شوفي يا ست .. و دعوة للمشاكسة

**عبلة محمد زقزوق** · 02-01-2008, 04:27

شفتك نايم واخد تعْسيله.. ومرتاح

مالك أنت وشغل النسوان!!
خلليك كده نايم ولا البهوات
أجري واشقى

..
وانت ياعمري تفضل
... بركة د الدار.

**د/ أحمد الليثي** · 02-01-2008, 08:28

المشاركة الأصلية بواسطة صابرين الصباغ مشاهدة المشاركة

خد راحتك ساعتين أو ساعة
اشتريت السجاير والولاعة
خد نفسين وأنا حستنى
ان شالله تبلعك بلاعة

بعد الشر بس القافية حكمت
ههههههههههههههههههههه

بقى كده؟ الله يسامحك. ههههههههههههههه

وشنب ستي هتبقى مجاعة
سنة سودا وأولها إذاعة
لفضايح أشكال والوان
استني لو إنتِ شجاعة.

**د/ أحمد الليثي** · 02-01-2008, 10:43

المشاركة الأصلية بواسطة صابرين الصباغ مشاهدة المشاركة

[align=center]الأسياد كانوا عيني ورمشي
و زمان خلوك مابتنمشي
بتطلع لي القطط الفاطسة
اسم الله ياروحي مايحكمشي

ناسي زمان كنت جميلة
زينة الحتة وزينة العيلة
دلوقتي بيشاورا عليك
بهدلها .جته ستين نيلة

بتقولي قومي ياطخينة
م العيشة الهباب والطينة
رز ومكرونة مع الكشري
ولما تبر عسل وطحينة

أقول العيال نفسها ف اللحمة
تقولي اسكتي . ماتكوني رخمة
لما اقولك هات لنا كيلو
تضرب فيها مليون لخمة

قلت أشتغل واساعد ف الحالة
و من بيت لبيت .. الشغالة
حتى شوف ايديه الناعمة
صبحت ولا أيد الرجالة

أسياد أيه الله لا يسيئك
من فقرك بعدوا عن طريقك
مافضلشي غيري انا واياك
بشقايا بتطفي حريقك

من بيت لبيت أدور وألف
والمية فهدومي ما تجف
وانت نايم لي ومرحرح
بتقزقز في اللب وبتف

فين الأسياد والعفاريت
لجل يجيبوا سمن وزيت
ولقمة نقوت بيها عيالنا
ميت نيلة ياراجل البيت

أمي قالت ضل راجل ولا ضل حيطة
وانا بقول لا الحيطة أحسن من ألف راجل
وحتشووووووووووووف[/align]

آدي أول الغيث، ومشيت على قافيتك مقطع مقطع، وزيادة كمـان. وبكرة أمشي على رقبتـك أقصد ... لأ، هي رقبتك. ههههههههههه معلهش بقى للضرورة أحكام.

ياللا يا هانم اكـدبي غِشِّي
أكاذيبك أوسع من كرشي
دا انا كنت يا عالم سَنيـور
والدنيا بتضحك لي ف وشي

شفت جنابها، بخفة وحيلـة
سَحَرِتْ لي والخيبة تقيلـة
وقالت لي إنهـا من عيلـة
وأتاريهـا بتبيع ف بليلـة.

وقالت لي بترقص مكارينـا
وبتاكـل جـزرة وزتـونة
واما عزمتهـا على قراميـط
كلت القراميـط بالكرتـونة!

وقالت لي مالهاش في الزحمـة
واللي ف رِجْلَها أصلاً وحمـة
واتاريهم عشرين ف الأوضة
نشالة وجت لها كام كدمـة.

وإيديها نواعمي وشغالـة
في طريق الجيب والسيـالة
بتقشوط ما تقلش صاروخ
وِكْرِيمْهـا معجـون بِرْيَالَة.

وقالت لي خـدني في طريقـك
"مامي" هتحبك، "دادي" صديقك.
تعرفـوا شعبـولا وفتاكـات؟
"فوفو" تناغشك، "شوشو" حبيبك؟

قلت اعزمهـم جابُـم ألـف
هَتَتَكْ بَتَتَـكْ نزلُـم حَـف
واتدبِّست يا ناس في فاتـورة
منها جيـوبي اتنسفت نسف.

وبتمشـي كـده ع الإتيكيت
نصبت شبكـة وآدينـي طبّيت
بعد "سوڤاج، پاردون مـون شير"
بتشرشح لي يا ناس في البيت.

ما عرفتش غيـر بعـد الفـاس
يا اخوانَّا ما وقعت ف الـراس
إن "سيلون" في الأصل "شفيقـة"
والحوسـة من الراس للسـاس.

**صابرين الصباغ** · 02-01-2008, 11:04

هههههههههههههههههههههههههه
ضحكتني ياباشا
استناني حرجع تاني

**د/ أحمد الليثي** · 02-01-2008, 11:22

المشاركة الأصلية بواسطة صابرين الصباغ مشاهدة المشاركة

هههههههههههههههههههههههههه
ضحكتني ياباشا
استناني حرجع تاني

خدي لي ساعـة كـده سـاعتين
اعصـري مخـك، بظظـي عيـن
وانـا هاستنـي وقلبـي يقـول
إن شالله ما تعرفي راس من رجلين.

بعد الشر بس القافية حكمت
ههههههههههههههههههههه

**د. جمال مرسي** · 02-01-2008, 13:56

عيني يا صاحبي يا عيني عليك
صادوك الاتنين و قلوك في الزيت
صابرين عبله موسهم حامي
و انا رايح أعلن استسلامي
هرفع رايتي البيضا الليلة
و أرفع شكوى بأعلى الصوت
خدها نصيحة و فك بجلدك
و الزم وقت الفتنه البيت
و اذا هوبت الصفحة دي تاني
يبقى يا ويلك م. العفاريت
الستات برضك حبايبنا
همّ اخواتنا و هم بناتنا
و همّ القمرة بدون تشكيك
ابعد عنهم ترتاح منهم
اجري بسرعه و قول يا فكيك

**د/ أحمد الليثي** · 02-01-2008, 14:59

المشاركة الأصلية بواسطة د. جمال مرسي مشاهدة المشاركة

عيني يا صاحبي يا عيني عليك
صادوك الاتنين و قلوك في الزيت
صابرين عبله موسهم حامي
و انا رايح أعلن استسلامي
هرفع رايتي البيضا الليلة
و أرفع شكوى بأعلى الصوت
خدها نصيحة و فك بجلدك
و الزم وقت الفتنه البيت
و اذا هوبت الصفحة دي تاني
يبقى يا ويلك م. العفاريت
الستات برضك حبايبنا
همّ اخواتنا و هم بناتنا
و همّ القمرة بدون تشكيك
ابعد عنهم ترتاح منهم
اجري بسرعه و قول يا فكيك

يا خبـر أبيض! يا نهـار بُنِّـي!
دكتـورنا انضم كده لحسنـي؟

حَطُّـم ديلهم آه ف اسنـانهم
واهي شوطة واتلخبط حـالهم

فين أشعـارك؟ فين عضلاتك؟
عندهـا حق الست حمـاتك

مش اقولك قالت أيه عنـك؟
ما في فايدة؟ دي علقة وهترنَّك.

واحد محشي، وغيـره تهـديد
بكـره الهـم عليكـو يزيـد

وهتيجوا كـده تترجـوني
وتغنوا "ضربوني ظلمـوني"

وساعتها هادِّيكم ضهـري
من عاركم طبعاً راح أجري

وهاسيبكم في ايدين ستاتكم
تقرشكم تفـرم مفاصلكـم

طبعـاً قلبي عليكـو حزين
أصل مصيـركم "للبساتين"

أو لو رِسْيِتْ على تخفيـف
هتخُشُّوا المطبـخ تنضيـف

آه يا عيني كده ع الرجالـة
الـرعب قَلَبْهـم شغالـة

حـط الإبـرة على الدبوس
إتلـم الخـايب ع المتعـوس.

**د. جمال مرسي** · 02-01-2008, 15:42

شوفت النار ازاي هتولّع
جينا ننصح علشان نخلع

صابنا عيار طايش مجنون
يللا يا صاحبي كله يهون

انا مش هنطق مش هتكلم
أصلك برضه أكيد هتسلم

ارفع يا بني الراية البيضا
خدها نصيحة دي هي الموضه

يعني ما شفتش حال زعمائنا
خنقونا و مسكو ف. خنّاقنا

بس ساعتها ما هسأل عنك
لو سلخوك أو سيّحو دمك

يللا يا صبر و يللا يا عبلة
هيّصوا يللا و دقوا الطبلة

خلّوا صاحبنا يبات متنكد
علشان يسكت عنكو و يبعد

و اختموا يللا بحفلة زار
أصل كلامنا دا كله هزار

و استرها يا ستار
معلش يا دكتور أحمد القافية حكمت و انت اللي جبته لنفسك
و المقامات محفوظة أخي الحبيب
مساؤك سكر

**د/ أحمد الليثي** · 02-01-2008, 15:51

المشاركة الأصلية بواسطة د. جمال مرسي مشاهدة المشاركة

شوفت النار ازاي هتولّع
جينا ننصح علشان نخلع

صابنا عيار طايش مجنون
يللا يا صاحبي كله يهون

انا مش هنطق مش هتكلم
أصلك برضه أكيد هتسلم

ارفع يا بني الراية البيضا
خدها نصيحة دي هي الموضه

يعني ما شفتش حال زعمائنا
خنقونا و مسكو ف. خنّاقنا

بس ساعتها ما هسأل عنك
لو سلخوك أو سيّحو دمك

يللا يا صبر و يللا يا عبلة
هيّصوا يللا و دقوا الطبلة

خلّوا صاحبنا يبات متنكد
علشان يسكت عنكو و يبعد

و اختموا يللا بحفلة زار
أصل كلامنا دا كله هزار

و استرها يا ستار
معلش يا دكتور أحمد القافية حكمت و انت اللي جبته لنفسك
و المقامات محفوظة أخي الحبيب
مساؤك سكر

ييجي الستـر يا دُك منيـن
بعد البخت ما مال ف اتنين؟

أنا مش فاهم حاجة ف الدنيا
أحـوال تتبـدل، وف ثانيـة؟

لا تقول لي صاحبي ولا أخويا
روح إشرب كده جردل بوية

يمكن يعـدل بقـى تفكيرك
وتصحصح يا حبيبي لمصيـرك

حـد يسلِّـم دقنـه لست؟
ويقول أختي ونعم الأخـت؟

دكتـورنا يا خبرة يا جميـل:
عندك معـزة وتور تفصيـل

بقى ينفـع التـور البـاسل
يخضـع للمعـزة ويتنـازل؟

عمـرك شفت يا دكتُـر ديك
يقلب فرخة وكاكي وكيـك؟

أنا عـارف بقى كيـد ستاتك
سحروا لك، حَلَقُـم شنبـاتك

قصقصوا ريشـك لاجل تنـخ
وتخاف من العطسة ومن بِـخ

بس احلف لك مش هينولـوا
منِّي غرضهم. بكـره يقولـوا:

دكتـور نحـلف لك بالنعمـة
آسفين وما ننطـق تاني كلمـة

غلطـة وتُبْنا، ما عدنا خـلاص
وسامحنـا، بصـدق وإخـلاص.

**د/ أحمد الليثي** · 02-01-2008, 15:57

أخي الدكتـور جمـال، أخي الأستـاذ حسني

أرأيتم ماذا فعلت النسـاء؟
ضربن بيننا إسفينا، فقلبونا ضد بعضينا؟
فهل عدنا لتنظيم الصفوف؟ ورفض المحشي والسفوف؟
حتى تعود إلينـا مكانتنـا، ونوجع النساء كما ضربتنا؟

**د. جمال مرسي** · 02-01-2008, 17:13

ههههههههههههه

سأكتفي بالضحكة المرة دي و أسكت يا دكتور أحمد
أنت بصراحة طلعت مش عارف ايه مسيحه

بس هقولك آخر حاجة ..
قبل ما يقرا اخوانّا الرد
أنت بجد حكاية بجد
مش رايح أرفع راية خوفي
اصل كلامك جه على كيفي
عدت لرشدي بعد خيانه
لولاد جنسي ... توبه أمانه
و أحسن حاجة نعود للرشد
بس بجد الحيل اتهد
كتر مناكفة و كتر زعيق
مع ستات حاطين مساحيق
صعبوا عليا فقلت أساعدهم
و آخد في الأزمه دي بإيدهم
بس لقيتك صادد صد
خدت كلامي كأنه بجد
كنت بهوّش ، كنت بشوف
رد الفعل لقيتها سيوف
ع. اللي بيرجع و بيرتد
عاوز تبدأها من الأول
طيب عد لعشره و رد

**د/ أحمد الليثي** · 03-01-2008, 09:44

المشاركة الأصلية بواسطة د. جمال مرسي مشاهدة المشاركة

ههههههههههههه

سأكتفي بالضحكة المرة دي و أسكت يا دكتور أحمد
أنت بصراحة طلعت مش عارف ايه مسيحه

بس هقولك آخر حاجة ..
قبل ما يقرا اخوانّا الرد
أنت بجد حكاية بجد
مش رايح أرفع راية خوفي
اصل كلامك جه على كيفي
عدت لرشدي بعد خيانه
لولاد جنسي ... توبه أمانه
و أحسن حاجة نعود للرشد
بس بجد الحيل اتهد
كتر مناكفة و كتر زعيق
مع ستات حاطين مساحيق
صعبوا عليا فقلت أساعدهم
و آخد في الأزمه دي بإيدهم
بس لقيتك صادد صد
خدت كلامي كأنه بجد
كنت بهوّش ، كنت بشوف
رد الفعل لقيتها سيوف
ع. اللي بيرجع و بيرتد
عاوز تبدأها من الأول
طيب عد لعشره و رد

الله أكبـر! آدي الكلام ولاّ بلاش. سماح النوبة.
خد عنـدك يا دكتـور:

آدي كـلام العقـل الصافي
لما غيـامة المحشـي تـزول

تـوبة يا ربي ما أحسن منها
يا للا ياصاحبي نصول ونجول

نقطـع للستـات أذنابهـا
نرمي قصـادهم تبن وفـول

أصـل يا ناس العقـل أمـانة
والستـات بقى ناقصة عقـول

كـل حيـاتهم لت وعجـن
طبْخ ف فتـة ولحم عجـول

حلة محشـي، وعلبـة طرشي
وكـوارع أصلهـا مجهـول

تييجي ف مرة تقول "يا حيـاتي
لو نتساير، مرة تقولي، مرة أأقول

ناخد، نِدِّي ف ذكرى جميلـة"
تلقى الست يا ناس ف ذهـول

تجري تجيب صحنين ملـوخية
وتقول: "ماله؟ ما كان معدول؟"

عقلها كله طبيـخ وحكـاوي
عن صاحْباتهـا، ومين مسئـول

عن أسعـار البصـل الدولـي؟
أمـا النَّـم فمـش معقـول

وامـا تلاقـي جنـابك قـايم
ولا كلامهـا صابك بخمـول

تصرخ فيـك، وكأنك أطـرش
أو خـدَّام عندهـا مذلـول

"رايح فيـن يا ابو مخ تخيـن؟
ثانية، استنى الشـاي معمـول".

وان جيت مرة بتقـرا كتـاب
تييجي تقعـد لك، تبقى عزول

وان قلت لهـا على موضوعـه
تسمع منها شخير على طـول.

وان صحيتهـا بنغـزة خفيفة
تلقى جنابهـا اتقلبت غـول.

**د/ أحمد الليثي** · 04-01-2008, 17:13

كتب شاعرنا الأستـاذ أحمد الشربينى

الستات طبعا حبايبنا
ولافيش فيهم شيئ يناسيبنا
مهما هربنا هما قدرنا
واحنا هاتعمل إيه فى نصيبنا

دول أزهار وكمان عصافير
كل حوارهم.. بالسواطير
واما الراجل يعمل راجل
يصبح كفته بدون تفكير

الستات قمرات حلوين
تعزف لحنها بالسكين
أما الراجل أصله سوفاج
على شان خاطر ناديه حسين

ألف خسارة عليك يازمان
فيك الراجل بقى غلبان
رغم طفولته وكل براءته
صبحت حوا.. جانكيز خان

**د/ أحمد الليثي** · 04-01-2008, 17:28

[align=center]الستـات طبعـاً حبايبنـا
من غيرهم هتزيد مصايبنـا
والحسنات ع الصبر تروح
والشَّيْطان ممكن يغلبنـا.

دول أزهار وكمان عصافير
تغريدهم فشر النواعير
والهمسة تسمَّع ف كيانك
من أسوان ولحد أبو قير.

الستـات قمـرات حلـوين
أخلاقهـم أخلاق مسـاجين
لو طبيت يا حبيب ف إيديها
شُرَّاب خُرْج تكـون وعجين.

ألف خسارة عليك يا زمـان
عقـل الست بقى بدنجـان
وامّا نحـاول نِصْلِح حالهـا
احنا اللي نبات في مورستان.[/align]

**د/ أحمد الليثي** · 06-01-2008, 11:49

المشاركة الأصلية بواسطة د. إبراهيم أبو زيد مشاهدة المشاركة

الست دى مننا .... الاكل والاحساس

وبتجرى فى دمنا ... بالصلصه والقلقاس

والشطه فى اكلنا ... تعملها لحمة راس

الفضه مش شغلنا ... الست عاوزه الماس

نضحك لها كلنا ... نعمل لها نسناس

الست دى عمرنا ... الخطوة والانفاس

حتى اسالوا عمنا ... الحاج ابو عباس

فى القبر حيقولنا ... مش سم كان فالكاس

الموته من ربنا ... بالبلطه والاكياس

كتبت الأستاذة كوكي كريم:

قلقاس قال!!!!!!!

لا بقلقاس ولا بالماس
اقدر اديلك احساس
دانت كلامك يا صاحبي
سجلتولك فالكراس

مش راح احاسب
ولا راح اعاتب
بس بنوّه كده و خلاص

كل بحارك ملح اجاج
كل انهارك محض سراب
حتي جبالك فيها براكين
و الوديان مليانة بالطين

دايما نخلك طالع عالي
ولا فيه نسمة حستهالي
وكمان فالآخر قلقاس!
قال و النسا بتحب الماس

و عجبي!!!!!!!!

كوكي كريم

شوفي يا ست .. و دعوة للمشاكسة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث