تويت
كان ياما كان
كان فيه هَنَا كان فيه حنان
الضحكة مَالِيها الأمان
والله زمان
ياحبايب ياقرايب ياجيران
حُوشُو الدموع
نَازْلَة بِتِكْوي فـ الرّموش
يامين يحوش
نازلة بتحفر من الألم
ترسم عذاب غُلْب السنين
ترفع على وِشِّي العلم
تشهد على طول الأنين
ويامين يجيني
ياعيني برضه مظلومين
مكسورين
وسط الضّياع مِتْهَدِّدين
وأنا زَيِّهُم
لكن زيادة حَبِّتِين
فتحت عيني شِوَيِّتِين
بَصِّيت علَى شمالي ويمين
أدِي طفل شَايِل عِدِّتُه
مُشْ شَنْطِتُه
رايح بِذُلّ لوَرْشِتُه
وذنبه إيه؟
تضيع طفولتُه وفرحِتُه
ذنبه إيه يامجرمين؟
*****
وأدِي عَاجْزَة دَايْخَة بِكُومْ وَرَق
تِبْكِي على بيت اتحرق
جُوزها مات .. راح وفات
والفرح من يومها اتسرق
والهموم مَابْتِنْتِهيش
تِطْلُبْ معاشُه عشان تِعيش
يقول مُوَظّفْنا الهُمَامْ
من غير سلام
روحي هناك أو بالفلوس تِبْقَى هِنَا
قالت مفيش .. قال خلاص مفيش هناك
ولا فِيش هنا
وكان فـ عُونِك ربّنا
بَقَى ده كلام يا مُرتَشين؟
ياللّي منكم مسلمين؟!
*****
وأدِي مريض فات صِحِّتُه
بِيشكي من آه فـ كليتُه
ماشي يِجُرّ فـ خطوتُه
أَتَارِي ده ميعاد الغسيل
والمشكلة
يدخل سليم يطلع عليل
والأسئلة
مَالْهَاش جواب
والذُلّ فينا مَالُوش بَدِيل
طب ليه كده؟
السعيد أصبح حزين
أصبح غناه كُلُّه شجن
كُلُّه أنين
ليه كده؟
كَاتْمِين نَفَسْنَا لَاجْل مَانمُوت مَخْنُوقين
خايفين نموت مَقْهُورِين
وخوفنا زاد
مِتْحَسَّرِين
ماتت قلوبنا فـ المكان
اتْشَرَّدِت كِلْمِة أمان
اتْنَسَى طعم الحنان
ومَرِّت سنين
فِضِل سؤال
لو كُنَّا مُتْنا!!
رُحْنا فين؟
ولو لِسَّه عايشين!!
نِبْقَى مين؟
وكان ياما كان
كان فيه هِنَا
ناس طَيِّبِين
وراحو فين الطَّيِّبِين؟!
-----------------------------
فايد 2010
كان فيه هَنَا كان فيه حنان
الضحكة مَالِيها الأمان
والله زمان
ياحبايب ياقرايب ياجيران
حُوشُو الدموع
نَازْلَة بِتِكْوي فـ الرّموش
يامين يحوش
نازلة بتحفر من الألم
ترسم عذاب غُلْب السنين
ترفع على وِشِّي العلم
تشهد على طول الأنين
ويامين يجيني
ياعيني برضه مظلومين
مكسورين
وسط الضّياع مِتْهَدِّدين
وأنا زَيِّهُم
لكن زيادة حَبِّتِين
فتحت عيني شِوَيِّتِين
بَصِّيت علَى شمالي ويمين
أدِي طفل شَايِل عِدِّتُه
مُشْ شَنْطِتُه
رايح بِذُلّ لوَرْشِتُه
وذنبه إيه؟
تضيع طفولتُه وفرحِتُه
ذنبه إيه يامجرمين؟
*****
وأدِي عَاجْزَة دَايْخَة بِكُومْ وَرَق
تِبْكِي على بيت اتحرق
جُوزها مات .. راح وفات
والفرح من يومها اتسرق
والهموم مَابْتِنْتِهيش
تِطْلُبْ معاشُه عشان تِعيش
يقول مُوَظّفْنا الهُمَامْ
من غير سلام
روحي هناك أو بالفلوس تِبْقَى هِنَا
قالت مفيش .. قال خلاص مفيش هناك
ولا فِيش هنا
وكان فـ عُونِك ربّنا
بَقَى ده كلام يا مُرتَشين؟
ياللّي منكم مسلمين؟!
*****
وأدِي مريض فات صِحِّتُه
بِيشكي من آه فـ كليتُه
ماشي يِجُرّ فـ خطوتُه
أَتَارِي ده ميعاد الغسيل
والمشكلة
يدخل سليم يطلع عليل
والأسئلة
مَالْهَاش جواب
والذُلّ فينا مَالُوش بَدِيل
طب ليه كده؟
السعيد أصبح حزين
أصبح غناه كُلُّه شجن
كُلُّه أنين
ليه كده؟
كَاتْمِين نَفَسْنَا لَاجْل مَانمُوت مَخْنُوقين
خايفين نموت مَقْهُورِين
وخوفنا زاد
مِتْحَسَّرِين
ماتت قلوبنا فـ المكان
اتْشَرَّدِت كِلْمِة أمان
اتْنَسَى طعم الحنان
ومَرِّت سنين
فِضِل سؤال
لو كُنَّا مُتْنا!!
رُحْنا فين؟
ولو لِسَّه عايشين!!
نِبْقَى مين؟
وكان ياما كان
كان فيه هِنَا
ناس طَيِّبِين
وراحو فين الطَّيِّبِين؟!
-----------------------------
فايد 2010
ياعيني برضه مظلومين
تعليق