تويت
تسافر لوحدك
وتهاجر يا صاحبى جراحك معاك
تضيع من ملامحك
ودمعه حزينه تسيل فى دماك
تهاجر بأرضك
وتترك ف ارضك سنين من هواك
تبعتر حروفك
ويضطر شوفك
يشوف من جفاك
ويكبر ف خوفك
حنين مين تشوفه
ف عمرك ملاك
وخايف لتصرخ
بلفظ إعتراض
فيصبح ف لحظه لقبلك هلاك
وتعشق جراحك
وتبقى ابتسامتك لحظه بكاك
وتعيش إغترابك
وتموت فى غيابك
وتسكن قلب السؤال الرهيب
ملامح بتهرب مرة إليك
ومرة تفارق ومرة تغيب
ومره مواجعك تقطع حشاك
ومرة بتيجى جراحك تطيب
وتحاول تهرب
وترجع طيورك بشوقها اليه
يرفرف جناحها
تتوه فى المفارق تنادى عليه
يصيبك ف مقتل
- بعد المسافة-
ويبقى للى حبك قلوب بتجافيه
ويفضل سؤالك
يخالك يا صاحبى تقدر تقولى
إنت ميت
ومن قد إيه؟؟
تعليق