تويت
بسم الله الرحمن الرحيم
السلام عليكم ورحمة الله وبركاته
[rainbow]أهلا بالعرب[/rainbow]
لما اشوف
السلام عليكم ورحمة الله وبركاته
[rainbow]أهلا بالعرب[/rainbow]
قال بيقولوا عليا شاعر
ارسم واخطط ف المشاعر
الجديدة والقديمة
-ايوه لسوء الحظ شاعر
بس شاعر بالهزيمة
ايوه باشعر بالكسوف
العيون مليانه خوف
لما أشوف ابن الجبل
لما أشوف صاحبي البطل
بيندبح زي الخروف
وسط أخواته الألوف
ولا حد فيهم راح يشوف
اللي حصل ولا حد فاكر
*******
سيما وقاطعين فيها التذاكر
والبطل
نفس البطل
ولتاني مره بيندبح
واحنا نشوف
ولا فيش كسوف
نفضل نسقف بالكفوف
وإن طلع فينا بطل
يقول حرام دا مش كلام
ألف إيد بتكتفه
ألف طوبة تحدفه
اسكت
انكتم
من خاف سلم
من خاف سلم
******
قال بيقولوا عليا شاعر
ليا صوت
بس خسارة اتبح صوتي
والأفضل أموت
بس حتى لو حاموت
لازم يكون لى دور ف موتي
لازمن تسمعوا
يا طرش
صوتي
صوت يدوى ف الودان
صوت كما صوت الادان
الله اكبر
كان هنا شاعر زمان
دايما مدان
دايما مهان
كان بيحكي للعرب
أخبار زمان
بس دار بيه الزمان
أو دار عليه
فتح عنيه
لقي نفسه وحده ف المكان
والعرب؟!
كله هرب
كله هرب
واللي فضلوا جنب منه
مركبين
ودن طين والتانيه برضك من عجين
طب يرضي مين يا مسلمين
كل مرة ننضرب نحني الجبين
على فكرة
ودي كلمه اخيره
أوعى تنشغل وتبات ف حيره
الحياة أصلا قصيرة
فيها شاطر
والاميره
لو يشوفها ف حضن غيره
لازمن يحس بطعم غيره
يهدى روحه للاميره
وينكتب علي قبره
شاطر
عاش حياته بقلب شاعر
وبكرامته
مات على حب الاميره.
***************************************
تعليق