قـالــوا في الستَّــات

**مها النجار** · 07-12-2007, 14:26

[align=center]

في ناس تقول الست كلها خير
وفي ناس تقول الست كلها شر

أخى الفاضل...د أحمد

لا يوجد فى الكون إنسان به شر مطلق , او خير مطلق

الا الرسل والانبياء

فالمراة تحمل كل مشاعر الدنيا بتناقضاتها .

فهى القلب الذى يحب ويكره..ويشعر بالخير, ويتآمر بالشر

وبها الضوء والظلام ...والعدل والظلم

فالمراة هى الأم الحنون ..

وهى الحبيية الخائنه..

والزوجة المخلصة...والزوجة القاتلة

هى النهر المتدفق بالعطاء ..والبحر الثائر المدمر

المراة هى الأم التى أعطت ..والزوجة التى حفظت ...والأبنه بكل باقات الأمل

نبقى نصدق ميـن؟ يا خلق ردوا علينـا

صدق أحساسك عندما تنظر الى عيون أمك و أختك وزوجتك

[/align]

**سيدة الشولى** · 07-12-2007, 17:07

[[align=center]size=7]

إستفتي قلبك
ياللي ما تعرف
عداتك من حبايبك

كل واحد له نصيبُه
وأنت لو طيب
طَيِبَكْ حيكون نصيبك
دا اللي مايرضى بنصيبُه
آخرتُه (علقم) يصيبك
إستفتي قلبك
وإرضى بنصيبك

[/align][/size]

**حسني عبدالله جاد** · 08-12-2007, 10:35

في كل العصور

الست هيه الست

الست ام

والست بنت

والست أخت

وكل دول في وصف ست

مرة تلاقيها خير

مرة تلاقيها شر

مرة تكون العسل

ومرة تكون المر

وحياتنا يادكتور

عايزة العسل والمر

وتحيتي لك يادكتور

**د/ أحمد الليثي** · 08-12-2007, 14:39

كيف عاشق الورد يبقى عاشق الأشـواك؟
دا الورد لحن جميل، ونسمة جمال في سماك
حياتنا عايزة الفـرح، وِان قلت طالبـة المُر
خلاص سيبوا لنا العسل، والمر شيله معـاك.

**سميرة ابراهيم** · 08-12-2007, 15:34

الست والراجل
لا يختلفان عن بعضهما

كلاهما انسان

والانسان فيه الشر وفيه الخير

لكن فيه ناس بيبقى جانب الخير عندهم طاغي

وناس جانب الشر يطغى اكثر واكثر

فمن طلب الخير وجده ومن طلب الشر وجده

وفي النهاية الستات بكلمة تملك حنانهم

وبكلمة تكسب معاداتهم

زي الراجل تماما

وهذا لا يمنع ان نثني على القطعة الادبية المميزة منك اخي

**د/ أحمد الليثي** · 13-12-2007, 07:49

المشاركة الأصلية بواسطة سميرة مشاهدة المشاركة

الست والراجل
لا يختلفان عن بعضهما

كلاهما انسان

والانسان فيه الشر وفيه الخير

لكن فيه ناس بيبقى جانب الخير عندهم طاغي

وناس جانب الشر يطغى اكثر واكثر

فمن طلب الخير وجده ومن طلب الشر وجده

وفي النهاية الستات بكلمة تملك حنانهم

وبكلمة تكسب معاداتهم

زي الراجل تماما

وهذا لا يمنع ان نثني على القطعة الادبية المميزة منك اخي

الأخت الفاضلة الأستاذة سميرة
صدقتِ.
شكر الله مرورك وتعليقك.

دمت سالمــة!

**د/ أحمد الليثي** · 13-12-2007, 07:51

الست متظبّطة
ع القبلة تعدلنـا
لو جينا في يوم
وغمَّضنا كده عيونا
ولو ظهر منك نَفَس
بمخدة تعاجلنـا
في الغُلب هي السبب
في السلم تخانقنـا
الوهم من طبعها
ديدنها تتعبنـا
لو قلت مرة يمين
أحلف لك تخالفنـا
وان مشيت زيَّها
تتعدد مصايبنـا
وفيها مع كل كده
تحتـار دلايلنـا.

**د/ أحمد الليثي** · 18-12-2007, 09:05

المشاركة الأصلية بواسطة صابرين الصباغ مشاهدة المشاركة

[align=center]دكتور أحمد
ابتسمت بفم قلبي
ولي عودة..........

رايحة اكسر المرايا
عندي ليك الفين حكايا
بس استنى أوعي تهرب
خد بالك جايين معايا

تحياتي وودي
صبر[/align]

[align=center]يا داهية دقي! حد يلحقنا يا جماعة الخير يطفي الحريقة دي. [/align]
[align=center]======

اختنا صابرين
يا مرحب، يا مرحبتين
تيجي بألفين حكاية، ولاّ بكلمتين
قلبي وفشِّتي في كلامك أهم حايسين.

بس بلاش المرايا
ده كفاية اللي ورايا
وانت عارفة الحكاية
بتجر خلفها مليون رواية

أنا قلت بس اللي قالوه
وان ما عجبك؟ ورب الكعبة نغيروه
ونلعن خاش اللي جابوه
وانت بس ما تزعلي، يا خوانَّا وحدوه!

وبعدين انت راجل بس م النوع الخفيف
يعني منَّا وِ علينا (استر علينا يا لطيف!)
وبعدين كلامنا مش مخيف
ولاجل خاطرك نغسله، يطلع نضيف.

شيلوا يا خَلْق القصايد
اطفوا أنوار المعابد
هوَّ احنا ناقصين الأوابد
صبر نورها شعاع وقايد.

الست تاج واحنا الرؤوس
بلاش فلسفة، وبلاش نحوس
بلاش تاريخ ولا نخر سوس
نقعد نروق بالعرقسوس.[/align]

**د/ أحمد الليثي** · 09-04-2008, 13:12

عمر ما كان الحب يداوي
كل تاريخه نكد وبلاوي
تعشق شابة جميلة لطيفة
زي ما تعشق أم قنـاوي

مش مشكلة الحب يا صاحبي
دي الستات عايزلها تقـاوي

قـالــوا في الستَّــات

قـالــوا في الستَّــات

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث