تويت
شاب مهذب دخل السجن ظلما ثم افرج عنه بعد سنوات اشد من سنين يوسف خرج مريضا نحيفا مبتلى بمرض الاستسقاء يتحامل يكاد ان ينقض . يتوقف عن الحركة . يسكت طوعا . ويتكلم عتابا على بلده التى اكلته كما يقول المصريون اكلته لحما ورمته عظاما . انه الاخ الصديق محمد صلاح
من قرية "بهدال" محافظة المنيا " كم حملته أقدامه في سبيل الله .. يدعو إلى الله.. حتى زاره البلاء ضيف ثقيل يخطف منه النوم وهو الصابر المحتسب .
اكتحلت عيناه بالصبر الجميل.. تجملت نفسه بالرضي والقبول.. عاشق خاطره موصول بالغرفات .. وغريب مسافر إلى الجنات .. لا يضره وخزات الألم طوال الليل سهر مفروض عليه.. وسرير شاهد وشهيد.. حتى رحل في مشهد صعب تصويره .
خرج من بلاده الساهرة في بارات الصيف بالشاطئ الميمون الساربة في التيه السرمدي .. غافلة عنه .. راقصة على ألحان المزمار .. ودقات الطبال.
لم ترحم أناته وأوجاعه.. ومضى الفتى مترجلا تاركا خلفه دواوين العتاب
ولسان حاله يقول:
(ليه يا بلادي)
فاكر لما أنا
جيت الدنيا
وكانت دنـــــــــــــــــــــــــيا
فاكر أحلى ملامح طفل
بيلعب جنب الميه
فاكر لون أحلامي
وبين أيامي تضحك ليا
كانت تضحك مره
وتقسي ليالي كتيره عليا
والأحلام التايهه تملي
تسافر ديما تهرب بيّا
بعد شوية
كنت بغني أنا وأصحابي
"حلوه الدنيا"
كنت بغني
"مصر يا أول نور في الدنيا
شق ظلام الليل"
كنت بدندن في الصبحيه
حلوه بلادي أنا والنيل
ولما كبرت وقلت يا دنيا
رد الموت
ولما أنا شفت النور حواليا
قالوا يموت
ولما أنا قلت يا ناس الحق
قال العسكر ليا "سكوت"
لسه أنا فاكر سجن الوادي
مهما سنين العمر تفوت
لسه أنا فاكر ضرب العسكر
يلهب دهري بالنبوت
.....................
طول الليل
داير أدور فين أحلامي؟
فين اللحظة الحلوة تعدي
فين أيامي؟
طول الليل
أفضل أداري الدمع
وعيني ترفرف فيها آلامي
طول الليل
وحروف الويل
تسرق معنى الطيف السامي
أكبر مني
كانت كل حروف الويل
كانت نفسي ورده جميله
ونسمه تعدي من قدامي
...........................
ليه يا بلادي
العمر يعدي بسرعة عليا
ليه يا بلادي؟
تلف قيود السجن ايديا
دا أنا غنيت في طابور الصبح
وكل أصحابي يردوا عليا
(تحيا يا مصر يا أم الدنيا )
حتى رسمتك مره عروسة
يا محروسة متحنيه
ليه يا بلادي بعد دا كله
تنسى همومي وتقسي عليا
....................
لسه أنا فاكر
سجن أبو زعبل والترحال
لسه أنا فاكر
لما تاخدني الدمعة
لآخر كلمه في الموال
لسه أنا فاكر
في الفيوم والنطرون
ضربة سوط من "عبد العال"
ليه يا بلادي
لما رماني
الموت في سريري
ليه ما سمعتش (كيف الحال)؟
ليه يا بلادي
لما هويتك تبعدي عني
وتدي حنانك للطبال
ليه يا بلادي
لما الخاين باع في ترابك
قمتي بنيتي ليه تمثال
دا أنا يا بلادي
كنت بضمك
عند خروجي من " بهدال"
آه يا بلادي
آخر همسه
وآخر كلمه في الموال
"ليه يا بلادي"
تعليق