(روائع شعر العامية المصرية **لعظماء الشعراء)

**جمال فرح** · 20-06-2010, 20:13

( من ديوان *على إسم مصر* للشاعر العظيم صلاح جاهين)

النخل فى العالى والنيل ماشى طوالى
معكوسة فيه الصور مقلوبة وانا مالى
ياولاد انا ف حالى زى النقش فى العواميد
زى الهلال اللى فوق مدنة بنوها عبيد
وزى باقى العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أوح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
على اسم مصر
ولما زماني رماني عليل
نسيت كل شيء عن حبيبي الجميل
لكن هو أبداً
انا مانساهوش
نسيت مشيته وصوته كان شكله إيه
ورسمة شفايفه
ولمسة إيديه
نسيت نظراته
نسيت لون عينيه
وقوس الحواجب وسهم الرموش
لكن هو أبداً
انا ما انساهوش
نسيت إسمه وحكايته وعرفته فين
وعشنا سوى العمر
والا يومين
وكان م البشر
والا طير بجناحين
نسيت حتى كان له وجود أو مالوش
لكين هو أبداً
أنا ما انساهوش
قطعوا الأغاني وطارت نشرة الأخبار
دارت على كل دار في الكوكب الدوار
يا حاضرين اعلموا الغايبين بأنه في مصر
اتغير الاسم منذ الآن فأصبح .. مصر
ضحك التاريخ ضحكته المشهور بها واندار
ودخل مناقشة مع الجغرافيا عما صار
هل نعترف بالبيان اللي أذيع العصر
أم ننتظر مصر تطرد اسرائيل بالقسر
وساعتها تحصل بكل جدارة يوم النصر
على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر

والى لقاء مع الجزء الثانى أستودعكم الله تعالى

**سحر الشربينى** · 21-06-2010, 15:26

الشاعر الرائع جمال فرح

فكرة أكثر من رائعة أن ندخل هنا كلما راودنا الحنين إلى الأصالة والكلمة الجيدة لنستنشق عبق إبداع شعرائنا العظماء وننهل من علمهم

ننتظر كل جميل منك

خالص التحيات

**جمال فرح** · 21-06-2010, 22:59

المشاركة الأصلية بواسطة سحر الشربينى مشاهدة المشاركة

الشاعر الرائع جمال فرح

فكرة أكثر من رائعة أن ندخل هنا كلما راودنا الحنين إلى الأصالة والكلمة الجيدة لنستنشق عبق إبداع شعرائنا العظماء وننهل من علمهم

ننتظر كل جميل منك

خالص التحيات

الشاعرة القديرة سحر الشربينى
لأنك انتِ أكثر من رائعة
رأيتى فكرتى البسيطة وعملى الأبسط
مثلك وليتهم كذلك
اشكرك جدا شاعرتنا السامقة
واحييكِ على سرعة تفاعلك
وروعة تواصلك
وأنتظر الزملاء الشعراء الأفاضل
وكل الزملاء الأعزاء فى الملتقى
لنصل القديم بالجديد
ونتواصل جميعنا بكل الحب والنقاء والسمو
تقديرى شاعرتنا بلا حدود

**سحر الشربينى** · 22-06-2010, 07:06

[frame="1 98"]

الطرطور (للرائع فؤاد حداد)

كان عندي طاقيه طاقيه شقيه

من شَقَاوتها بَقِتْ طرطور
طار طور
اعْرَضّ العرض و طال الطول
طال طول
كان عندي طاقيه طاقيه شقيه
من شقاوتها بقت طرطور
....
أنا شلت العالم على راسي
و اتْقَلْقَلْت مع استحراصي
و سألت عن الثور العاصي
العالم قال لي ما تدُور
دار دُور
كان عندي طاقيه طاقيه شقيه
من شقاوتها بقت طرطور
....
موسم الحَشّ ان بان له أماره
ما تجحَّش مع الحَمَّاره
ودنك وآخده على الزُمَّاره
تدلدل من فوق السور
صار صور
كان عندي طاقيه طاقيه شقيه
من شقاوتها بقت طرطور
....
ياللي كفرت بالإشتراكيه
و المكنه التشيكوسلوفاكيه
بالتذكره كما بالتزكيه
بالمتشقلب بالمعدول
دال دول
كان عندي طاقيه طاقيه شقيه
من شقاوتها بقت طرطور
....
قرن التور على قرن الباميه
لون الورد احمر على بامبه
شُفنا الشمس بتعمل لمبه
و ألف فراشه حرقها النور
نار نور
كان عندي طاقيه طاقيه شقيه
من شقاوتها بقت طرطور
....
الست في عينك علي سته
الهدمه تزهّر ع الجتّه
اِتاكل من مخك حته
و العاقل باع المعقول
قال قول
كان عندي طاقيه طاقيه شقيه
من شقاوتها بقت طرطور

طار طور

[/frame]

**جمال فرح** · 22-06-2010, 17:45

الجزء الثانى * ديوان على اسم مصر* صلاح جاهين*

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر
رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلا .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر
أغادر
أخاطر
أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء
أو الحكماء
أو الأمراء
أو الأشقياء أو البلهاء فليس يهم
لقد قيل وهو الكلام المهم
اللي يعيش ياما يشوف
واللي يمشي يشوف اكتر
شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
مترصصين سور رهيب مزراق في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة شايله حليب
والصبح بدري الجبرتي ينام وقلمه يسيب
على اسم مصر
مصر اللي عمر الجبرتي لم عرف لها عمر
وطلع لقاها مكان مليان عوام وزعر
جعيدية غوغاء يجيبوا تملي وجع الراس
وخليط أفارقه هنادوة روم ملل أجناس
والترك في القلعة والمماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
وناس تنام لما يزحف موكب الأحداث
على اسم مصر

**جمال فرح** · 05-07-2010, 21:49

( الأخير )

بس الزمان يختلف زي اختلاف الناس
ناس تبني مجد وحضارة وناس بلا احساس
وناس تنام لما يزحف موكب الأحداث
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
أنـا ربـة الحـب حتـحـور أنـا
أنـا السيـدة المـنـجدة المـغـرميـن
وكـم مـن محـب ف هـواه انـضـنى
دعـاني وطيـبـت خـاطـره الحـزيـن
أنـا طـيبـة انمـا طـبـعي صـعـب
وديعـه .. ولـو ثـرت بـطشـي مـهـول
ما اشـوفش اللي قدامي لو ألف شعب
أدوسـهـم وتجـري دمـاهـم سيـول
ويـوم رع ما فـات بسنـاه في السـما
وكل العيـون خايفـة تنـظر اليـه
وجـالـه القمـر خلقتـه معتـمة
وعـدى قصـاده .. وضـلم عـليه
يا ويـل الـلي فتـح في ابـويا العـظيم
يا ويل من تطاول يا ويل من ضحك
يا ويـلك يا مصـر مصيرك الـيم
أنا اللي اسمي حتحور انا ح امسحك
يحـاول يهـديني رع ما اسمـعـوش
وادمـر واطـيـح في البلاد والعبـاد
أنـا الـطيبـه .. كنت زي الوحـوش
سفـكـت دماء البـنـات والـولاد
دبـحت المحبـين في عـز القبـل
هـدمت المعابد على المنشدين
قلبت على النحـاتين الجبل
حرقت الغيـطان هم والفلاحين
لحد ما رع نـادى ع الآلهة
وقال صـبوا في النهر كل النبيذ
وشفت الميـاه حمرا ومزهزهة
وظنيتها دم الضحايا الـلذيذ
شربت انتقامـاً شربـت شربـت
وأنا بالـعن المفتـري والغبـي
وحبـة بحبـة عن الوعـي غبت
ونمت على النيل في ضي أبي
وقمت .. بكيت من فؤاد أم ثكلى
ونهنهت فوق صدر مصر العريض
على العالم المبدورين جنبي قتـلى
وكان دمعي ينصب في النيـل يفيض
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أوح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
على اسم مصر
ولما زماني رماني عليل
نسيت كل شيء عن حبيبي الجميل
لكن هو أبداً
انا مانساهوش
نسيت مشيته وصوته كان شكله إيه
ورسمة شفايفه
ولمسة إيديه
نسيت نظراته
نسيت لون عينيه
وقوس الحواجب وسهم الرموش
لكن هو أبداً
انا ما انساهوش
نسيت إسمه وحكايته وعرفته فين
وعشنا سوى العمر
والا يومين
وكان م البشر
والا طير بجناحين
نسيت حتى كان له وجود أو مالوش
لكين هو أبداً
أنا ما انساهوش
قطعوا الأغاني وطارت نشرة الأخبار
دارت على كل دار في الكوكب الدوار
يا حاضرين اعلموا الغايبين بأنه في مصر
اتغير الاسم منذ الآن فأصبح .. مصر
ضحك التاريخ ضحكته المشهور بها واندار
ودخل مناقشة مع الجغرافيا عما صار
هل نعترف بالبيان اللي أذيع العصر
أم ننتظر مصر تطرد اسرائيل بالقسر
وساعتها تحصل بكل جدارة يوم النصر
على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر

**جمال فرح** · 29-07-2010, 16:14

الدرس انتهى
( صلاح جاهين)

الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال

ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..

ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …

ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس

*************

**احمد محمد الشناوى** · 29-07-2010, 16:53

استاذ جمال فرح
مشكور على هذا الجهد
وهذا ليس بجديد على من يعشق الشعر
الى الأمام دائما
...احمد الشناوى...

**جمال فرح** · 29-07-2010, 22:03

المشاركة الأصلية بواسطة احمد محمد الشناوى مشاهدة المشاركة

استاذ جمال فرح
مشكور على هذا الجهد
وهذا ليس بجديد على من يعشق الشعر
الى الأمام دائما
...احمد الشناوى...

الأستاذ الفاضل احمد الشناوى
جزيل شكرى على مرورك الراقى
وتقديرى كبير لتفاعلك وتعليقك الجميل
مودتى خالصة ومحبتى

**جمال فرح** · 26-09-2010, 23:05

من ديوان فؤاد حداد

( المسحراتى )

إصحى يانايم
وحّد الدايم
وقول نويت
بكرة ان حييت
الشهر صايم
والفجر قايم
اصحى يانايم
وحّد الرزاق
رمضان كريم
مسحراتى حضر
منقراتى بدر
صوته بين الحوارى وبين
البيوت
انا طول عمرى مغرم أفوت
أذكر الحي وابدأ ندائى
الطويل
كل قلب سمعنى دليل
أنا صاحب جميع البيوت فى
الظلام
لما أسلم ترد علىّ السلام
ياما بينى وبينها كلام كل مانور
ولّع ولا نور
انطفا
ياحنينى الى الحواديت
والدفا
انا زادى وزوّادى ساعة
السحور
كل كلمة بتطلع من القلب
نور
علت السد شقت فى بطن
الجبل
طوعت فى الحديد خضرت فى
السبل
علمتنا نواصل أمل
اللى كان وده يامصر ياأمّنا
القلوب عند بعضها مطمئنة
المشى طاب لى
والدق على طبلى
ناس كانوا قبلى
قالوا فى الموال
(الرجل تدب مطرح ماتحب)
وانا صنعتى مسحراتى فى البلد
جوّال
حبيت ودبيت كما العاشق
ليالى طوال
وكل شبر وحتة من بلدى حتة من كبدى
حتة من موال
اصحى يانايم
وحّد الدايم
وحّد الرزاق
رمضان كريم

وإلى لقاء مع شاعر عظيم ورائعة أخرى
من روائع شعر العامية

( أستودعكم الله )

**أميرة فايد** · 02-10-2010, 01:51

رائع هذا الإقتراح أستاذ جمال ..أحييك على حماسك وفي إنتظار المزيد.

**جمال عمران** · 12-10-2010, 17:35

الاستاذ العزيز/ جمال فرح
ننتظر بكل الشغف ، والله الموفق .
جمال عمران

**الخليل عيد** · 12-10-2010, 18:05

اخى العزيز
موش حنلحق نلم الكراريس
دول حاصروها بالمتاريس
ومعاهم جنود ابليس
وعجبى

اهدى لك بعض ابيات قصيدتى انتفاضة حر

واختلط صوت الفرح بنسيج الأحزان
واختلط دم الحر بالخائن والجبان
حين سلبت كرامته بسياط السجان
وامتزج طعم المر بمرارة الأيام

**شهلاء بن نبي** · 13-10-2010, 07:12

انا كنت نايمة وصحيت على شمس تدغدغني باناملها الدافئة.
جميل يا مسحراتي

(روائع شعر العامية المصرية **لعظماء الشعراء)

(روائع شعر العامية المصرية **لعظماء الشعراء)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث