تويت
كتب مصطفى بونيف
دنا غلبااااااااااااان ....
أنا واحد ماشي في حالي لا بكلم حد ولا حد بيكلمني ، عامل زي العربية نص نقل ، من البيت للشغل ومن الشغل للبيت ...صباح الخير يا جاري إنت في حالك وأنا في حالي ..ومفيش صباح الخير كمان .
أقولك صباح الخير تقوم تلبسني تهمة ألاقي نفسي في رحت في الكازوزة ....وبعدين هي فايدتها ايه كلمة صباح الخير ؟؟؟ غير التعب ووجع القلب وإنت عارف أنه أصلا مفيش خير ..
أيوة بطاقتي دايما في جيبي ، وبمشي في الشارع زي العسكري لا ببص يمين ولا ببص شمال ، ابص قدامي بس ...وحتى قعدة القهاوي مبحباش ...أصلي بيجيني ربو من دخان السجاير ، بس لو إنت واحد منهم ابقى تعال ودخن على كيف كيفك ..مش هفتح الشبابيك هبقى اشم كل الدخان اللي بتطلعه من بقك يا حبيبي .
مبركبش الأتوبيسات ...عشان هي بصراحة بتيجي في معادها وفاااضية ...أنا أحب أنزل مشي عشان المشي رياضة ...والجسم السليم في العقل السليم اللي مبيفكرش ...
الجرنان مبقرهوش ..بس لما أشتري طماطم أو فلافل بقرا القرطاس ....وألاقي صور جميلة أوي .
فلوس ...لا يكثر خيركم مش عاوز فلوس ...أنا ولله الحمد راجل زاهد ...عايش على أد حالي ، واللحمة متخشش بيتي ، قال لحمة قال ....دحنا بنسمع بلاوي عن اللحمة مرة بيقولك الجزارين الوحشين بيوزعو لحمة حمير على أنها لحمة بقر ...والبقر بتاكلها . ده غير أن اللحمة مش كويسة عشان الجسم ..أي نعم ريحتها وهي بتتشوي لزيزة بس اللحمة في حد زاتها بتؤدي إلى سرطان المعدة ....أنا بصراحة اقنعت نفسي بكده ومباكلش لحمة خااااااااالص.
الاسعار غالية بس كويسة ....احنا هنعمل ايه بالفلوس ...أهه على الأقل فلوسك تصرفها في حاجة تنفع ..أحسن من أنك تحوشها أو تجيب بيها كماليات يمكن تخرب بيتك ..زي الموبايل ولا الدش ..
البطاقة معايا ودايما في جيبي يا فندم ..معقولة أمشي من غير بطاقة في الشارع ، ده حتى ميرضيش ربنا .
رخصة السواقة ..لا مطلعتهاش يا فندم ، أعمل بيها ايه ، أنا عمري ما اشتريت عربية ولا باين أني هشتريها من اصله ، اخاف يا فندم أخش في ترمواي ولا في عربية تانية تجيب أجلي ، خليني ماشي على رجليا أحسن .
الباسبور ...لا مطلعتش باسبور يا فندم ...أعمل ايه بالباسبور ، حد يسيب بلده ويسافر يا فندم ، حد يسيب الاملة اللي احنا فيها ويبص لبرا ، ده حتى هتبقا طفاسة وعين فارغة ....اسافر برا واتبهدل عشان أجيب مروحة وخلاط ...ولا عاوزني أطلع أهج للعراق ..أروح عباس الدميري ارجع ألاقي نفسي لطفي الجنايني زي محصل ما يحيى الفخراني في مسلسل عباس الابيض في اليوم الاسود .
بطاقة عائلية ..لا معنديش يا فندم ، انا وبلا فخر مش متجوز ....حد يجيبه لنفسه يا باشا يكون قاعد في أمان الله مستمتع بالعزوبية يجيب ست تخنقه في الرايحة والجاية . أنا متعقد من الستات كلهم ،
خلينا ماشيين تحت الحيطة يا فندم ....وبعدين هستفيد من الجواز ايه يا فندم ، أهه عالاقل بتفرج على هيفاء وهبي وهي بترقص من غير ما حد يسألني تلت التلاتة كم ؟
البطاقة الانتخابية ....معقولة بعد كل اللي قلتهولك وبتسألني عنها يا باشا ...؟؟
مصطفى بونيف
دنا غلبااااااااااااان ....
أنا واحد ماشي في حالي لا بكلم حد ولا حد بيكلمني ، عامل زي العربية نص نقل ، من البيت للشغل ومن الشغل للبيت ...صباح الخير يا جاري إنت في حالك وأنا في حالي ..ومفيش صباح الخير كمان .
أقولك صباح الخير تقوم تلبسني تهمة ألاقي نفسي في رحت في الكازوزة ....وبعدين هي فايدتها ايه كلمة صباح الخير ؟؟؟ غير التعب ووجع القلب وإنت عارف أنه أصلا مفيش خير ..
أيوة بطاقتي دايما في جيبي ، وبمشي في الشارع زي العسكري لا ببص يمين ولا ببص شمال ، ابص قدامي بس ...وحتى قعدة القهاوي مبحباش ...أصلي بيجيني ربو من دخان السجاير ، بس لو إنت واحد منهم ابقى تعال ودخن على كيف كيفك ..مش هفتح الشبابيك هبقى اشم كل الدخان اللي بتطلعه من بقك يا حبيبي .
مبركبش الأتوبيسات ...عشان هي بصراحة بتيجي في معادها وفاااضية ...أنا أحب أنزل مشي عشان المشي رياضة ...والجسم السليم في العقل السليم اللي مبيفكرش ...
الجرنان مبقرهوش ..بس لما أشتري طماطم أو فلافل بقرا القرطاس ....وألاقي صور جميلة أوي .
فلوس ...لا يكثر خيركم مش عاوز فلوس ...أنا ولله الحمد راجل زاهد ...عايش على أد حالي ، واللحمة متخشش بيتي ، قال لحمة قال ....دحنا بنسمع بلاوي عن اللحمة مرة بيقولك الجزارين الوحشين بيوزعو لحمة حمير على أنها لحمة بقر ...والبقر بتاكلها . ده غير أن اللحمة مش كويسة عشان الجسم ..أي نعم ريحتها وهي بتتشوي لزيزة بس اللحمة في حد زاتها بتؤدي إلى سرطان المعدة ....أنا بصراحة اقنعت نفسي بكده ومباكلش لحمة خااااااااالص.
الاسعار غالية بس كويسة ....احنا هنعمل ايه بالفلوس ...أهه على الأقل فلوسك تصرفها في حاجة تنفع ..أحسن من أنك تحوشها أو تجيب بيها كماليات يمكن تخرب بيتك ..زي الموبايل ولا الدش ..
البطاقة معايا ودايما في جيبي يا فندم ..معقولة أمشي من غير بطاقة في الشارع ، ده حتى ميرضيش ربنا .
رخصة السواقة ..لا مطلعتهاش يا فندم ، أعمل بيها ايه ، أنا عمري ما اشتريت عربية ولا باين أني هشتريها من اصله ، اخاف يا فندم أخش في ترمواي ولا في عربية تانية تجيب أجلي ، خليني ماشي على رجليا أحسن .
الباسبور ...لا مطلعتش باسبور يا فندم ...أعمل ايه بالباسبور ، حد يسيب بلده ويسافر يا فندم ، حد يسيب الاملة اللي احنا فيها ويبص لبرا ، ده حتى هتبقا طفاسة وعين فارغة ....اسافر برا واتبهدل عشان أجيب مروحة وخلاط ...ولا عاوزني أطلع أهج للعراق ..أروح عباس الدميري ارجع ألاقي نفسي لطفي الجنايني زي محصل ما يحيى الفخراني في مسلسل عباس الابيض في اليوم الاسود .
بطاقة عائلية ..لا معنديش يا فندم ، انا وبلا فخر مش متجوز ....حد يجيبه لنفسه يا باشا يكون قاعد في أمان الله مستمتع بالعزوبية يجيب ست تخنقه في الرايحة والجاية . أنا متعقد من الستات كلهم ،
خلينا ماشيين تحت الحيطة يا فندم ....وبعدين هستفيد من الجواز ايه يا فندم ، أهه عالاقل بتفرج على هيفاء وهبي وهي بترقص من غير ما حد يسألني تلت التلاتة كم ؟
البطاقة الانتخابية ....معقولة بعد كل اللي قلتهولك وبتسألني عنها يا باشا ...؟؟
مصطفى بونيف
تعليق