تويت
ماتدري ...
رسمتك عالورق مرات
ومزقت الورق لأن ماطابقت رسمك
وحطيت الغطه وضميت روحي بليل
عافاني السهر والليل ..
اثاريني غفيت
وأيست حلمك
سميتك كثير اسماء ..
ودللتك دلال اهواي
من كثرة معزتك ضيعت اسمك
يقيناً قنعت روحي
ضرير وحيلي عكازه
ومن انهض اكومن امشي بجدمك
مرتني الشكوك اهواي
كذاب العشق لا..
من حيث ايقنت اتمايل بجسمك
كذاب الوكت لا..
اتشيم لأني من احجي ابهمك
لا .. وداعتك والله
ضيعت السنين وضيعت دربك
لا أنا الحضيت بدنيتي وناسي
ولاباقي العمر وياك
بين عيونك ويمك
بس وداعتك والله
لارسمك ولااسمك ولاحلمك
لأنك ماتدري أحبنك
لأنك ماتدري أعرفنك
أذن لاأنا ولاعشقي البده يهمك
لاأنا ولاعشقي البده يهمك
كاظم الفضلي
رسمتك عالورق مرات
ومزقت الورق لأن ماطابقت رسمك
وحطيت الغطه وضميت روحي بليل
عافاني السهر والليل ..
اثاريني غفيت
وأيست حلمك
سميتك كثير اسماء ..
ودللتك دلال اهواي
من كثرة معزتك ضيعت اسمك
يقيناً قنعت روحي
ضرير وحيلي عكازه
ومن انهض اكومن امشي بجدمك
مرتني الشكوك اهواي
كذاب العشق لا..
من حيث ايقنت اتمايل بجسمك
كذاب الوكت لا..
اتشيم لأني من احجي ابهمك
لا .. وداعتك والله
ضيعت السنين وضيعت دربك
لا أنا الحضيت بدنيتي وناسي
ولاباقي العمر وياك
بين عيونك ويمك
بس وداعتك والله
لارسمك ولااسمك ولاحلمك
لأنك ماتدري أحبنك
لأنك ماتدري أعرفنك
أذن لاأنا ولاعشقي البده يهمك
لاأنا ولاعشقي البده يهمك
كاظم الفضلي
أيست / اليأس
بجدمك / بقدمك ( قدم الرجل )
أحجي / أحكي ، أتحدث
يمك / بقربك
بده / بدأ
تعليق