تويت
احساس فظيع مالكني
مش عارفة ايه نهايته
يمكن اعرف بدايته
بدايته وحدة وألم
و شوك ملهوش عدد
مزروع في طريق وحيد
لا عارفة اهرب منه
ولا قادرة امشي عليه
وقفت كتير افكر
وانادي لحد يسمع
ندايا في وحدتي
محتارة في طريق وحيد
مفهوش جديد
بصيت بعيد هناك
لقيت فيه أمل
واحد موجود هناك
غريب مهوش صديق
منا اصلا مليش رفيق
ناديت عليه بعلو صوتي
بصيت لقيته جنب مني
بيقولي مالك يا صبية
قولتله على الألم اللي بيا
والوحدة اللي اتخلقت ليا
راح اوام طبطب عليا
وكانت اول مرة احس بالحنية ديه
اخذني من ايديا
وقالي امشي يالا
بصيت اقوله ده كله شوك
لقيته قالي متخافيش امشي يالا
ده هو ده قدرك يا صبية
تحياتي
تعليق