تويت
مش قلت لكم هآخذ حقي؟
آدي النتيجــة :
يالّلا يا أهل المنتدى يالّلا
نتجمع والفرحة آهي هالّة
باركوا لي ما انا ليلة امبارح
خدت التانية غيظاً ف العِلَّة.
والصبح لقيتها كمان جايبة لي
إفطار ملكي كمان م الغالي
وقالت لي اتفضل يا حياتي
وبقت قاعدة كده وباصة لي
قلت لها ما تمدي إيديكي
بسم الله ، وما شالله عليكي
قالت تسلم ... عايزة اتملى
في جمالك، قلتلها افديكي.
وبعد ما جيت يا جماعة من برة
جَرْي لقيتها بتسحب جـرة
فيها مية والملح فْ إيديها
ورجولي ارتاحت بالمـرة.
ولقيت حلة محشي يا ناس
ولا أجمل من كده إحساس
واللحمة توابلها عواطف
تسلم لي إيديها وتنباس.
وقعدت اتسـاير ويَّاهـا
كلمتها دي سكر ما احلاها
نسِّتني الدنيـا ومشاكلهـا
والضحكة عرفت انا معناها.
كل الهم خلاص انزاح
والدنيا قدامي براح
فاتحة لي بالشوق دراعاتها
والقلب مزقزق وارتاح.
بس ضميري ان حالها اتغير
مش ممكن هاغلب واتحير
راح اجيب غيرها يا ناس على طول
وامشي ف دنيتي عرض وطول*
* وفي رواية: وامشي ف دنيتي "بدر منـوَّر"
والحدق يفهم.
آدي النتيجــة :
يالّلا يا أهل المنتدى يالّلا
نتجمع والفرحة آهي هالّة
باركوا لي ما انا ليلة امبارح
خدت التانية غيظاً ف العِلَّة.
والصبح لقيتها كمان جايبة لي
إفطار ملكي كمان م الغالي
وقالت لي اتفضل يا حياتي
وبقت قاعدة كده وباصة لي
قلت لها ما تمدي إيديكي
بسم الله ، وما شالله عليكي
قالت تسلم ... عايزة اتملى
في جمالك، قلتلها افديكي.
وبعد ما جيت يا جماعة من برة
جَرْي لقيتها بتسحب جـرة
فيها مية والملح فْ إيديها
ورجولي ارتاحت بالمـرة.
ولقيت حلة محشي يا ناس
ولا أجمل من كده إحساس
واللحمة توابلها عواطف
تسلم لي إيديها وتنباس.
وقعدت اتسـاير ويَّاهـا
كلمتها دي سكر ما احلاها
نسِّتني الدنيـا ومشاكلهـا
والضحكة عرفت انا معناها.
كل الهم خلاص انزاح
والدنيا قدامي براح
فاتحة لي بالشوق دراعاتها
والقلب مزقزق وارتاح.
بس ضميري ان حالها اتغير
مش ممكن هاغلب واتحير
راح اجيب غيرها يا ناس على طول
وامشي ف دنيتي عرض وطول*
* وفي رواية: وامشي ف دنيتي "بدر منـوَّر"
والحدق يفهم.
تعليق