان00

هاتروح فين من ربنا ؟ كلها أسبوعين 00أسبوعين وبس00 وهابيع له البضاعة بنفسى00أسبوعين
ماحدش عارف مين هايطلع منها سليم 00 ماهو لازم يشدنى معاه 00 يرفعنى 00لازم 00 لازم

00 دايماناسينى 00ياكداب 00عمر سلطان ما أتعامل معاك على إنك أقل منه 00 أى عميل

وديتهوله 00 إداك نصيبك فيه 00 وياما كسبت من وراه !!
القزمان : ( سابو وبابو يظهران فجأة من بين ساقيه ) بابا 00 بابا
راشد : ( برعب يقعى على الأرض ) الله حى 00 الله حى
سابو : جرى لك إيه بابا 00 احنا احنا
راشد : أنتوا مين ؟ إنس ولا جن ؟
بابو : جن هندى
سابو : فز قوم 00 بلاش لعب عيال
راشد : أنتوا لسه قاعدين يامصايب ؟
سابو : أحنا واقفين مش قاعدين
راشد : أنتم جيتوا منين ؟
سابو : أنا جيت من هنا ( من بين رجليه )
بابو : وأنا جيت من هنا ( من الخلفية )
راشد : اخص 00 هيه وعملتم إيه يافالحين ؟
سابو : عملنا كل حاجة !!
راشد : كل حاجة ؟
بابو : كل حاجة 0
راشد : كل حاجة زى إيه ؟
سابو : مش حاقولك !!
بابو : عرقنا الأول 0
سابو : أنت مش قايل دا شغل إضافى ؟
راشد : من أمته بقى أنا كلت عرقكم ؟
سابو : أصل النوبة دى غير كل النوبات !!
راشد : إزاى ؟
بابو : النوبات اللى فاتت كنابنورد العملا !!
سابو : النوبة دى بنصدرهم لبره !!
راشد : وبقيت بتفهم فى التجارة ياسابو الكلب !!
بابو : أنت مش قلت لنا 00 ماحدش من التجار يهوب ناحية شركة سلطان 00 إلا إما نسأله حاتشترى
إيه ؟
راشد : وبعدين ؟
سابو : والله والله أكتر من خمس عملا 00 صدرناهم 00 وعليهم ختم الحكومة !!
راشد : مش قلتوالهم بعد أسبوعين طلبكم يكون جاهز ؟
بابو : ( يهرش ) سابو 00 أنت سمعتنى باقول الكلمة دى ؟
سابو : بابو 00 أنت سمعتنى باقول الكلمة دى ؟
راشد : الله يخرب بيوتكم
بابو : وبيتك يابابا !!
سابو : عمولتنا يابابا ؟
راشد : ولا قلتوا لهم البضاعة عند السالم وآل خلفان ؟
سابو : دى بقى أنا سمعتنى بأقولها
راشد : جدع ياد ياسابو
بابو : إيدك على النقدية ؟
راشد : مستعجل قوى حضرتك ؟
بابو : عندى شغل
راشد : عندك شغل
بابو : وأنت مالك 00 عندى بسبس وخلاص
راشد : بسبس وخلاص 00 والله أشحنك
سابو : بابو 00 عم راشد هوائى 00 والله يعملها كأنه بيطقطق صوابعه !!
راشد : برافو عليك ياد ياسابو 00 بسم الله ماشاء الله 00 العقل زينة
سابو : وأنت خليت فينا عقل 00 دا أنت تجن العفاريت
بابو : إللى هو احنا !!
سابو : يللا 00 طقطق إيدك
راشد : صوابعى توجعنى !!
بابو : ياعم راشد 00 بلا ش لؤم
راشد : صوابعى توجعنى
سابو : خليها توجعنى أنى 00 مالكشى دعوة 00 بس يللا
راشد : يللا إيه ؟
بابو : طقطق إيدك
راشد : أنت هندى ياله 00 باقول لك صوابعى توجعنى
سابو : مش صوابعك اللى حاتوجعك 00 وأنت الصادق جيبك 00 يللا بقى خليك حلو
راشد : ماشى 00 بس ماتغيبوش عليه !!
سابو : نغيب 00 ودا اسمه كلام
راشد : أنتم أحرار 00 لو جيتوا لقيتوا المكتب مقفول 00 ماتبقوش تعيطوا
سابو : بابو 00 عم راشد باين على وشه الغدر
بابو : حقه 00 حقه ناوى ؟
راشد : وهو أنا أقدر 00 دا أنتوا روحى وعقلى !!
بابو : تبقى ناوى
راشد : يللا غوروا من وشى 00 وأنتوا بقيتوا نحس !
سابو : احنا 00 حانوريك النحس من يوم ورايح
بابو : أنت عارف كنا ريحين فين ؟
راشد : فين ؟
سابو : زبونين ربطناهم جار السوق
بابو : كنا حانروح نشيلهم 00 ونجيبهم لك
راشد : زبونين بحالهم
بابو : بهدومهم مش بحالهم
راشد : طول عمرى أقول عليكم وش السعد !!
سابو : والعمولة بتاعنا؟
راشد : خلى الحساب يجمع
سابو : مفيش يجمع 00 يطرح 00 يطرح 0
راشد : ماشى ( يعطيهم )
بابو : بس
راشد : من يومك وأنت طماع ياد يابابو 00 مش زى سابو أبدا !!
سابو : لأ بقى 00 أنا طماع !!
راشد : معوضة النوبة الجاية
بابو : خلاص بقى ياسابو 00 هو اللى محتاجنا 00 هو حر !!
راشد : الله ينور عليك يابابو 00 بابو إيه 00 سنجام بيك !!( قبل إنصرافهم يؤدون بعض الأكروبات
الشيطانية تعبر عن الحالة التى وصل إليها راشد( كلهاأسبوعين ياسلطان 00استحمل ياسلطان
00اوعى يجرى لك حاجة 00 أنا باحبك قوى 00 قوى 00 الشر معشش فيه ساكن جوايا 00

فى بيتى 00 فى بيتى ياسلطان 00الحقنىياسلطان
( القزمان يخرجان من بين رجليه )
القزمان : أنت مخاوى ياعم راشد !!!!