تويت
لو ضاقت بيك الدنيا
وجُوا سِكّتَك محتار
غريب الأهل غريب الدار
ماتزعلش وما تبكيشِ
*****
مسير الحال هايِتْعَدّل
ويرجع الهوى يجلجل
في صدرك بـ الغُنَا مواويل
وينزع منّه همّ الليل
وتحكيله ويحكيلك
تِغَنّيلُه يِغَنّيلَك
وترويله مدى صبرك
مدى حبك
فياخدك بالهَنَا فـ حضنه
ويشيل الهمّ من جِدْرُه
ويخفي الدمع من خدّك
ويهمس بالحب ويقولك
ماتزعلش وماتبكيش
*****
ومهما الهمّ صار معدود
ده ربك جنبنا موجود
وعنده رحمة مالها حدود
بتخلي الحزين يسعد
فيا بخته وما أسعد
مين خَلَّى الهموم تبعد
ولو ضاقت ولو وسعت
ولا بيزعل ولا يبكيش
*****
ماهيش محتاجة أقول موّال
إضحك ونام خالي البال
هاتبقى فلّ وعال العال
وعلى قد الهموم إضحك
وماتْخَلِّيشْ هموم تاخْدَك
ولو طالت وزاد صبرك
ما تِيْأَسْش وماتزعلش
وماتبكيش
*****
إضحك وغنّي
وتاني غنّي
إضحك وعيش
ولو مفيش
إضحك وإضحك
هاتُفْرَجْ وتِضْحَك
وملهاش لزوم
تزعل وتبكي
أقُولّكْشِ حاجة
خد مني كلمة
لا ضحكة هاتبقى
ولا حزن هايفضل
لا دمعة هاتنفع
ولا الهمّ يشفع
ده همّك يبيدك
والضحكة تفيدك
فاختار بإيدك
ضحكة وسعادة
بِسُكّر زيادة
وافتح قلوبك
فضفض وإحكي
فضفض وإشكي
بس اوعى تزعل
أو حتى تبكي
عيش يلا عيش
فيه أو مفيش
ده الفرح باقي
ومابيتنسيش
والحزن دوامة
مابتنتهيش
والهمّ علاماته
مابتتمحيش
فيا بَخْتْ بَخْتُه
ويا سَعْدْ سَعْدُه
مين باع همومه
بضحكة تعيش
وعلى قد هَمُّه
لا عمره بيزعل
ولا يبكيش
ماتزعلش
ماتزعلش
ماتزعلش
ولا تبكيش
-------------
إهداء إلى دكتورنا الغالي
دكتور سامح (دكتور مشاوير)
وإلى أستاذي العزيز (إيهاب الوصيف)
--------------------
فايد 2010
وجُوا سِكّتَك محتار
غريب الأهل غريب الدار
ماتزعلش وما تبكيشِ
*****
مسير الحال هايِتْعَدّل
ويرجع الهوى يجلجل
في صدرك بـ الغُنَا مواويل
وينزع منّه همّ الليل
وتحكيله ويحكيلك
تِغَنّيلُه يِغَنّيلَك
وترويله مدى صبرك
مدى حبك
فياخدك بالهَنَا فـ حضنه
ويشيل الهمّ من جِدْرُه
ويخفي الدمع من خدّك
ويهمس بالحب ويقولك
ماتزعلش وماتبكيش
*****
ومهما الهمّ صار معدود
ده ربك جنبنا موجود
وعنده رحمة مالها حدود
بتخلي الحزين يسعد
فيا بخته وما أسعد
مين خَلَّى الهموم تبعد
ولو ضاقت ولو وسعت
ولا بيزعل ولا يبكيش
*****
ماهيش محتاجة أقول موّال
إضحك ونام خالي البال
هاتبقى فلّ وعال العال
وعلى قد الهموم إضحك
وماتْخَلِّيشْ هموم تاخْدَك
ولو طالت وزاد صبرك
ما تِيْأَسْش وماتزعلش
وماتبكيش
*****
إضحك وغنّي
وتاني غنّي
إضحك وعيش
ولو مفيش
إضحك وإضحك
هاتُفْرَجْ وتِضْحَك
وملهاش لزوم
تزعل وتبكي
أقُولّكْشِ حاجة
خد مني كلمة
لا ضحكة هاتبقى
ولا حزن هايفضل
لا دمعة هاتنفع
ولا الهمّ يشفع
ده همّك يبيدك
والضحكة تفيدك
فاختار بإيدك
ضحكة وسعادة
بِسُكّر زيادة
وافتح قلوبك
فضفض وإحكي
فضفض وإشكي
بس اوعى تزعل
أو حتى تبكي
عيش يلا عيش
فيه أو مفيش
ده الفرح باقي
ومابيتنسيش
والحزن دوامة
مابتنتهيش
والهمّ علاماته
مابتتمحيش
فيا بَخْتْ بَخْتُه
ويا سَعْدْ سَعْدُه
مين باع همومه
بضحكة تعيش
وعلى قد هَمُّه
لا عمره بيزعل
ولا يبكيش
ماتزعلش
ماتزعلش
ماتزعلش
ولا تبكيش
-------------
إهداء إلى دكتورنا الغالي
دكتور سامح (دكتور مشاوير)
وإلى أستاذي العزيز (إيهاب الوصيف)
--------------------
فايد 2010
تعليق