مسلسل "باب الحارة 16" حصريا للملتقى.

**مصطفى بونيف** · 11-08-2010, 00:42

الحلقــــــة الأولـــــــى

إنما الأمم...البلوتوث !

يدخل أبو حاتم إلى مجلس الزعيم، وهو يتأفف...ينظر إليه الزعيم بحدة ثم يقول باستغراب..
- شو بك أبو حاتم، عم تنفخ، مو أنا وصيتك لا تنفخ في وشي ما تعرف أنه انفلونزا الخنازير منتشرة هاذي الأيام، لك العما بعيونك نص حارة أبو النار الله أخذها بسبب هذا النفخ!.
- مصيبة يا زعيم، والله مصيبة ما بعرف شو بدي أقولك، أستغفر الله العظيم
- عصام....
- شو به عصام شو يا اللي عمله وقعت ركبي..وأنا عندي الضغط والسكر.
- مصور حريمات الحارة على موبايله وعم ينشرها بالبلوتوث على شباب الحارة كلياتهن...
- لك العما بعيونه شو هالعملة، أنا رح أكلم أبوه أبو الزفت يشوف حل مع أولاده.
- أبو حاتم، انت شفت بعيونك ولا حدا قالك، قول الحق؟؟
- بعيوني اللي رح ياكلهن الدود شفت، حوالي 15 فيديو، 156 صورة، شفتهن صورة صورة.
- لك العما بعيونه كيف صورهن ووين صورهن؟
- بعيوني زعيم لك أنا نقيت لك أحلى الصور حتى تشوف بعينك السفالة وين وصلت بالشباب.
- معاك هون الصور وساكت ؟، لك ابعثلي فورا بلوتوث إلهي يبعث لك حمة .شو دب
يرسل أبو حاتم الصور لموبايل الزعيم الذي يبدو متشوقا لمشاهدة الصور
يتصفح الزعيم الصور ثم يقول:
- لك هادول بنات حارتنا؟
- أي زعيم هيدي مثلا البنت سلاف بنت أبو سماح اللي ساكن بأول الحارة ما عرفتها؟
- هيدي البنت بنت ابو سماح، والله افتكرتها نانسي عجرم..
- اي هيدي صورتها بعد ما عملت عمليات تجميل، نفخت شفايفها وخدودها وصارت هيك، لك يخربيت السليكون يازعيم.
- هادول الصور، وين الفيديو؟

-لك هذا أحلى ميموري كارت لأحلى زعيم حارة

ينتفض الزعيم، ثم يصرخ : جيبولي الواطي عصام وأبوه هون.
أبو حاتم : وجب زعيم

نشاهد عصام وهو يقف أمام محل والدة يرسل بلوتوثات لشباب الحارة. وهو يقول
- بلوتوث البت كوثر بسبعتاعش ذهبية
-يصرخ أحد الشباب: أووف سباعتاش ذهبية منشان كوثر، ليش هي شاكيرا
؟؟؟
- عجبك عجبك ما عجبك روح ابعد عني، العما شو نذل؟؟
يضحك الجميع، حتى يباغتهم أبو حاتم : - لك شو عم تعملو هون يا قليلي الحياء وانت عصام ما في حدا قادر عليك، شوف الزعيم بده ياك مع أبوك.

نشاهد أبو عصام وابنه وهما يدخلان مجلس العضوات، ويبدو عليهما الخجل الشديد.
يبادر العقيد أبو شهاب بالحديث:

- عجبك يا اللي ساواه ابنك في الحارة، لك هيدي آخرة تربيتك، قلت لك بلاها البلاي ستيشن وأنت ما بتسمع الكلام ، لك الله وكيلك كنت بنصح فيهن بالثلاث أيام ما في فايدة...
يتساءل الزعيم: وشو يا اللي يخليك تنصحهم ثلاث أيام يا عقيد؟
- لأني كنت بلعب معاهم وانا قاعد أنصحهم.
ثم يواصل: ما خلصنا من بلوة الباي ستيشن، قام اشترالهم الدش، الله وكيلك ب 200 محطة فضائية، هون أنا جن جنوني كنت أنصحه هو وأولاده بلاها الفضائيات بالأسابيع، ولا فايدة، خاصة لما يشوفو كليبات هيفاء ونانسي وروبي، لك قول انطق أبو عصام نصحتك ولا ما نصحتك؟
جبب أبو عصام خجلا:- أي والله نصحتني بأمارة لما كنا نتفرج على حفلة شاكيرا سوا، أشهد أنك نصحتني ليلتها كتير.
يواصل العقيد معاتبا: لسه ما خلصنا من الدش رحت اشتريت كمبيوتر ودخل معاه النت، الله وكليك النت ألعن من كل يا اللي حصل، اشي دردشات، اشي مسنجرات، اشي برامج، اشي تحميل، لك أنا قاعد أنصحهم لغاية ما عيوني ورمت من التطليع على الشاشة تبع المضروب الكمبيوتر.
ول أبو عاصم:- على فكرة أبو أحمد أرسل لك مسج على الفيس بوك بيقولك أنه الأمانة رح توصلك بعد يومين على الهوتميل، ياريت تعملها دوانلود وما توريها لحدا وكلمة السر اللي تفتح بيها الملف هي آه ونص، وبيقولك اكتبها بحروف انجليزي.
يثور العقيد: - أنجليزي، وهو عارف إني ما بعرف احرف الالف من كوز الذرة، احنا كنا متفقين كلمة السر دايما تكون أرقام.
- أي والله عقيد هو عم بيقول هيك في المسج تبعه، ويقولك كمان أوعاك تفتح الملف قبل ما تفوته على الأنتي فاريس، ويستحسن يكون كاسبرسكي، لأنه الأفيرا مغشوش وعم يفوت الهاكر كثير هالأيام.
يثور أبو حاتم : شو به الافيرا لك عليم الله أنا منزله على كمبيوترات السيبر كافيه تبعي وعم يشتغل آخر حلاوة، وبعدين خلو بالكن يا جماعة الكاسبرسكي انتاج إسرائيلي مشان هيك بتلاقوه عم يحتل مناطق كثيرة في ذاكرة الكمبيوتر، وما يطلع منها إلا بطلوع الروح.

تدخل أبو بشير: البارح وانا عم حاكي شاشتولينا صديقتي الدنماركية، أعطتني موقع جبت لكم منه أنتي فايرس كثير أنا حطيته بها السي دي مشان المنفعةالعامة اللي بده ياه يجي ياخذه من عندي بالفرن.
يتكلم الزعيم باشمئزاز: لك قيمنا من سيرة الدنمارك، لك هادول أعداء العرب والمسلمين نسيتو شو عملو فينا؟.
العقيد : يا لطيف ، يا لطيف
أبو بشير: لكن شاشتولينا غير يا جماعة هي طالعة أول امبارح بمظاهرة في الدنمارك وفرجتني الصور في ألبوم بالفايس بوك.
عصام : لاتصدقه زعيم، هيدي كانت مظاهرة يطلعو فيها سكان الدنمارك للشوارع بس بعد ما يطلعوا من أواعيهن مرة في السنة.
الجميع: أعوذ بالله، أعوذ بالله

أبو بشير غاضبا: نرجع لموضوعنا الأساسي اللي احنا مجتمعين مشانو اليوم؟
العقيد: لك شو هالعملة يا قليل التربية؟

أبو عصام: لك شو عمل قولولي لك والله والله أكسره راسه دايما جايبلي المشاكل مش عارف لمين طالع هيك قليل أدب، أحنا اعمامه ما فينا شيئ.

العقيد غاضبا: - شو تقصد يا أبو عصام إحنا أخواله. شو عم تقول حسن ملافظك.

أبو عصام مرتبكا:- وكل الله عقيد والله ما قصدت شيئ اعتبرها زلة لسان، شو أنت علطول سكينتك في جيبتك وعصبي وحد أ لله. ولا تواخزنا.
- أستغفر الله العظيم.
يقول أبو عصام في قرارة نفسه وهو ينظر إلى ابنه عصام: أنا بروجيك يا عصام منزل مقاطع بلوتوث جديدة وما موريني إياها، لك تضرب هاذيك اللحظة اللي سمعت فيها كلامك وجبت لك موبايل بكاميرا، رح أورجيك الويل يا عصام.
ثم يقول بصوت رجولي جهوري: - نصادر منه الموبايل والميموري كارد، وبعد أن نتفحص الموموري كارد، نسلخه علقة 150 ميجابايت في الثانية لحتى ما يعيدها ويتوب..
يأخذون منه الموبايل وهو يصرخ: بريئ ي والله بريئ
ثم يضعون الميموري كارد هلى اللاب توب أمام الزعيم

الزعيم: خلينا نشوف فيديو أسمهان بنت أبو نواس اللي ساكن بحارة ابن الكلب، بيقولو انها كانت مرشحة للرقص في فيدو كليب لعاصي الحلاني.
يقفلون الباب عليهم وهم يشاهدون المقاطع

ثم نشاهد على الشاشة...عبارة إنما الأمم الأخلاق ما بقيت.

انتهت الحلقة الأولى
مع تحيات مصطفى بونيف وبسمة الصيادي

**بسمة الصيادي** · 11-08-2010, 00:49

ولأننا في أول أيام الشهر الفضيل .. إليكم البشرى السارة ..
ستدرج حلقتين متتاليتين وبدون فواصل وإعلانات .. وهذا فقط وحصريا على شاشة ملتقى الأدباء والمبدعون العرب ..

المعركة الكبرى

الزعيم طالع جنانه
وصل صوته لأخر الحارة وهو يصرخ : يا باطل يا باطل
الهلع أصاب أهل الحارة الكل يسأل شو في .. ؟

أبو عصام ركض نحوه مسرعا : شو في زعيم؟ وقعت قلبي ..!!

الزعيم : لك أخ يا أبو عصام آخ .. عملت مست كول لأبو النار

أبو عصام: إيه ..؟

الزعيم: والندل فتح علي خطّ ..

ابو عصام : لااااا أكيد عم تمزح .. معقول هالنذل يتجرأ ويعملها ..معقوووووول ! إيه والله شيء يحط القعل (العقل ) بالكف ..

واحد من شاب الحارة بيجري في الحارة: يا أهل الحارة ..يا اهل الحارة ..
أبو النار فتح الخط على الزعيم ..

سمعت النساء هذا وراحت تصرخ:" ولي علي طولي عليك يا زعيم، راحوا الوحدات لي عندك يا كبيرنا ولــــي"

معتز طلع الدم لراسه وهو يقول: العمى بقلبه أبو النار هذه ثالث مرة يفتح خط على الزعيم ..شو مانوا عارف أن خطّه ليس ثابتا ؟؟

الخبر وصل إلى كل بيت، صار الكلام على كل لسان، خص نص على الفايس بوك حيث التعليقات كانت ساخنة، وصار في جروب لمحاربة أبو النار لي فتح خط على الزعيم وداس له على طرف ..

الكل استنفروا وتجمعوا بساحة الحارة، من كبيرهم لصغيرهم ..يحملون العصي والبواريد والبومبكشن ..

وقف أبو شهاب يقول : ما عاش لي بده يفتح عليك خط يا زعيم .. يلاه يا رجال قولوا الله ..

وهجم أهل الحارة على حارة أبو النار ..

وبدأت معركة عنيفة راح ضحيتها 20 هاتف نوكيا 5 بكميرتين و3 أيبوت أولهم هاتف ابو النار المستورد من ألمانيا ......

كما قاموا من شدة غضبهم، بنزع كل صحون الدش عن السطوح ...هنا انكسرت شوكته لأبو النار .. وقام بالإعتذار ..لأنه خاف أن تفوته الحلقة الأخيرة من مسلسله التركي

شكرا لمتابعتكم
وإلى اللقاء في الحلقة القادمة
مصطفى بونيف
بسمة الصيادي

**سحر الخطيب** · 11-08-2010, 02:17

المخرج .... ستوب هو فى نساء ولا نسوان فى باب الحاره او حريم خلينا نفهم وإلا رح يخصم من اجوركم ايها الممثلين ههه
اعيدوا التمثيل مرة ثانيه حتى يتوافد الجمهور عليكم بدل من mpc

**بسمة الصيادي** · 11-08-2010, 02:27

ههههههه نعم حبيبتي سحر سننافس ل mbc
شو رأيك باب الحارة 16 بعدما دخله التطور؟ يجنن صح ههههه
سحر وبما إنك اول المشاهدين معنا لازك تكسبي جائزة معنا ..
ما رأيك أن نعطيك دور البطولة؟ أو دور فريال ؟ ههههه
تعرفي أوحيتي لي بفكرة طالما أن ل mbc ليس أفضل من شاشة الملتقى لما لا نستقبل الإعلانات وذلك لدعم المسلسل ههههه

لمن يريد إنزال إعلان لرعايو مسلسلنا لرجاء الإتصال على هذا الرقم
4346346346436436346436346ل ل334

سحر يا قمر سعدت بحضورك كثيرا وأتمنى أن تقضي معنا أوقات ممتعة
سلامات سلامات

**منجية بن صالح** · 11-08-2010, 02:39

السلام عليكم ورحمة الله وبركاته

االإخوة الأفاضل مصطفى و بسمة
ليش حرقت الحلقات سوف يغضب أبو النار و أنتو تعرفو العواقب و دخلت سحرعلى الخط لتضع بصمتها السحرية على الحلقة و الله يكون في عون المشاهدين عفوا القراء
سوف ترفع عليكم الم ب س شكوى و تحرمك من الحارة و سوف تحتفظ بالباب

شكرا لروحكم المرحة و كل حلقة و أنتم بخير
السلام عليكم ورحمة الله وبركاته

**مصطفى بونيف** · 11-08-2010, 04:41

المشاركة الأصلية بواسطة سحر الخطيب مشاهدة المشاركة

المخرج .... ستوب هو فى نساء ولا نسوان فى باب الحاره او حريم خلينا نفهم وإلا رح يخصم من اجوركم ايها الممثلين ههه
اعيدوا التمثيل مرة ثانيه حتى يتوافد الجمهور عليكم بدل من mpc

الأخت الغالية سحر
رمضان كريم
سننافس باب الحارة أم بي سي وسنتفوق إن شاء الله.
بيني وبينك...مش بابا حارتنا أحلى؟؟

**مصطفى بونيف** · 11-08-2010, 04:43

المشاركة الأصلية بواسطة منجية بن صالح مشاهدة المشاركة

السلام عليكم ورحمة الله وبركاته

االإخوة الأفاضل مصطفى و بسمة
ليش حرقت الحلقات سوف يغضب أبو النار و أنتو تعرفو العواقب و دخلت سحرعلى الخط لتضع بصمتها السحرية على الحلقة و الله يكون في عون المشاهدين عفوا القراء
سوف ترفع عليكم الم ب س شكوى و تحرمك من الحارة و سوف تحتفظ بالباب

شكرا لروحكم المرحة و كل حلقة و أنتم بخير
السلام عليكم ورحمة الله وبركاته

أختي الغالية منجية
رمضان كريم
التعاون مع الأخت بسمة الصيادي له مذاق خاص لأنني اكتشفت لدى هاته الكاتبة قدرة رهيبة على كتابة القصص الكوميدية بخفة دم ورشاقة.
نتمنى أن نراك بيننا في كل حلقة يا أخت منجية

تحيتي

**سعاد عثمان علي** · 11-08-2010, 09:02

الأخ العزيز موستافا بو نيف
الأخت العزيزة بسمة الصيادي
كل عام وأنت بخير
عمل جميل ومحتاج لجهد
كبيرتعليق الآن لأني صائمة
...إنتبه من الأخت بسمة الصيادي
-طول ماهي جالسة تاكل -كيك-بسكوت-جيزكيك
وأضف في رمضان-سمبوسة وكنافة
تحياتي للجميع

**بسمة الصيادي** · 11-08-2010, 11:29

المشاركة الأصلية بواسطة منجية بن صالح مشاهدة المشاركة

السلام عليكم ورحمة الله وبركاته

االإخوة الأفاضل مصطفى و بسمة
ليش حرقت الحلقات سوف يغضب أبو النار و أنتو تعرفو العواقب و دخلت سحرعلى الخط لتضع بصمتها السحرية على الحلقة و الله يكون في عون المشاهدين عفوا القراء
سوف ترفع عليكم الم ب س شكوى و تحرمك من الحارة و سوف تحتفظ بالباب

شكرا لروحكم المرحة و كل حلقة و أنتم بخير
السلام عليكم ورحمة الله وبركاته

وعليكم السلام ورحمة الله وبركاته
أهلا بك أختي منجية ..
عزيزتي لا تخافي من أبو النار زمانه يبكي على موبايله المستورد من ألمانيا هههه
على العموم زميلي العزيز جهزّ قلمه الظريف دوما والمتمكن
وسنتحدى الم ب س

شكرا لك أستاذة منجية
سعدت بحضورك
وإلى اللقاء في الحلقة القادمة
السلام عليكم

**بسمة الصيادي** · 11-08-2010, 23:56

المشاركة الأصلية بواسطة سعاد عثمان علي مشاهدة المشاركة

الأخ العزيز موستافا بو نيف
الأخت العزيزة بسمة الصيادي
كل عام وأنت بخير
عمل جميل ومحتاج لجهد
كبيرتعليق الآن لأني صائمة
...إنتبه من الأخت بسمة الصيادي
-طول ماهي جالسة تاكل -كيك-بسكوت-جيزكيك
وأضف في رمضان-سمبوسة وكنافة
تحياتي للجميع

أهلا بالحبيبة سعاد
كل عام وأنت بألف بخير
بسكويت إيه! وجيز كيك إيه !
انت حطيتي يدك على الجرح ليه!
ههههه آخ يا أختي يا سعاد الأكل أمامنا وماننقدر نقرب :(
ههه
شكرا لك سعاد أضحكتيني ... ويا ريت ما تحكي عن الأكل برمضان
ارحمينــــــــــــي هه
رمضان كريم
لا تحرمينا من وجودك الحلو

**بسمة الصيادي** · 12-08-2010, 02:19

الحلقة الثالثة المشهد الأول

العضاوات مجتمعين ( كافيه نات أبو حاتم)

(أبو حاتم ، النمس، عصام)...

يأتي العقيد أبو شهاب

يهب النمس لاستقباله:

هاي وهايان وثلاثة، لك مية هاي بأحلا عقيد والله ..وهالرقبة سدادة...

[BIMG]http://www.yasour.org/newsgfx/5661228974.jpg[/BIMG]

لك وينك عقيد آه؟ إنت وينك؟؟

عليّ ما عليّ نطرتك للصبح ، لك وينك عقيد ما طلعت أون لاين مبارحة؟؟

إيه والله النات ما حلو بلاك..

أبو حاتم : إنت بتجيب وجعة الراس لحالك عقيد إنو كان ضروري تعملو أد ما بتعرفوا كتير غلبة ....

النمس: أنا كتير غلبة؟؟الله يسامحك عمي أبو حاتم؟

أبو حاتم: إيه شبنا نمس عم نمزح ولو

عصام: يي وصل أبو النار

النمس: أبو النار ...إيه جيبولو الإطفائية

أبو النار: شو تفضلت ولا النمس ..

النمس : لك هاي وهايين وثلاثة بأحلا عقيد والله ..

..ليكه لقطتا ..يا ناموسة وينك وينك

إيه يا رجال أنا جايكم بموضوع كتير مهمّ

مبارح وصلني فاكس بيقول إنو أهالي حارة الماوي ناويين يهجمو علينا ...

معتز: إيه ما فشروا بنصّ عينووووووووون

[BIMG]http://www.g4z4.com/upload/uploads/fd78412749.jpg[/BIMG]

أبو شهاب: إيه عقيد مشكلة حارة الماوي بسيطة كثير كام كف بيصحوا على حالهم .. وهلأ حروح أبعت لهم كام فيروس على كيف كيفك و بيعجبوا خواطركم ...

وهاي مشكلة حارة الماوي وخلصنا منّا، إمتى حنحّل المشكلة التانية وتتشكل الحكومة؟؟؟

......

المشهد الثاني :

خناقة نسوان

إم عصام: يامو بوران وينا إم زكي؟

بوران: بالمستشفى يامو عندها ولّادي

"باب باب باب بيب بيب "

إم عصام: إي لااااااااا لاهون وبس

شو قلّة الذوق هيدي ..

فريال:- شو تفضلتي إم عصام..

إم عصام: إسا باب باب باب وشي بيب بيب بيب إيه يعني ما حدا غيرك جاب سيارة فريال؟...........

فريال:- "جيب" إذا بتريدي

إم عصام:- إيه والله لو بتركبي شبح بدلّك شرشوحة..

فريال: إيه لكان يلي مانو لاقي "طرطيرة" يركبا أكيد بدو يحكي هيك حكي.

إم عصام: إن شاء الله بتخبطك طرطيرة بلا نمرة وبلا شوفير..قربي لعندي لنتفلك شعرك تنتيف والله..

فريال: إيه والله والله لو بيفوت الجيب شيتي من الباب لجبتو ودعستك في..

إم عصام : أنا بورجيكي يا "شرنّة"

..يدخل أبو عصام....

"شو عم بيصير هون

إم عصام شوفي؟"

إم عصام:- ما دخلني أبو عصام هلأ هلأ بدك تجبلي سيارة وتكون آخر موديل كمان..و ها ..

أبو عصام: كبري عقلك إم عصام شو بنااااااا شاااه..

إم عصام: ما بدي كبروا ..لكان فريال يكون معها سيارة وأنا لاء.

فريال: جيب إذا بتريدي.

إم عصام: إيه والله والله لموتك، وخلي هالسيارة لي شايفة حالك فيها، تكون لجنازتك ..

..تجري إم عصام وراء فريال...

[BIMG]http://images.starpulse.com/Photos/Previews/Tom-Jerry-tv-07.jpg[/BIMG]

..............................................

ومشاكل النسوان لن تنتهي .. تابعونا
مع تحيات أسرة المسلسل
بسام الملا
ومروان قاووق ..

أقصد مصطفى بونيف
وبسمة الصيادي
إلى اللقاء

**مصطفى بونيف** · 12-08-2010, 16:10

مسلسل باب الحارة الذي يعرض حاليا على الفضائيات بلغ جزءه الخامس، ولم يسبق لأي دراما عربية أن حققت إجماعا كما حققه هذا المسلسل السوري الذي يروي قصة حارة شعبية بدمشق في أربعينيات القرن الماضي.
مسلسل تاريخي استطاع المخرج والمؤلف من خلاله رسم الكثير من الإسقاطات على الزمن الحاضر.
وما هذه المحاولة المجنونة مني ومن زميلتي الغالية بسمة الصيادي سوى تصور لما سيكون عليه المسلسل لو وصل إلى جزئه السادس عشر.
وعلى الرغم من الإقبال الضئيل على القراءة والتعليق هنا، نجد أنفسنا أكثر حرصا على مواصلة المسيرة إلى غاية الثلاثين حلقة....لأننا نؤمن بأن ما نكتبه سيصل إلى مكانه المنشود يوما ما.

فمشاهدة ممتعة..أقصد قراءة طيبة

**مصطفى بونيف** · 13-08-2010, 00:52

الحلقة الرابعة

في بيتنا ...فيس بوك !

نشاهد ابنتي أبي عصام تجلسان أمام شاشة الكمبيوتر وهما تفتحان صفحة الفيس بوك
البنت الصغرى: يضرب هالفايس بوك مفيش ولا شب حليوة يملى العين، لك يقبر عظامي توم كروز ما فيه مثلو شاب حلو، يبعثلها حمة نيكول كيدمان منين جالها هالقلب وخلعتو، لك لو كان زوجي توم كروز ما يخلعه مني إلا ملك الموت.

البنت الكبرى: بدك شاب مثل توم كروز، والله والله ما رح يأخذك إلا بشير ابن أبو بشير، وهادول عندهم السمنة بالوراثة، كلها شهرين بعد الزواج وتشوفيه داخل عليك الغرفة مثل التور وفي ايده هامبرجر، ويقولك وهو بياكله يا الله حضري لنا العشا.

تنظر البنت الكبرى في الشاشة: لك شوفي جميلة، فيه شاب حلو بيطلب اضافة شو رأيك اضيفه؟

تجيبها :- لك اتقلي عليه شوي، تلاقيه باعثلك رسالة بيترجا عطفك وحنانك

وبعد لحظات قليلة تصرخ البنت الكبرى: لك شوفي بعثلي رسالة إلهي يقبر عظامي ويعدمني ياكي في يوم واحد.
ثم تقرأ الرسالة بصوت مليئ باللهفة والشوق: " عزيزتي، كنت أقوم بعملية ريسيرش على الفيس بوك على أحلى بنت، حتى طلعت صورتك تقبريني شو حلوة، قلبي دق لك ياريت تعملي له اضافة تلاقيني أون لاين"

تتنهد بوران (البنت الكبرى) ثم تقول : يا الله شو رومانسي!!

تسألها الصغرى في بلاهة: شو معناتها رومانسي؟

- معناتها مثل مهند تبع المسلسل التركي، فهمت؟

ثم تصرخ : ليك أهه دخل أوف لاين إلهي لا تعدمني إياه
يرسل لها : مسا الخير

- مسا النور
معاك أمجد 29 سنة، ضابط طيار، ساكن بفيلا في أول حارة الذيب المخلوع، حلو قد ماني حلو الشباب بينادوني يقولولي يا توم، من فرط شبهي بتوم كروز
- الله ياريتنا جبنا سيرة مليون دولار قبل شوية كنت مع رفيقتي عم نحكي على توم كروز يقبرني

- ممكن تعرفيني بحالك؟
-

اسمي راما، عمري بين 18 وال25 سنة، بشتغل مضيفة طيران بالخطوط القطرية، بس بابا منعني من هيك شغل لأنهو بيقول أنه البنت إذا طلعت من حارتها تستاهل البوس أقصد الموت.
تثور البنت الصغرى: شو؟ اسمك راما يا بايرة، وعمرك 18 سنة، إذا إنت عمرك 18 سنة أديش يبقا عمري شهرين؟، لك إنت يا اللي طبخت وليمة طهور الزعيم أبو صالح لما كان عمره سبع تيام
تتأفف بوران ثم تقول لها: لك قومي من جنبي إلهي تقوم قيامتك، لك أنا حضرت وليمة طهور الزعيم؟ والله والله لأقول لماما عن مواعيدك مع بشير من ورا الباب وهو جايب لنا البيتزا دلفري..

والله رح أخلي عمي أبو بشير يبطل شغلانة الدليفري كلها طول عمره.

يرسل لها الشاب: هيدي صورتك، الله شو حلوة!!!

البنت الكبرى: الحمد لله طلع حمار ما بيعرف سمية الخشاب أنا عاملة داونلود لصورتها من جوجل.

ثم نشاهد أبو عصام في مجلس كبار الحارة وهو يقدم لهم محاضرة عن تربية البنات...
أبو عصام : البنات يا جماعة تربيتهن ماني سهلة بنوب، مشان هيك ضروري يكون فيه شيئين، وهم ثلاثة أشياء، مراقبة البنت، لا تخليها تروح من عينك، لأنه إذا راحت عليك نومة رح تصحا تلاقيها جايبة شاب تحت باطها وتقولك هذا البوي فرند تبعي.
يهمس أبو بشير في اذن العقيد: شو معناتها بوي فراند عقيد؟
فيجيبه العقيد : الكلمة هيدي لو تفهموها رح تصيرو كلكم عقداء، والحارة يكفيها عقيد واحد يا أبو بشير.
يتدخل الزعيم: أيام زمان كان الواحد لما يخطب واحدة تفضل البوسة جوات فمه لغاية ما تصير شفايفه قد الكوساية، نحنا في زمن ما يعلم بيه إلا اللي خلقه صارت البوسة توصل بالبلوتوث، تصير بنتك تتباس قدامك وأنت لا خبر.

نشاهد البنتين وهما لازلتا تدردشان مع الشاب...
يرسل لها : ممكن نتقابل، أنا غرضي شريف بدي أعزمك على بيتزا؟
البنت الكبرى: - بيتزا، واو أنا كثير بحبها، موافقة.
- ممكن رقمك حتى ارسل لك مستكول؟
البنت : شو رايك نكتب أرقامنا بنفس اللحظة ونتصل ببعضنا ونشوف من فينا اللي يتصل الأول؟
الشاب : اوكيه...واحد ، اثنين ، ثلاثة...
ثم يكتبان رقميهما ويظرهان على نافذة الدردشة...
تصرخ البنت الصغرى: ولي على آمتي هيدا رقم أخونا المعتز...ولي ولي ولي...
ثم نسمع صوت المعتز وهو يصرخ : يا باطل يا باطل.

انتهت الحلقة الرابعة مع تحيات مصطفى بونيف وبسمة الصيادي

**أناهيد عبد الله** · 13-08-2010, 04:08

أولاً : أسجل إعجابي .. و متابعتي بكل إستمتاع

أشكرك أخي الساخر / مصطفى بونيف
و كذلك العزيزة / بسمة الصيادي
على طرحكما لهذه الفكرة المبتكرة و تطبيقها بكل جدارة
مرحى لكما
تقديري العميق
أناهيد

مسلسل "باب الحارة 16" حصريا للملتقى.

مسلسل "باب الحارة 16" حصريا للملتقى.

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث