أنا أكبر معارض فى مصر

عبد الحميد بدوى

( شاعر الناس )

تاريخ التسجيل: 31-12-2008

المشاركات: 279
- مشاركة
- تويت
#1

أنا أكبر معارض فى مصر

10-06-2010, 17:33

أنا أكبر معارض فى مصر

وكلمتى من دماغى

ومبحبش الحكومة ولا النظام

ولا عمرى حبيت الريس

ولا حتى ابنه جمال

وانا حر فى أرئى

ومستعد للاعتقال

ومش مهم العيال ولا حتى أمهم

المهم البلد اللى بتموت قبلهم

أتحدى أى كائن كان

يقدر يقولى ثروتهم كام؟؟؟؟؟

أنا أقولكم كل مصر ملكهم

مع خالص الود و الاحترام نموتوا من أجلهم

وتحية كبيرة لكل المعارضين والناس التمام

بقدم أعتذار

لكل الاسامى

على رأسهم

الدكتور البرادعى أبو الاحلام

وأيمن نور اللى دفع التمن من غير كلام

ولا حد قدر ينطق ويقول تلت التلاتة كام

حمدى قنديل رئيس التحرير

وابراهيم عيسى والدستور

وجرايد المستقلين والله يرحم جريدة البديل

مع خالص أحترامى لكل الاحزاب

اللى فتحة قلبها كتاب

وحفظة النشيد

اللى بتقول وتعيد بأذن من النظام

ودايما واقفة بعيد

فى ابراج الحمام

الاسم معارضة والسلام

لغد المنافقين بتاع موسى مصطفى موسى ورجب هلال

والغد الجميل بتاع السيدة جميلة أسماعيل

والوفد الجديد الحزب الاصيل

اللى كانت اعضاءة ملايين

اللى قدم درس لكل مصر

بس هتقول لمين وتعيد لمين

احنا متقدمناش الا فى التزوير

مع أحترامى لكل الحركات والجمعيات

والمنظمات وحقوق الانسان

وحركة كفاية وميحكمش والشباب الرجالة

شباب 6 أبريل

وكمان الاخوان اللى مش عارفين

ياخدوا حق ولا باطل

ودايما بيلعبوا لعبة القط والفار مع النظام

ولا عمرهم خدوا خطوة لقدام

كل اما يتكلموا عن الديمقراطية

تصرخ الحكومة وتقول يعنى معقولة

نسيبوا الدولة للاخوان

بالذمة دة اسمة كلام

شوفتوا حجة النظام

أنا أكبر معارض فى مصر

لان أصلا فى مصر مفيش معارضين

واللى هيقيم ضهرة هيتقص

هو انت مفكر نفسك فين

يا أبنى دأ أنت فى مصر

أتكلم قول من الهوى ياليل

وشوف مين هيسمعك

لو سمعك حد هيتقام عليك الحد

والله الله معك

الشاعر

عبد الحميد بدوى
الكلمات الدلالية (Tags): لا يوجد
إيمان ملال

أديبة وكاتبة

تاريخ التسجيل: 07-05-2010

المشاركات: 161
- مشاركة
- تويت
#2

10-06-2010, 17:41

لا يكفي أن تكون معارضاً بكل الأحوال، أن تشعل شمعة خير من أن تلعن الظلام .

دمتم بود

التعديل الأخير تم بواسطة إيمان ملال; الساعة 10-06-2010, 17:42.

استطاعت الإنسانية أن تحقق العظمة والجمال والحقيقة والمعرفة والفضيلة والحب الأزلي، فقط على الورق.

جورج برنارد شو
تعليق
محمد القبيصى

عضو الملتقى

تاريخ التسجيل: 01-08-2009

المشاركات: 415
- مشاركة
- تويت
#3

16-06-2010, 21:05

[align=center]
أستاذ عبد الحميد بدوى

ما هذه الجرأة يا رجل!!

[/align]
تعليق

أنا أكبر معارض فى مصر

تعليق

تعليق

ما الذي يحدث