ع البساطه البساطه ، يا عيني ع البساطه !!

**مصطفى الصالح** · 15-06-2010, 02:16

ههههها

صباح الخير

الله يستر

خليني بعيد

تحياتي

**نعيمة عماشة** · 15-06-2010, 02:21

[frame="11 98"]

صراحه صار بدها حله نحنا الكتاب مغضوب علينا من السلطات العليا والدنيا ، بيجوا بيقولولك يا مشحر خلي المركب سايري ، شو إلك إنتي بالسياسة ، مهو فيك وبلاك الشغله ماشي ، يعني أربط الحمار(وإنتو كبيرين القدر ) وين ما بدو صاحبو ، وآه برييييييييييييييييييه من صاحبو ، لإنو بدو يربطو مع الأوادم زي أفضالك وأفضالي !!
يعني بقولولك إن حادت عن ظهري بسيطه ، إيه يا خيي بسيطه ونص بس إذا وصل الحلق لجارك بل دقنك ! هيك والا مو هيك !؟ هيك ونص !
ما تعود تقاطعني بالمره ( مو شايفه حدا عمبقاطعني (كلكن سمع هوس ) وهاي السمع هوس أحلى شي عنا ، تعوا نسمي حالنا مجتمع السمع هووووووووس ، يعني بتناديني صبيه وبتقلي يا تقبريني شو إلك وللسياسة ، بكرا بتصيري ع الأرض يا حكم ، ما تورطي حالك خليك ِ بين الجمهور ، مو إنتو بتقولوا "لا تكن رأسًا فالرأسُ كثير الأوجاع ؟؟
وهيك يا سيدي يا حبيبي الناس فجأة صارت مثقفة وكلن بيقرولي ، بروح تاتبضع يوم السبت ، كل العالم صارت مثقفه ، كلن بيعرفوني ، يا سلام ، منيح يللي صارت الجرايد ببلاش لإنو لو حقها مصاري ما كان حدا بيقراني !!

[/frame]

**نعيمة عماشة** · 15-06-2010, 02:32

[frame="11 98"]

هلا مصطفى هلا عيني شفتلك هـ الشوفه ، يا سلام نحنا العرب يا خيي ، ما حدا بيفهم ع حدا ، صراحه أنا مرات بسمع الجزائريه يحكوا والا المغربية ومرات كمان المصراويه ، ما بفهم شي بنوب ، يعني يا سيدي يا حبيبي ( والحكي للجميع ) والحاضر يعلم الغايب ، نحنا عاملين هـ الشغله مخصوص منشان ما نفهم ع بعض ، لليش لهجة واحده بعدين بصير عنا القولون، ودعهم يقولون ولا يفعلون (إجت ع الوزن) المهم يا خيي يا مصطفى شغله بتحط العقل بالكف ، دخلك ليش مش عمنفهم ع بعض ( بلكي يا تقبرني ثقافتنا أجنبيه ، حتى ع الأجنبيه مو فاهمين ، يعني منلطش تلطيش ( وما أدراكَ ما التلطيش ) المهم يا طويل العمر ما بكفينا إللي فينا ، عنا مليون ألف طائفه ومليون ونص ونص ألف مذهب ولهجة وإنتماء وسياسة ولسى الحبل ع الجرار ، يا خيي شو بدك بطائفتي ، مهو كلنا زي بعض قاعدين ع نار هادئة وبنغليييييييييييييييي يا سلام شو بنغلي !!

[/frame]

**نعيمة عماشة** · 15-06-2010, 02:45

[frame="11 98"]

إمي الله يرحمها ويرحم مواتكو، كانت تقلي يا بنت إنتي كثيرة وكشه( يعني بالمشرمحي كثيرة غلبي - جيبوا القاموس لتفهموا ولسى ما فتت بالغوييييييييييييييط) يا يمي قعدي راكدي ، بس ما فيي اقعد راكده يا يمي ! خليكي لكان مثل الزنبرك والا المكوك الحايك !
راحت إمي ما عاد في حدا يقلي أركدي يا قزعوطه !! صار عندي شي جواتي عمبقولي ، مش عنا بقولوا كثر الزن بيدوش ، والمثقفين بيقولوا كنك فيها بعد شوي بتذوت السوبر إيجو وهو بيصير حارسك الشخصي ، بس أنا حاسيتو للسوبر إيجو عمبزودها معي ، ع طول الوقت زي رجال المريخ بيطلعلي ، "تعديت ِ الخطوط الحمراء فاركدي واقعدي ساكته يا شقراء "بس ما فيني يا يمي ، شو بدي ساويلك في حكي بيمشي بس أكثر الحكي بيوجع ، يعني ما فيي أسكت ، ما فيي مو بس بالسياسة بالإجتماع والصحه ورجال الدولة والفضاء !

[/frame]

**نعيمة عماشة** · 15-06-2010, 02:56

[frame="11 98"]

أنا بقول ، وأعوذُ بالله من كلمة أنا ، نحنا العرب كل واحد فينا (والله يحمينا ) بدو كونسيلتو من الأطباء وأصحاب الخبرة والإختصاص ، والله عمبحكي جد ، يللا جبلي شي واحد واحد بس ، ما عندو تلبك معوي وعقلي وإرهاصات وشعور بالعظمة ووسوسة ، وأنا أوَّلهن ، شو يعني أنا مش عربي ، عربي ونص ، عنا نحنا كل شي والحمدلله ، والذي لا يُحمد على مكروه ٍ سواه ! بدك تتنوقص ع غيرك لتفهم ، طول ما إنت متوحدن هيك وحاطط راسك بالحيط مو راح تفهم علي يا تقبرني ، لإنو بدك تفكر إنو بس إنت ، عندك يللي عندك ، بس لأ ثمَ لأ ثمَّ لأ كلنا زيك ممغوصين ومصدعين ، ومرات كثييييييير مننسى أسامينا ( ودخل قصبتك يا فيروز شو فهماني علينا ) المهم بس روح تاقرا عن الإرهاصات العقلية والوسوسة والشعور بالعظمة ، يا سلام شو بحسوا عميحكي عني ، أكيد إنت هيك بتحس بس مستحي ، يا أخي ما تستحي (لا حياءَ في الدين) المهم ديرولي بالكو ع حالكو مو محرزة كلها حبة ميكسوبين وبتصيروا مثل الفل !

[/frame]

**ميساء عباس** · 15-06-2010, 02:58

نعيييييييمة
نعييييمة شوي شوي يابنت الحلال
والحبل عالجرار
احكي الحكي ببلاش
ووقت الجد الجد بتشمّعي الخيط وبتعملي حالك
بائعة الخبز
وياعيني على بياعين الخبز
شو كتروا اليوم د
بس رغيفهم أسود متل وجووووووه المري مين
وإذا مابتكني وبتقعدي عاقلة يانعيمة ياعماشة
بدي احظرك وحطك بسجن فرادي وماأدراكي مالسجن الأفرادي
نعيمممممممة
يخرب جنياتك على الصباح
فرقعت أنا من الضحك
ومابناسبني الضحك
بحب النكد بعيد العنك
وبصيبني رهاب من الضحك
أوووووووووووووووف

**نعيمة عماشة** · 15-06-2010, 03:10

[frame="11 98"]

ولك يا ميس إنتي عمتفهمي علي ميه ميه ،عشان ثنتيناتنا أصولنا شاميه ، بحمد ربي وبشكرو مو الكل راح يفهم علي ، راح تزمطلها كام كلمه هون والا هون ، يا سلام يا تقبريني شو حلو الحكي بالبلدي ، مو كل واحد بحل الشيفرا ، هذا أنا مرات بصير بتركم بالعربي وبمقلت وحدي قاعدتلك واحده أجنبية ، ما بخلي ستر مغطا ، شو لابسي وشو عاملي وشو مو عاملي وبعد شويه أختنا بتشلحلك النظارات وبتبحلص مثل البسه يللي أكلولها ولادها وبتقلي أنا عربيه ! ويا تقبريني علي بصير فيي ، المهم ما عدت ِ تفرقي بين العرب والأجانب ، يعني مو تعصب ديني لا سمح الله ، لا بس عشان تعرفي تمقلتي براحتك!
المهم أنا مو أحسن يعني ، بعمل تمويه ، بظلني مطنشه كل الوقت وبتسمع منيح منيح وبعدين برمي القنبلة ، ويا سلام لما عيونهن بتصير تتطلع ، وبفكروا القنبله بجيبتي وبس تكه راح اتفجر !!
المهم يا ميسو نحنا ما منحب السجون الإنفراديه ، موتيني وما تحبسيني ، منين بدي ساعتها قروش ومع مين ، أنا بقول للزلام أحسن حل معنا إحبسونا إنفرادي والله منصير مثل المسطره ( وما أدراكَ ما المسطره) بعدين إذا انفجرنا مرة واحده ما تلومونا !!

[/frame]

**نعيمة عماشة** · 15-06-2010, 04:05

[frame="11 98"]

هو مش نادية الجندي معبودة الجماهير ؟؟!
هي والا مو هي ؟؟!؟
بصراحه أنا زمان ما عدت حضرت أفلام مصرية ، صارت كل أفلامن زي بعض ، يعني توائم سيامية ، حب وخيانه ومخدرات ، هو إحنا لاقين ناكل تنلاقي حق المخدرات
منين بيجيبوا هـ الحكايا الله يستر ع ولاياكو !؟ مو مهم المهم يمكن غيروها لناديه وحطولهن حدا ثاني ، شنو لإنو صار عندي ثغره ثقافية ، زي ثقبة الأوزون يعني بس أوسع شوي ، ويا لطيف تلطف !!
المهم وشو بدك بطول سيره
أنا كمان معبودة الجماهير وما في حدا أحسن من حدا !!
شو يعني ندوش أحسن مني !
بعيده عن سنانا
أنا معبودة الجماهير وبلا فخر ( بس جماهيري من الميو ميو ) وما أدراكَ ما الميو ميو !!
صراحة أنا بس جيت ع الحارة شفت هاي المخلوقات البريئة معذبه صرت طعميهن ، ميو ميو بياكلوا خبز حاف ، بعدين الجماعه ترقوا وصار بدهن طبيخ ، أنا مو فاضي إطبخلكو ، يا دوب أطبخ لجوزي !
ما بدهن بدهن زفر ، طيب خليكو ع المجدره حتى المجدره مفيده وفيها حديد
ما بدهن !! فالج لا تعالج !
وشو بدك بطول سيره ، كلهن ع راي واحد ، إجماع
يعني علواااااااااه نحنا العرب عنا هيك إجماع !
صرت يا حبيب السلامه بس روح أنا وجوزي نعمل مشتريات زمطلي من هون والا من هون شي علبة لحمة والا علبتين منشان نرضي هـ الجماهير المحتشده وما حدا يزعل منا
بس لإنو إرضاء كل البسس غاية لا تُدرك
ولإنو جوزي عمل إعتراض وصوت فيتو
لإنو وع حد ما بيقول ، والحكي ع ذمة الراوي
الناس مو شبعانه الخبز بدك تشبعي بسسك لحمه!؟
ويا ريتهن بسسي هوذ يا تقبروني من كل قطر أغنية
ما ظل بس لا بالحاره الغربيه ولا بالشرقيه إلا سمع عن مرتو لحاتم الطائي وإجا ع مضافة الحاج خريوش !
وصرت زقزقلهن لحمه ، تني أعلنت إفلاسي ، يا تعثيري شو بدو يصير هلق ، أكيد راح يعزلوني من منصبي الوجاهي معبودة الجماهير ، وراح يسلمو هـ المنصب لحدا ثاني !

[/frame]

**نعيمة عماشة** · 15-06-2010, 14:46

[frame="11 98"]

يا سلام يا ولاد ع يوم التصويت عنا ، عرس وطني مو هيك ، عندك شي كام عيله كبيره وبحطولهن زعيم ، يعني ناطق بإسم البيت الأبيض ، وبصير اخونا بالله يشيل طاقية فلان ويحطها ع راس علان وهكذا دواليك ، ويسعد هـ القامه النسبه ! زبون العوافي ما بلحق يروح تيروح معو خزينة الدولة ، وبصير يعمرلك ببيوت ، إسم الله عليه وعين الله تحميه ، ومن أينَ لكَ هذا ؟؟! ما حدا شاف وما حدا بيعرف ! وإن كنتَ تريد ان تعرف ماذا يحدث بالبرازيل عليكَ أن تعرف ماذا يحدث بسويسرا ! العلقة السخنة إنك ممكن تعرف شو بصير بالبرازيل وسويسرا بس عنا ولا ممكن ، ناس تعبانه وناس شبعانه وناس مش ناس ! المهم بيجولك قبل التصويت بشي جمعه ويما ما احلاهن ، بيفرشولك البحر طحين ، وبزفتولك شقفه من المريخ ، وبيعلنوا موافقتهم ع الصفحه البيضا ، بس صوتنا يا طويل العمر ( يطول عمرو بس للتصويت وبعدين مار الياس والخضر يحفظوه ) صراحه أنا مقروصه قبل وما بدي إنقرص بعد مره والمثل ما قال شي وكذب "قال يل تقرصوا الحيه بايده يخاف من جرة الحبل !" قررت ما إطلع وما صوت ، ويللي بيطلع يطلع ، الحسن أخو الحسين ! وما منا هـ العلقه ! المهم ما إلنا بالعير ولا بالنفير ويلي جابتو القرعه تاخذو إم الشعور ويسدوا الحاصل ويقطعوا الواصل ، المهم قنبزت بالبيت وما طلعت ن وبتعرفوا بيني وبين مركز التصويت دقيقة ، مو أكثر بس يعني عَ بين ما زبط الأمور والبس بتاخذلها شي ساعتين ومو فاضين ، المهم بيصير التصويت وبيطلعوا الرئيس ، وما في شي تغير ، بدنا شقفه من المريخ بنا مش لبن العصافير لبن المعيز ، بس يا سلام سلم واتكلم ما تندهي ما في حدا عتم وطريق وليل طاير ع الهدى ! ( تقبشيني يا فيروز شو فلففوسه !!)

[/frame]

**كريمة بوكرش** · 15-06-2010, 15:03

أستاذة عماشة..
لا أدري لماذا تكتبين باللهجة العامية التي لا يفهمها إلا البعض.. ليس كل أعضاء الملتقى من سوريا (مع أني أحب اللهجة السورية)، و أنا أعتقد أن اللغة العربية الفصحى هي ما يوحدنا هنا بالملتقى.
ثم لا تنسي أننا في ملتقى الأدباء و المبدعين العرب الذي يريد النهوض بالعربي الفصحى و ليس بالدعوة للعاميات.
لنترك لهجاتنا بمجتمعاتنا فهنا فضاء للفصحى.
كما أن من شروط الملتقى الكتابة بعربية فصيحة لا بالدارجة.
أرجو منك أستاذة عماشة أن تتفهمي حبنا للفصحى و لهذا الملتقى.

**كريمة بوكرش** · 15-06-2010, 15:10

ملتقى الأدباء والمبدعين العرب - Arabs of Letters Forum

http://www.almolltaqa.com/vb/showthread.php?t=48926

**نعيمة عماشة** · 15-06-2010, 15:17

[frame="11 98"]

غاليتي كريمة
أنا أكتب أيضًا بالفصحى ، ولكن بينَ الفصيح والفصيح يحق لنا أن نأخذ قيلولة مع لهجتنا ، والتي نكون معها أكثرَ صدقًا وجلاءً ، صديقتي لا قوانين تحكم الإبداع ، والملتقى الذي يكتب بالإنجليزية يكتب بالعامية !
ثمَّ لا غضاضةَ إن أنت سألتي ونحنُ نجيب ، الملتقى فيه الشعر العامي فلما لا يكون فيه النثر العامي !
نحب كل اللهجات ونرحب بها أعز ترحيب ، أحيانًا لا نستطيع أن نضحك على أوجاعنا إلا بالعامية ، فالعامية لغة بسطاء الشعب ، والشاعر الشعبي والذي يكتب بعاميته ِ البسيطة متواجد وبثقل في الملتقى ، فلمَ لا نتواجد نثرًا ناقدًا كذلك نحنُ والمساحةُ تتسع ، عدا عن ذلك أدعوك ِ غاليتي لتقرأي فصحاي إن كانت لا ترضيك عاميتي ، فهل سأجدك ِ يومًا ما بقصائدي الفصيحة ، أهلاً بأهل الجزائر جميعًا وأولهم مصطفى بونيف ! حبيبنا الساخر! والذ نحبهُ وإن كتبَ باللاوندي فالمحبة لا تشترط!
وأهلاً بك ِ غاليتي أينما حللت ِ !

[/frame]

**نعيمة عماشة** · 15-06-2010, 15:20

[frame="11 98"]
[align=center]
مع رفض اللغات العامية المحلية إلا في إطارها المحدد وفي الأقسام التي تصلح لها مع الوضع في الإعتبار جواز أن تكون المداخلات بالعامية إذا توافق ذلك مع نسيج الحوار في الموضوع أوعند تعذر الالتزام بالفصحى في بعض المواضيع الساخرة أو ما شابه ذلك
وهذا موضوع ساخر غاليتي من رأسه حتى أخمص قدميه !
[/align]
[/frame]

**محمد برجيس** · 15-06-2010, 15:21

إن المشكلة الحقيقة في لغة الحوار بين المثقفين العرب تكمن في ثلاثة محاور
1- العلية في التخاطب مع الآخر
2- إزدراء رأي الآخر متى عارضنا
3- القطيعة و نصب العداء حال الإختلاف

لعل العامل الأساسي لوأد أي حوار بين أطراف عدة هو لغة التعالي التي يتبناها البعض
عند التواصل مع الأخر بزعم المعرفة او العلم أو اللامناسب

لذلك نجد الحوار دائما
أوله مدح ... و اوسطه كدح .. و اخره ردح.. ثم تأتي القطيعة
لقد أعجبني كثيرا رد أحدهم حين قال
conversation not debate
حاور لا تناظر.

ع البساطه البساطه ، يا عيني ع البساطه !!

ع البساطه البساطه ، يا عيني ع البساطه !!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث