تويت
[align=center]
سكوت ح نصور
كلاكيت اول مره
اكشن
سنانير بتغمز فى الممنوع
وشراع المركب مخلوع
ودراع القبطان مقطوع
فى البحر أغانى الفيديو كليب سودانى ولب
تايهين فى ستاير حمرا وازايز بيره وخمره
الموج شايل مايوهات
ع الرمله فخاد ونهود ستات
وحاجات مالهاش لزمه الرقابه حذفتها
stop
سكوت ح نصور
كلاكيت تانى مره
اكشن
شباب جايين طايرين من ركن الكون
واخدين تصريح من مونيكا
لحماية النجمه الساقطه فى الهيش العربى
stop
سكوت ح نصور
كلاكيت تالت مره
اكشن
سرطان الأوسط بيزيد
كلاب بتبيد حكام وعبيد
جنازات النمل طابوووووووووورعلى باب الاقصى
الموت بريموت الزيت مشفوط
خنازير بتحاكم برغوت
غرقنى طوفان الدم
وسحبنى الهم لقعر الكون
عفاريت اعلام طلعت لى
غنت لى
فرفش أربع عفرخلى همومك تتشفر
عبى الجردل من اوجاعك فضى دماغك
وارمى الجردل بره الكون
stop
سكوت ح نصور
كلاكيت رابع مره
اكشن
فتحت دماغى
نطت اوجاعى فى حجرى قروض ميسره
صناديق سوده بالصودا
قرارات مدفونه فى لحد
اتنين ــ اربعه ــ اتنين
كراتين لحوم مستورده م البوسنه والشيشان
وبلاد كتيييييييرماركة << لا اله الا الله >>
كرتونه انفجرت من غزه سقطت اشلاء
على عضم من البصره وكبد وقوانص اطفال
stop
سكوت ح نصور
كلاكيت خامس مره
اكشن
عيون الدنيا معصوبه والكفه مقلوبه فوق السكوت
والصمت موت
الموت بيسقط م الاباتشى والكروز
الارض احمر فى روز
الجثث زى الكازوز من غير تمن
العز ـــــــــــــ وز
و الف كنز تحت بيادات المارينز
تروس بتفرم البشر
فى الشوارع فى المساجد فى البيوت
الصمت موت
stop
عفوانلتقى فى الغزو القادمـ
________________
نشرت بجريدة أخبار الأدب المصرية منتصف 2005 م
[/align]
سكوت ح نصور
كلاكيت اول مره
اكشن
سنانير بتغمز فى الممنوع
وشراع المركب مخلوع
ودراع القبطان مقطوع
فى البحر أغانى الفيديو كليب سودانى ولب
تايهين فى ستاير حمرا وازايز بيره وخمره
الموج شايل مايوهات
ع الرمله فخاد ونهود ستات
وحاجات مالهاش لزمه الرقابه حذفتها
stop
سكوت ح نصور
كلاكيت تانى مره
اكشن
شباب جايين طايرين من ركن الكون
واخدين تصريح من مونيكا
لحماية النجمه الساقطه فى الهيش العربى
stop
سكوت ح نصور
كلاكيت تالت مره
اكشن
سرطان الأوسط بيزيد
كلاب بتبيد حكام وعبيد
جنازات النمل طابوووووووووورعلى باب الاقصى
الموت بريموت الزيت مشفوط
خنازير بتحاكم برغوت
غرقنى طوفان الدم
وسحبنى الهم لقعر الكون
عفاريت اعلام طلعت لى
غنت لى
فرفش أربع عفرخلى همومك تتشفر
عبى الجردل من اوجاعك فضى دماغك
وارمى الجردل بره الكون
stop
سكوت ح نصور
كلاكيت رابع مره
اكشن
فتحت دماغى
نطت اوجاعى فى حجرى قروض ميسره
صناديق سوده بالصودا
قرارات مدفونه فى لحد
اتنين ــ اربعه ــ اتنين
كراتين لحوم مستورده م البوسنه والشيشان
وبلاد كتيييييييرماركة << لا اله الا الله >>
كرتونه انفجرت من غزه سقطت اشلاء
على عضم من البصره وكبد وقوانص اطفال
stop
سكوت ح نصور
كلاكيت خامس مره
اكشن
عيون الدنيا معصوبه والكفه مقلوبه فوق السكوت
والصمت موت
الموت بيسقط م الاباتشى والكروز
الارض احمر فى روز
الجثث زى الكازوز من غير تمن
العز ـــــــــــــ وز
و الف كنز تحت بيادات المارينز
تروس بتفرم البشر
فى الشوارع فى المساجد فى البيوت
الصمت موت
stop
عفوانلتقى فى الغزو القادمـ
________________
نشرت بجريدة أخبار الأدب المصرية منتصف 2005 م
[/align]
تعليق