[align=center]قرّرت أنساك[/align]

[poem=font="Simplified Arabic,5,blue,normal,normal" bkcolor="transparent" bkimage="backgrounds/15.gif" border="solid,1,blue" type=0 line=0 align=center use=ex num="0,black"]

مهما داريتْ و مهما قدرتْ = عالحب وبعت أيامي
مهما عاندتْ ولاّ رحتْ = تحب يوم غيري تاني
موش حاتلاقي زي حناني = أو ساعه حلوه من أيّامي
وحاترجع ليا بشوقك تاني = تقول ما عرفت فيوم تنساني
إنت هواك طبعه غريب = مالو بر أمان حواليه
يبعد عنه قريب وغريب = ولا حنى الشوق حايعدي عليه
فليله فُتْ القلب شريد = سافرتْ وخدتْ الشوق ويّاك
فاكرني حاتعب وانا وحيد = وأبكي اقول إمتى رضالك
ولاّ فاكرني حاقول يا حبيبي = تعاللا وحارضى هواني معاك
دا عمره ما يبقى حب حقيقي = وانا قرّرت خلاص انساك
إنت هواك طبعه غريب = مالو بر أمان حواليه
يبعد عنه قريب وغريب = ولا حنى الشوق حايعدي عليه
أول مرّه لمّا قابلتك = رسمت حاجات وآمال بخيالي
مَرْ الوقت ولمّا عرفتك = لقيتك غير ما كنت فبالي
اتحملت معاك فوق طاقتي = قلت فيوم يمكن تتغير
إديتك كلّ حياتي ووقتي = وانت ، انت ما بتتغير
إنت هواك طبعه غريب = مالو بر أمان حواليه
يبعد عنه قريب وغريب = ولا حنى الشوق حايعدي عليه
إن مرّه شكيت ولاّ بكيت = موش علشان لسّه بحبك
أبكي إنّي فيوم حبيت = وسنين من عمري ضاعوا فحبك
إنْ جتني فليلة تقول حنيتْ = حاقولك روح والله دا بعدك
إنت بإيدك رحتْ جنيت = عالحب وبعتْ جنّة قربك
إنت هواك طبعه غريب = مالو بر أمان حواليه
يبعد عنه قريب وغريب = ولا حنى الشوق حايعدي عليه[/poem]


[align=center]
تحياتي : مراد الساعي[/align]