تويت
فَتَّحْت عيني
والجفون
تجرح فِـ طيَّات العيون
الدمع بيترجم
شجون
والدمّ سارح عالإيدين
عالكُفوف مِتْجَرَّحين
الألم بيزيد ألم
والسؤال أنا أبقى فين ؟
******
جت الإجابة
من نَهْش ديب
جُحْر الدّيابة
وكلّ ديب
واقف فِـ "رُكْن"
عامل "فريق"
ساكنة على كتافه نجوم
ملهاش بريق
والشرّ طاير من عينيه
وبكل ضيق
شَلّوطْ فـ ضهري
كسّر ضلوعي
والدمّ يجري
تزيد دموعي
إنطق ياكلب
إنت أخدت الممنوعات
والمحظورات
إنت اللّي كنت واللّي كان
إنت اللّي فَجَّرت المكان
أبدا يا "بيه"
طب كَتِّفُوه
وكَسَّرٌوه
وواحدة واحدة
نَطَّقُوه
خَلُّوه يقول ويعترف
جَاتُه القرف
والدهشة في عيوني بتبكي
وبإيه ها أقول
ولَّا أعترف
والله بريء
وذنبي إنّي
سألت إيه سبب الحريق (ء)
قال امسكوه
فتّشوه
وقال انتباه
هاتوه اشتباه
من غير دليل
كفاك عويل
ومن سُكات
عالجُحْر طبعاً
واللّي بعده ألعن وألعن
كرباج بيجرح
والدمّ يسرح
مظلوم يابلدي
مظلوم يا أمّي
واللّي ظالمني
ده برضه ولدك
وليه يابلدي
أشقى وأتعب
وهُوَّ يشرب
فـ دمّي وشقايا
يلطش ويبطش
يسرق وينهب
إيه الحكاية ؟
هو عشان أبويا مش وزير
ولا حوت كبير
يبقى الكرامة بالإهانة
والضعيف مالوش نصير؟
واترميت بعد الإهانة
فـ وسط الف من الغلابة
يِتْسَلُّوا فينا بالعذاب
والأكل طبعاً كوم تراب
وكلّ يوم
نصحى بكُرْبَاجْهُم شديد
والنوم بجَنَازير الحديد
وبعد شهرين بالتمام
أو ييجي شهر وأسبوعين
فتحو البيبان قلنا مين؟
دخل علينا جوز حيطان
جَرُّوني من رجلي الشمال
واليمين
ودَخَّلوني مكتب الباشا الأمين
عبد المُعِين
إتْفَضّل اقعد يا اسمك إيه
قلتله محروس يابيه
تِشْرَبْشِ حاجة ؟
تَاكُلْشِ حاجة ؟
لأ كفااااية
إتْهَرَى ياناس قفايا
قاللّي بس اصبر وصبرك
جايلك أَهُه أنا في الكلام
من ييجي ساعة بالتمام
قبضنا خلاص عالمُتَّهَم
وإنت البريء اللّي اتْظَلَمْ
لَمْلِمْ حاجاتك والفلوس
آسفين على جرح النفوس
مَعْلِشِّ أصل ..
أصْل إيه وفصْل إيه ؟
قال صحيح هانْعِيدُه ليه
هاااه تشرب إيه ؟
إدّيني كُوبَّايِة إهانة
واتنين عذاب
وزَوِّدْ عليهم اتنين سكوت
وحَبِّةْ تراب*
---------------------------------
* هذه القصة ليست حقيقية وهي من وحي الخيال
وأي تشابه مع الواقع .. مَصْلَحَة
---------------------
فايد 2010
والجفون
تجرح فِـ طيَّات العيون
الدمع بيترجم
شجون
والدمّ سارح عالإيدين
عالكُفوف مِتْجَرَّحين
الألم بيزيد ألم
والسؤال أنا أبقى فين ؟
******
جت الإجابة
من نَهْش ديب
جُحْر الدّيابة
وكلّ ديب
واقف فِـ "رُكْن"
عامل "فريق"
ساكنة على كتافه نجوم
ملهاش بريق
والشرّ طاير من عينيه
وبكل ضيق
شَلّوطْ فـ ضهري
كسّر ضلوعي
والدمّ يجري
تزيد دموعي
إنطق ياكلب
إنت أخدت الممنوعات
والمحظورات
إنت اللّي كنت واللّي كان
إنت اللّي فَجَّرت المكان
أبدا يا "بيه"
طب كَتِّفُوه
وكَسَّرٌوه
وواحدة واحدة
نَطَّقُوه
خَلُّوه يقول ويعترف
جَاتُه القرف
والدهشة في عيوني بتبكي
وبإيه ها أقول
ولَّا أعترف
والله بريء
وذنبي إنّي
سألت إيه سبب الحريق (ء)
قال امسكوه
فتّشوه
وقال انتباه
هاتوه اشتباه
من غير دليل
كفاك عويل
ومن سُكات
عالجُحْر طبعاً
واللّي بعده ألعن وألعن
كرباج بيجرح
والدمّ يسرح
مظلوم يابلدي
مظلوم يا أمّي
واللّي ظالمني
ده برضه ولدك
وليه يابلدي
أشقى وأتعب
وهُوَّ يشرب
فـ دمّي وشقايا
يلطش ويبطش
يسرق وينهب
إيه الحكاية ؟
هو عشان أبويا مش وزير
ولا حوت كبير
يبقى الكرامة بالإهانة
والضعيف مالوش نصير؟
واترميت بعد الإهانة
فـ وسط الف من الغلابة
يِتْسَلُّوا فينا بالعذاب
والأكل طبعاً كوم تراب
وكلّ يوم
نصحى بكُرْبَاجْهُم شديد
والنوم بجَنَازير الحديد
وبعد شهرين بالتمام
أو ييجي شهر وأسبوعين
فتحو البيبان قلنا مين؟
دخل علينا جوز حيطان
جَرُّوني من رجلي الشمال
واليمين
ودَخَّلوني مكتب الباشا الأمين
عبد المُعِين
إتْفَضّل اقعد يا اسمك إيه
قلتله محروس يابيه
تِشْرَبْشِ حاجة ؟
تَاكُلْشِ حاجة ؟
لأ كفااااية
إتْهَرَى ياناس قفايا
قاللّي بس اصبر وصبرك
جايلك أَهُه أنا في الكلام
من ييجي ساعة بالتمام
قبضنا خلاص عالمُتَّهَم
وإنت البريء اللّي اتْظَلَمْ
لَمْلِمْ حاجاتك والفلوس
آسفين على جرح النفوس
مَعْلِشِّ أصل ..
أصْل إيه وفصْل إيه ؟
قال صحيح هانْعِيدُه ليه
هاااه تشرب إيه ؟
إدّيني كُوبَّايِة إهانة
واتنين عذاب
وزَوِّدْ عليهم اتنين سكوت
وحَبِّةْ تراب*
---------------------------------
* هذه القصة ليست حقيقية وهي من وحي الخيال
وأي تشابه مع الواقع .. مَصْلَحَة
---------------------
فايد 2010
تعليق