إفهمْ يا فصيح00!!؟ دعوة للمشاركة

**عبلة محمد زقزوق** · 30-12-2007, 11:58

بص وهُس

ولا تنطقش

هـَشْ ... ونشْ

عَـفْ وتفْ

زادك

من أدين أسيادك

فـُله...

ولا تسألش

***

فـُكْ .. وحلْ

الرباط

واجري..

وحُـوّوش

وإياك تمسك الوحوش

ما داموا في حوش سيادك

بقوا عليك ملوك

بُـص ... وهُس

وإياك...

تنطق ولاّ.. تبص

**د/ أحمد الليثي** · 30-12-2007, 13:15

افهم يا فصيح
من غير تلميح
شغل العضم ده شغل أبيح.

قدرة ومخرومة
بصدى وبارومة
تخر عليك، والخيبة مفهومة.

من غير دوران
مكياج ألوان
حالف لنجيب له يا رب جنان.

هو المفضوح
وده واد سنكوح
ما يعدِّي بدون سلخ ومجروح

جابه لنفسه
يوجع ضرسه
أما فضايحه بصوته وحسُّه.

تصفيق تصفيق
مجرم بفريق
نصه يطبل، والنص نهيق.

اجروا يا غلابة
ده والله عصابة
شغل التهليب والنهَّابة.

قام يتبرع
راح متكرَّع
ع الموقع يجري ويتسربع:

ويقول في كلام
ولا في الأحلام
وجاموس بيصدق دي الأوهام.

خيبة وخيبتين
على جوز الاتنين
صحصح يا عبيط، تضحك على مين؟

مفضوح مفقوع
عيل جربوع
ما بيفلت إلا وأيه موجوع.

مزنوق ف اليَك
في عجن ولك
حطوا في قفاه إبرة وتنشك.

جُـروه وشِدُّوه
عنـز ودبحـوه
إدُّوه شلوت وكمان إتفوه.

أصل الهلافيت
بيقولوا تصويت
على صوبع من أصل الخراتيت.

واللي يخالف
واللي يناكف
يسمع شتم الصوبع التالف

ياللا يا بنات
تلطيم وصوات
أصل المدعوق عنده الأموات

نايمين واقفين
رايحين جايين
نازلين تدعيم ف أبو مخ تخين

ما في عنده كسوف
ولا ذمة، وشوف
أيه اللي بيحصل للملهوف:

بيحطه ف كرش
أكبر م القرش.
قربت خلاص، خطوة و عَ البُرش .

أما اصحابك
ولاّ احبابك
بكره يْحِشُّوا يا واد فِ جْنَابَك.

عامل شبِّيـح؟
ما تجيب سرِّيح!
هاتروح ف أبو نكلة بدون تصريح.

**عبلة محمد زقزوق** · 30-12-2007, 13:32

يا فرحه أدموكي
بالعز والهنا

ولحد عندي جم أخروكي

علشان يأدموكي

دبابه وصاروخ

تفتح نافوخ

تخلي الكل يشوف

لون الدم

أللي قالوا عنه

وغنّوله المواويل

بـلونه الأحمراني الأصيل

بقى لونه أصفراني

دمه تقيل

قالولي:
ده لون دمنا الجديد

ده لون عزنا

قلت: دا لون وكستنا كلنا

حتى دمنا سرقوه مننا

يا خيبتنا كلنا

**عبدالرحمن السليمان** · 30-12-2007, 14:12

[align=justify]ما شاء الله يا أخي الشربيني ويا أختي وعبلة ويا أخي أحمد على هذا القول في العضم!

لله دركم على عفويتكم في القول وفصاحتكم في القرض!

آنسكم الله.[/align]

**الشربينى خطاب** · 30-12-2007, 14:49

المشاركة الأصلية بواسطة عبلة محمد زقزوق مشاهدة المشاركة

بص وهُس

ولا تنطقش

هـَشْ ... ونشْ

عَـفْ وتفْ

زادك

من أدين أسيادك

فـُله...

ولا تسألش

***

فـُكْ .. وحلْ

الرباط

واجري..

وحُـوّوش

وإياك تمسك الوحوش

ما داموا في حوش سيادك

بقوا عليك ملوك

بُـص ... وهُس

وإياك...

تنطق ولاّ.. تبص

[align=center]جيبالي قرود يا عبلة
فكراني قرداتي
وبلعب القرد بطبلة
ما هو زي حلاتي
****
مربوط من طوقه
وبيقلد نوم العذاب
يعجن عجين الفلاحة
ويغني ويرقص للإغراب
وعشاه لقم ناشفة
ويسف يوماني تراب
****
ولمَّا يثور أويتنمرد
يتهري تلطيش
يسيقوا به الزنزانة
بدل الخيش
ويهروا ضهره بخرزانه
ويَّا التحابيش
وجريمته
قال إيه بيعارض
مع إنه في الأصل
هربان من الجيش
فيكون الحكم ع الخاين
يموت ما يعيش

*****
دنا حتة ديك يا ابله
حارس من غير تسليح
حامي يا دوب كم فرخة
وبأدن في الفجر واصيح
تصحي الفلاحة والفلاح
لصلاة اللفجر والتسابيح
وحمام الدار يبدأ ف هديل
حتي العصافير
تصحي وتزقزق
وتغني من غير تصريح
[/align]

**عبلة محمد زقزوق** · 31-12-2007, 05:07

يا خويا يا شربيني
أنا بتكلم بلسان كل فصيح
مش شرط يكون ببردعه
ولا زي الديك بيصيح

صباحك أحلى من زقزقة العصافير
وأجمل من نهيق حمار صريح
مدندش ولا بس بردعه شيّك

وخد عندك كلام منقول عن لسان حمارنا الفصيح
"نسخ طبع

"

**الشربينى خطاب** · 31-12-2007, 13:56

المشاركة الأصلية بواسطة عبلة محمد زقزوق مشاهدة المشاركة

يا خويا يا شربيني
أنا بتكلم بلسان كل فصيح
مش شرط يكون ببردعه
ولا زي الديك بيصيح

صباحك أحلى من زقزقة العصافير
وأجمل من نهيق حمار صريح
مدندش ولا بس بردعه شيّك

وخد عندك كلام منقول عن لسان حمارنا الفصيح
"نسخ طبع

"

[align=center]العبرة في أية
ليهودي مكار
شبهه قرآنَّا
شايل اسفار
فيها خير الدنيا
ونجاته م النار
ونعيم ف الأخرة
وجنة أخيار
****
شايل ولا داري
كُتب الأسفار
موش يبقي
يا عبلة
لو وصفه
المولي
يشبه لحمار
شابل علي ضهره
نعيمه وسعادته
لكن بغباوته
تاعس نفسه
مع إنه يقدر
يسعدها
لو شغل مخة
بحبة افكار
*****
فحمار الوصفة
ف صوته النكرة
لو عندك فكرة
كل الأمثال
موصوفه للعبرة
****
وحمارنا الأية
ف البعث حكاية
مجموعه عظامه
بعد ما مات
بميت عام
وصبح رفات

****
كسا له المولي
عضمه لحم
ستره يا ولاداه
ورد ف بدنه
روح وحياة
لا اتغر بنفسه
ولا طلب الجاه
ولا حتي سمعنا
أي حمار
نهق حرنان
من دي الوصف
ولا هدد مرة
بنسف الدار [/align]

**الشربينى خطاب** · 03-01-2008, 11:26

المشاركة الأصلية بواسطة د/ أحمد الليثي مشاهدة المشاركة

افهم يا فصيح
من غير تلميح
شغل العضم ده شغل أبيح.

قدرة ومخرومة
بصدى وبارومة
تخر عليك، والخيبة مفهومة.

من غير دوران
مكياج ألوان
حالف لنجيب له يا رب جنان.

هو المفضوح
وده واد سنكوح
ما يعدِّي بدون سلخ ومجروح

جابه لنفسه
يوجع ضرسه
أما فضايحه بصوته وحسُّه.

تصفيق تصفيق
مجرم بفريق
نصه يطبل، والنص نهيق.

اجروا يا غلابة
ده والله عصابة
شغل التهليب والنهَّابة.

قام يتبرع
راح متكرَّع
ع الموقع يجري ويتسربع:

ويقول في كلام
ولا في الأحلام
وجاموس بيصدق دي الأوهام.

خيبة وخيبتين
على جوز الاتنين
صحصح يا عبيط، تضحك على مين؟

مفضوح مفقوع
عيل جربوع
ما بيفلت إلا وأيه موجوع.

مزنوق ف اليَك
في عجن ولك
حطوا في قفاه إبرة وتنشك.

جُـروه وشِدُّوه
عنـز ودبحـوه
إدُّوه شلوت وكمان إتفوه.

أصل الهلافيت
بيقولوا تصويت
على صوبع من أصل الخراتيت.

واللي يخالف
واللي يناكف
يسمع شتم الصوبع التالف

ياللا يا بنات
تلطيم وصوات
أصل المدعوق عنده الأموات

نايمين واقفين
رايحين جايين
نازلين تدعيم ف أبو مخ تخين

ما في عنده كسوف
ولا ذمة، وشوف
أيه اللي بيحصل للملهوف:

بيحطه ف كرش
أكبر م القرش.
قربت خلاص، خطوة و عَ البُرش .

أما اصحابك
ولاّ احبابك
بكره يْحِشُّوا يا واد فِ جْنَابَك.

عامل شبِّيـح؟
ما تجيب سرِّيح!
هاتروح ف أبو نكلة بدون تصريح.

[align=center]ما هي الخيبة
يا واد يا فصيح
برش ابو نكلة
ما تنامش عليه
ألا بتصريح
أو إذن نيابة
من تعلب غابة
له الف جحر
أوبيت ف خرابة
وحميرنا غلابة
شايله الخرجْ
يتعبي فيه
فيه إيراد الدرج
ومحروسه
بفهود وديابة
لو طلع صوتها
نبرات تبجيح
تنهشها العصبة
ويروح نهيقها
سدي ف الريح
فبلاش تلقيح
يا ديك يا فصيح
لتجرب مرة
نومة الزنازين
النومه فيها
ع البرش سطيح[/align]

**د/ أحمد الليثي** · 04-01-2008, 18:23

افهم يا فصيح
من غير تشويح
"مزنوق" افندي
فات من عندي
وبيرطن هندي ولاوندي
بعد ما كان ف الفصحى برنجي
دلوقتي لسانه بقى افرنجي
ومراته حاجة بقت أيه!
لا بسة يا ناس كَتِّ وسواريه.
وعياله بلية وسوكالانة
وسبارس والبت بهانة
في المَرْقَعة صَوَّتي يا فلانة
وسيرتهم في البُق لبانة.
بيقولوا السر بقى زيارة
نقلته م الكارو لطيارة
وبعد ما كان من غير لحاليح
اللحلوح يمسح بيه القيح
واللي يصحصح أيوه مليح
يوصل دون ثورة تصحيح
اعقل بقى وافهم يا فصيح
إن أكتر من كده تصريح
هنروح ف ابو نكلة وزي الريح.

**مراد الساعي** · 05-01-2008, 21:18

أخي الشاعر القدير // الشربيني خطاب

رائعة

والصمت في حرم الجمال جمال

حقيقة

باهرة وزارهرة مقطوعتك الشعرية الغنائية

تحيتي وتقديري

مراد الساعي

**الشربينى خطاب** · 13-01-2008, 10:15

المشاركة الأصلية بواسطة عبدالرحمن السليمان مشاهدة المشاركة

[align=justify]ما شاء الله يا أخي الشربيني ويا أختي وعبلة ويا أخي أحمد على هذا القول في العضم!

لله دركم على عفويتكم في القول وفصاحتكم في القرض!

آنسكم الله.[/align]

[align=center]يا سي عبد الرحمن
الديك في أوربا
عايش غلبان
لا بصيح ف فجر
ولا ف غيره
وما لهش آدان
****
بينام في معاد
و يصحي ف معاد
متحدد بدقيقه وثانية
وفراخه البيضه
خاليه من الشغل
قاعده وفاضية
مفهاش مروَّة
لهد الحيل
فعشان كده
ساكته وراضيه

****
الديك ف أوربا
مسموح له
النوم والخلفة
مع أي فرخة
من اي خزانة
تيجي وتروح له
****
رخيصة أوغاليه
قديسه او غانية
عنده المسأله
دي ما بتفرش
وها تفرق ليه
طول ما فراخه
العاصية عليه
لا حد بقيسها
ولا بفقسها
وإن رقدت
ع البيض أبو بذرة
ما حد يعيبها
ترقص لديكها !!؟
ما هي فرخة حرة
ترقص وتسهر
علي كيفها
لاحد اتحرش
في جناحها
ولا شقت توبها
في مشاجره
لا حد قال لها
يا فاجرة
ولا حد بيقدر
يعاكسها
ولا نّتفتْ حتي
في خلوتها
الشعرة الشيبة
من ريشها
****
التلج اللي
ملفوف حواليه
خلاَّه كاشش
ومقرفص م البرد
فمقصر رقبته
ورجليه
وعواطفه
الباردة ذلاه
نفسه ومناه
ف شوية شرد
يا حسره عليه
فبيشرب خمره
وبيره برغاوي
وكاسات حمرة
يمكن تحرك
فيه ساكن
وتخلي دمه البارد
يصبح ساخن
ها تحرك إيه ؟
ولاَّ إيه
حبابي عنيه
بتتحرك
شايفه حواليه
لكن جواه
القلب ها يفضل
خامل ساكن
****
الديك الخامل
موش مطلوب
ما لهش فايدة
ولا عايدة
دا كله عيوب
حتي ف اعياد
الكريسمس
الحفلة بتبقي
علي ديك رومي
طخين وملظلظ
رافع للسما
رجليه وإيديه
من ذنب أوربا
وكأنه بتوب [/align]

**السيد زكريا** · 13-01-2008, 18:38

الشاعر الجميل الشربينى خطاب

كلمات رائعة من انسان أروع
كل احترامى
شاعر الطير

**كمال العطيوى** · 13-01-2008, 19:27

أتمنى ان يفهم حضرة الفصيح
معنى الكلام
شكرا على النص
كلمات رائعة
أراحت صدورنا

إفهمْ يا فصيح00!!؟ دعوة للمشاركة

إفهمْ يا فصيح00!!؟ دعوة للمشاركة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث