تويت
قلب صافي لا تستطيع ابدا ان تنظر في عينيه ولا تحس بالالفه
صوت يبعثك الي ماض جميل يحمل معه بعض من العبق التاريخي الجميل صوت يدخلك رغما عنك في اجواء القصيدة
انه صوت الشاعر الرقيق ابن ميت غراب ابراهيم حندولة
بادرته بالسوال
انا عارف انك بدات الشعر في سن صغيرة ممكن تحكيلنا القصه وازاي بدات الكتابة؟
من سن عشرسنين عن طريق قرايتي لديوان الاطفال لأحمد شوقي اللي اثر فيا كتير خصوصا اللغة والأداء وابتسم قليلا واعتدل في جلسته ليتذكر جزء من تلك الأبيات التي كان يردده منغمة في طريقه للمدرسه
~*¤ô§ô¤*~*¤ô§ô¤*~
يقال كان الكلب ذات يوم بين الرياض غارقا في النوم
فجاء من ورائه الثعبان منتفخا كأنه الشيطان
وهم أن يغدر بالأمين فرقت الورقاء بالمسكين
ونزلت توا تغيث الكلب فنقرته نقرة فهب
وحمد الله على السلامة وحفظ الجميل للحمامة ~*¤ô§ô¤*~*¤ô§ô¤*~
احساسك مع أول قصيدة كتبتها وكانت امتى؟
بدأت كتابة من غير ماقول لحد وكانت في أولى ثانوي ووريتها لصحابي لأن أهلي كانوا بيشوفوا الكلام ده تضييع وقت وقعدت سنة كاملة لحد ماكتبت القصيدة التانية
يناديكي قلبي ولاتسمعي ولاتستجيبي يوما نداه
كأنك لاتعرفين الهوى ولاتعرفين قلوب الهواة
يريدك قلبي أن تنقذيه وتهدي له قبلات الحياة
فان تبحثي في ضحايا الوجود فلن تجدي محتضرا سواه
ايه كان مصير القصيدة دي؟
كان عندي وقتها 17 سنة وبعتها في الراديو واتذاعت على صوت العرب والشباب والرياضة والشرق الاوسط
17سنه يعني سن صغيرة لكيد ده اداك دافع علشان تكمل؟
طبعا في الثانوية والجامعة بدأت اقرا لنزار قباني وفاروق جويدة وكانت الدواوين ساعتها نزار 11ج وجويدة 3 ج وفي الجامعة قابلت د/محمد خيري الامام اللي كتبلي تعليق في اوتجراف لا أنساه الاحتكاك مطلوب نادي الأدب مفتوح ليك على مصراعيه وسمعت النصيحة فعلا فرحت أنا وزميل الدراسة هشام الشربيني
د/ابراهيم ايه رايك في نوادي الادب في الجامعة ومدي تاثيرها عليك؟
معمل تفريغ بجد كان وقتها مسرح للصارعات السياسية الضخمة(ناصريين وحدثيين ومحافظين)وكان المكسب في النهاية للشعر اللي كانت أعظم مراحل نادي الادب في جامعة المنصورة
مين جيلك؟
الفترة الطويلة لدراسة الطب سمحتلي بمقابلة ناس كتيرمنهم كجيل أول د/هاني مهنى،د/محمد سرحان
ايمان العوضي ، د/ياسر الدالي، حسن الجيار، عبده الريس، د/شريف صقر، منى الضويني
وشباب هندسة الشربيني ،الحديدي،القداح
والجيل التاني اللي بعتز بيه جدا وليه مكانة غالية عندي على المستوى الشخصي
محمود عبد الرازق،منصور بغدادي،اسلام محروس ،أحمد عبد الحي،مصطفى الجزار
والجيل الاخير اشرف توفيق ،السرساوي، البدري، حامد الاتربي، ملوك
اهم التكريمات التي حصل عليها حندولة؟
أول مسابقة دخلتها بعد انضمامي لنادي الأدب بشهر في وزارة الشباب كان موضوعها عن غزوة بدر وحصلت ع المركز العاشر من أصل 25مشارك وكنت الوحيد من جامعة المنصورة وأخدت جايزة 125ج وتوالت المسابقات في وزارة الشباب وحصلت على المركز الثالث والرابع
وحصلت على المركز الاول في شعر الفصحي في دوري الجامعات سنة 2001-2002
والمركز الاول في مشاركات الادب بكلية العلوم والطب البيطري والجامعة بشكل عام
اسبوع شباب الجامعات؟
شاركت في اسبوع شباب الجامعات 5 مرات
حصلت ع المركز التالت في المنيا والاول في المنصورة
ومسابقة النقد المسرحي المركز الاول أكتر من مرة
وأغنية اسبوع شباب الجامعة مركز تاني 2005
العلاقات والناس؟
من خلال الزيارات والتبادلات حصل علاقات حميمية على أساسها تم انشاء نادي أدب في جامعة المنوفية وبقى في زيارات ثابتة بين المنوفية والمنصورة كل سنة اتعرفت على مجموعة شعراء منهم الشاعر الكبير أحمد بخيت اللي رشحني لاحتفالية ربيع الشعراء في المجلس الاعلى للثقافة 2003 وكانت منصة لاتنسى الشعراء أحمد عبد المعطي حجازي ،فاروق شوشة، سيد حجاب ،امين حداد
وعلى المستوى الشخصي من نفس الجيل؟
عادل سلامة من جامعة حلوان معد برامج في التليفزيون وكاتب اغاني (أغنية بتغيرلسمر
حسن رياض..أغاني لمحمد منير منها برج حمام، النواصي
اللي رشحني لندوة في قصر السينما كمحاضرعن الأدب وتصادف وجودي مع الفنان سمير صبري كمحاضر في الفنون بالاضافة للشعراء علي سعد(مخرج مسرحي) عصام مغاوري
تم ترشيحي لتمثيل مصر شعريا في لبنان شعلة يوبيل2000
السودان2003
مشاريع حندولة الحالية؟
بجهز لديواني الاول( ثقوب في جدران الحلم) والانتقال للقاهرة
احلى حاجة قريتها لجيلك؟
اشرف توفيق.... مرسال لحبيبتي
محمود عبد الرازق ... لاتعذريني
عادل سلامة ... عبده و شحتفة في ديوان شحتفة
بنطلونك ، عيد ميلاد حبيبتي قرب
من ديوان الحب في الجامعة
أحمد عبد الحي.. أنا أبقى مين
كتابات مين كان نفسك انها تكون بتاعتك؟
احمد فؤاد نجم... (بلدي وحبيبتي) ،شئ من بعيد..فيلم النداهة،رباعيات صلاح جاهين،
طيبة..امال ماهر، وداع... مدحت صالح، (عم حراجي القط ، دماء ع الاسفلت ) الابنودي، صلاح عبد الصبور (مأساة الحلاج) أبويا الروحي أمل دنقل وكان نقطة تحول وأثرفيا كتير بحب له جاء طوفان نوح،لاتصالح، الكمان، ضد من
زعلان من ايه حواليك؟
الاغاني الهايفة اللي بوظت ودان الناس والزيطة الكتير اللي الناس عايشة فيها
ايه أثر فيك بجد؟
نشأتي الفقيرة هي اللي ادتني التمرد والطموح وخلتني دايما عايز أكون حاجة بسبب شرخ الضعف المادي
شايف نفسك فين بعد عشرين سنة؟
طبيب عادي ممارس أو غير ممارس ولكن شاعر متميز أو أختفي تماما من الحياة الشعرية
من أعماله
نبأ عاجل
بحبك لسه زعلانه
يحيى قدري