[poem=font="traditional arabic,7,indigo,bold,italic" bkcolor="transparent" bkimage="http://www.almolltaqa.com/vb/mwaextraedit2/backgrounds/12.gif" border="none,4," type=2 line=0 align=center use=ex num="0,black""]
فوق السطوح القديمة شفتها باكر=
تلعب بإسلوب ما لي حيل احكي به=
الشمس دمية بيدها والقمر خاسر=
وتهزم الكون من ضحكة وتغدي به=
قلت العب معاك قالت لو تبي غامر=
ويدي بيدك نهد السور و نذيبه =
من حسنها طحت للشارع وانا اناظر=
واحترت اقول الحقيقة يوم واشكي به=
وطلت من الشرفة ترمقني وانا اغادر=
صوب الطواريء وصدقي صعب تكذيبه=
وجات مع امي تعاودني وانا عاثر =
فقمت من عثرتي مذهول اهلي به=
قالت حسافة عليك الطيش ياشاطر =
من يركب الموج ما ينسى مجاديبه=
قلت السموحة وانا باعود واخاطر=
واهدم الحائط الفاصل واردي به =
قامت تبسم وانا في عينها طائر=
واشوف فيها وله ما حد داري به =
وصفة علاجي بعينه يوم لي ناظر=
وشفا الجروح السقيمة من تصاويبه=
وقلت عودي وانا واللي بجبر الخاطر=
واللي عليه اتفقنا حق نوفي به =
قالت لي احكم ولي تبغاه انا حاضر =
والله لو مطلبك قلبي اضحي به =
صالح العجمي=
[/poem]