طاسين الارض-الحلاج-


==============


يا مين انتى
يا مين كنَتى...!؟
ما بين الدرس والناب
وكفك لسه...
على الباب
بدمى بعد ما سمنتى
بروح الرفض وراهنتى
على اجلى
لا نوح عاد ليكى ...
(ولا سفينتى)
ولساه الطوفان راكب
على طى اللسان
وانتى..
لا بتميلى لمله وميلتى
ودفنتى
وأدتى الحب وسافرتى
بلاد الله وحزنتى
.....................................
يا خوص الكوخ يا متولول
يا عود البوص يا متعشق
بأحشائى
يا جوعنا رجوع
عطشنا نعود من الاول
وترمينى فى جب العن
لا انا ساذج ولا حلاج
ولا ديبك...
يوفى الدين
ولا شهودك بدم التوب
يخونوا ويصبروا يعقوب
لان الدم هينبأ..
على بشارتى
..............................................
يا بحر سوايفه شط
الموت
يا وحشه ليل
يا خشه خوف على جلدى
يطقط شعرى ينتفض
يهيج بردى
وتتمدد تعاويذى
يا وسواسه وبتعاندى
(أتيناهم كتاب الحق والملكوت)
فكن كان.
فكنتى الحوت
لكن والف على اليابس
ومتأنس على صورتى
................................................
يا بنت العاج
يا فرعونك يا بنت التاج
تخوم الرمل حياتك
حدود الملك تابوتك
تعابينك بخور سحرك
قرابينك /طقوس /أنغام
ترانيمك / عَباده شمس
تكعيبه يخوتك / زهرة اللوتس
عبيدك سُمر/سُمارك
ومسمارك
بلاط العرش والتاج
اقابلك فين
وانا اخر سلالة طين
دا انا طواس
ومُلكى مِلكى هلا هيلى
بخورى شهقتى ف ليلي
عصايتي /كتابي
تراتيلي
بذكر الحق
وبضربه ملامة
ينقسم بحرك
ويطبق تغرقى فى صمتي
.................................................. .......
يا اول بيا ما أمنتى
محبه فى اهلى ومدينتى
يا بيت لحمك
على عضمى
يا طولكرم ... خان يونس
تخونينى ( يا سالومى)
تبيعى الضيعه
ةتبيعى صليبى فى سهرة وتقومى
على نخبك سقوط أيتي
واقداس اللى خالقنا
وقدس الروح
لتتحول طلاسم عزمى وعزيمتى
وهاتكونى فى فجر الليل
(كميدوزا)
دميمه الوجه وأسيره
ما بين الوحشه والصمت
حقيقتك جمرة النار
وصورتك كف عفريتى
وضحكك كَدر فنجانى
والوانك بحمرة جفنك
القانى فى غمضه جفن تزدانى
يا رأس التور / يا جسم الآسم
رسم الإنس والجان
دانا بينى وبينك تار
ومين فينا
هيتغلب على التانى
دا أنا اصلى أديم الطين
وأصلك نار
خلقنى الرب لعبادته
وفاطرنى ..
وأنا نطفه ... على سجودى
لا خالقنى عشان حبك
ولا نبضى يكون إنتى
دا خالقك لجلن ماتكونى
ضلوعى وتكتمل شيتى
واعود للطين وللدود
على ترابى وانا ف نومتى
يا مين انتى.......!
يا مين كنتى .....!