تويت
نفسى أعيش الحلم بدرى ... وألقى نفسى مليونير
خفت بس العمر يجرى ... عمرى كله أعيش فقير
كل يوم بدخل مسابقة .. لجل ما أكسب وأبقى بيه
بتصل على زيرو 100 و 900 ,,,, والرصيد بيضيع فى ثانية
مش بلاقى الحظ ليه
قولت اجمع فى الكياس ... والغسيل بقى كل يوم
إغسلى يا ام العيال ... واشترى الحجم الكبير
واغسلى كل الهدوم
جمعيهم لجل نكسب .... الدهب ونقول يا هوه
غصب عنى كنت حاسس ... إنى ليا نصيب فى حاجة
بس أيه هيه الطريقة ... قولت أجرب كل حاجة
أو اغير شكلى وأشحت .... فى الشحاته كتير فلوس كتير
كل يوم أرجع معبى ... لجل ما أبقى المليونير
وألبس البدلة اللى هيه ... وأشترى كل اللى نفسى
أشترية من غير حساب
وأنسى أيامى وأغير ... سندوتش الفول كباب
المدام عرفت بإنى ... ناوى أغير شكلى وأشحت
قومت فى البيت حريقة ... لمت العفش فى دقيقة
إلحقونى يا خلق هوه ... جوزى ناوى يدور ويشحت
يربط العين اليمين يمشى حتى بعكازين
لجل يبقى المليونير
صاحبى جانى قالى كلمة
ليه تجمع فى الكياس ... او هتشحت على البيوت
مش هتاخد غيره رزقك ... مهما تجرى أو تفوت
ليه تبص لقرش غيرك ... أوعى تحلم تبقى فوق
اللى فوق ليه اللى شاغلة ... إصحى م الأوهام وفوق
صحن فول مليان بصحة ... أغلى من الدنيا بكتير
وأحمد المولى اللى خالقك .. وإنسى حلم المليونير
اللى مقسوملك هتاخده ... أرضى بالمقسوم يا صاحبى
المقسوم فى خير كتير
لما صاحبى قام وسابنى ... قولت مات فيا الضمير
حلم أيه اللى واخدنى .. من حياتى وبيتى ضاع
متساويش كل الفلوس ... نومه هادية ع السرير
لما تتعب .. تعمل ايه ليك الفلوس
لما تبقى المليونير
تعليق