قصيدة الفاروق عمر

**جمال عمران** · 30-08-2010, 17:38

المشاركة الأصلية بواسطة دصبرىإسماعيل مشاهدة المشاركة

همّا فين واِحنا فين

*******

{مقارنة بين العالم الثالث والغرب}

*******

أشعار الدكتور صبرىإسماعيل

*******

همّا فين واِحنا فين-----------همّا فوق واحنا النايمين

همّا العُلما المرموقين--------واِحنا الأخوة الكسلانين

همّا فين واِحنا فين

*******

همّا بيعلوا بالتفكير-------------واحنا بنهدم بالتفجير

وبحور دم منين مانسير--------تِشهد روح العِراقيين

همّا فين واِحنا فين

*******

همّا الطلبة اللى بتتعلّم--------واِحنا نزوّغ لاجل نِبلّم

والخصوصية اللى بتتألّم------تُخرم جيب المصريين

همّا فين واِحنا فين

******

همّاولا تشرّدهم فُرقة----واِحنا نخاصم برضه بحرقة

نهبد نِرعد ماهيش فارقة-------ونقتّل فى اليوم ألفين

همّا فين واِحنا فين

**********

همّا الجبر وهمّا الكيميا---واِحنا الكوسة واِحنا البامية

واحنا نِتاج الأمة النامية----ف الغاغة قاعدين تايهين

همّا فين واِحنا فين

**********

همّ حياتهم بالأرقام-------واِحنا حياتنا كلام فى كلام

همّا بُنات المجد العام-------واِحنا قعدنا مع القاعدين

همّا فين واِحنا فين

**********

همّا المدفع والدبابة-------واِحنا رِضِينا بعيشة الغابة

واتسلسلنا بكلّ غرابة------------للجهلاء والكدابين

همّا فين واِحنا فين

**********

همّا القمح اللى بيروينا---واحنا الصحرا تبهدل فينا

إنتاجهم بيغطّى المينا----لاجل يِغيت الواد سماعين

همّا فين واِحنا فين

**********

همّا الوحدة فى كلّ أوربّا----واِحنا الوحدة مابينّا سُبّة

ونجعجع ونقول دى محبّة------ويفرّقنا غراب البين

همّا فين واِحنا فين

**********

همّا جيوشهم أحسن قوة----حتّى كبيرهم نفسه فتوة

واِحنا صِراعنا مشعلل جِوّة-واتهبشت أرض الحِلوين

همّا فين واِحنا فين

**********

همّا الثروة وهمّا القائد---همّا اصحاب الوشّ الواحد

واحنا بتوع الجدل الزائد----مش عارفين نتفق اتنين

همّا فين واِحنا فين

**********

إحنا صراع بينهم فصايلنا-سِبنا القدس تروح على عينّا

ويهودك صهيون بتهينّا---واِتخطفت أرض فلسطين

همّا فين واِحنا فين

**********

همّا شوارع حلوة نِضيفة------وبتوع الكورة الحرّيفة

واحنا الشارع خانه ظريفة-------حتّة خانوه الزبّالين

همّا فين واِحنا فين

**********

همّا مرورهم ماشى بِخفّة---والمسئول مشغول بالدفّة

أمّا حدانا الكلّ فى زفّة------من مكناس حتى النحرين

همّا فين واِحنا فين

**********

همّا مفيش دارفور وقراصنة-ولافيه قتل وأعمال عِفنة

ولا تخريب ودمار فى السُكنى--ويقولو إحنا مجاهدين

همّا فين واِحنا فين

**********

همّا علينا واحنا علينا---------الإتنين دبّحوا أهالينا

همّا بيعلوا واحنا وطينا-------والكلّ مساعدك ياكوهين

همّا فين واِحنا فين

**********

همّا بيبنوا علشان بكره-----واحنا تضيع منّينا الفِكرة

غيّبنا أمجادنا ف ذكرى-------رغم انّ اِحنا المؤمنين

همّا فين واِحنا فين

**********

لو هيكون العلم سبيلنا-------لو هنعود لله هيعينّا

لونتمسّك بصحيح دينّا----نِطلع فوق زى التابعين

همّا فين واِحنا فين

**********

الاستاذ الدكتور/ صبرى إسماعيل
نص جميل ونقد فى موضعه وأشكرك لغيرتك على الوطن الحبيب ..
إنما . إنما . إنما ...
منذ فجر التاريخ وإلى أن يرث الله الأرض ومن عليها فنحن أمة الإسلام وأمة العرب مشعل الحضارة ومهد العقيدة والتوحيد والإيمان ، ونحن أهل الطب ، والهندسة ، والفلك ، والعلوم ، والأدب ، والحضارة ، واللغة ، والفلسفة ، والفنون ، والإبتكار ، والجغرافيا ، والفقه ، وأمتنا أمة العلماء ومنيرى الظلمات فى كل عصروغير ذلك الكثير والكثير ...
بيد أنها غفوة المارد ياسيدى ، وأنظر إلى هذه الأمة عندما تنفض الغبار عنها ويظهر معدنها النفيس .
تحيتى لك أخى الفاضل
* جمال عمران *

**محمود فايد** · 30-08-2010, 17:49

[align=center]فرق كبير جدا
صدقت أستاذي العزيز ، جاءت على الجرح
رائع ما كتبت برغم الحقيقة الموجعة بداخله
سلمت وسلمت يداك
دمت بكل الخير
تحياتي وودي
[/align]

**احمد محمد الشناوى** · 31-08-2010, 12:11

دكتورنا الغالى
كل عام وأنت بخير
دائما كلماتك هادفه
تحمل كثيرمن هموم الوطن
وتنقض سلبيات المجتمع وأوضاعه
بارك الله فيك وفى قلمك
وأعاد الله الأمور الى طبيعتها
فأصل الحضاره وقوامها هنا
تحياتى لك
...احمد الشناوى...

**محمود فايد** · 01-09-2010, 04:01

المشاركة الأصلية بواسطة دصبرىإسماعيل مشاهدة المشاركة

الفاروق عمر
****
أشعار الدكتور صبرى إسماعيل
*****
فى يوم طِلع له قمر والشمس فرحانه
والليل يناجى السما لمّا الفاروق جانا
كبّر صحابة النبى للمولى سبحانه
*****
حتى فى لحظة غضب دخل الإيمان قلبه
هلل طيور السما يابختها بقربه
إنت حبيبى عمر اللى الجهاد دربه
*****
حامل هموم دنيتى,لاجل ننول المجد
رافع لواء أمتى, والشرع هو السدّ
الحكمة فى جعبته بيمد بيها مدّ
****
العدل طبعه وهو الصبر والقوة
والرحمة زاده فى ساعة السِلم والنوّة
الله عليك ياعمر يا ساكنى جوّه
*****
شرقاً وغربا تعلّى راية الإسلام
تِرمى سِهام المحبة والدعا أنسام
من عِشق سيدى النبى و ربنا العلاّم
******
يوم السقيفة بطل تدعم وربّى يقول
واهى سارت المركبة بين البشر بالعول
من بعد صاحب النبى كان ال عمر مسئول
******
الناس تخاف الشيطان وهوّ خاف منّه
القدس من فرحها تِحكى ياناس عنّه
فى عهده كان الفتوح والحِكم كان فنّه

ما هذا ؟ ألم يكن هذا النص "همّا فين واِحنا فين " ؟!
لقد تم تغيير النص والعنوان بعد أن قمنا بالرد على "همّا فين واِحنا فين "
عموماً .. هذا النص أيضاً رائع
رضي الله عن الفاروق عمر وعن سائر الصحابة والتابعين
أين نحن من هؤلاء الرجال الآن .. لا شيء ؟!
جميل ورائع جداً ما كتبت أستاذي العزيز
ولو أنه لا يصح تغيير النص بالكامل
خصوصاً بعد أن تم الرد عليه من قبل 3 أعضاء
دمت بكل الخير والود

قصيدة الفاروق عمر

قصيدة الفاروق عمر

تعليق

تعليق

تعليق

تعليق

ما الذي يحدث