[align=right]
على فين؟
2-10-2010
على فين يا مصر رايحة ووراكي موديانا؟
إياكي تنسي أن مية نيلك هي اللي في شريانا
إياكش تكوني مش شايفة ولا فاهمة الخطر؟
رايحة له بقلب قاسي وفي ناره راميانا
حاسبي يا بلدي طريقك مليان حفر
لو مش عارفه تسفلتيه وتردمي النقر
ولادك يتمنوا يرفعوا قدامك كلوب
ودول كتير ييجوا كام مليون نفر
عاطلين.. بطالين.. ع النواصي مترصصين
دماغهم م الفقر والفراغ مليانة زفت وطين
شهاداتهم ع الحيط زينها خط مايل وأسود
بقوا خايبين وف ولا حاجة خبرا متمكنين
غيرهم خبير ببطن الأرض والقمر
وهم ملهيين في لغز مين اللي كفر؟
لازم يحلوه ما هو ده ليهم كل الأمل
وعشانه بالسكين فاتحين قلوب البشر
يعملوا إيه؟ ما هو م الفراغ ما قتل
قتل الوقت، والجهد وفرص العمل
فقر المخ والجيب خلّى مؤمنهم كفر
كفر بالود والرحمة وظلم اللي عَدَل
فراغهم خلى طماعين الكراسي عليهم يتخانقوا
واحد يشحنهم غضب والتاني بدين اللي خالقوا
وكام واحد يقول كله غلط أنا بس النور والرجا
ولما تلاعب فكره.. في خانة اليك تقوم زانقوا
مين ع الكرسي؟ مين في الجنة ولمين النار؟
مين باع واشترى؟ ومين مش لاقي خُضار؟
مين ع النضافة مسئول؟ ومين واكلها والعة؟
مين يحلها ؟ ومين طالع نازل كالمنشار؟
كله يمد صباعة لقدام.. هو هو مش أنا
شيلوه وارموه وع الكرسي حطوني أنا
هاروقكم وأزأططكم وبالكلام أحششكم
شوية تفرحوا وبعدها أسرقكم بخفة أنا
ونلف وندور من تاني على بعض وببعض
ديني اشتراكي راسمالي .. نازل فينا عض
الحكاية مش نظرية ولا سياسة.. ولا خوانة
المشكلة مش مين واكلنا ولا موكلنا لبعض
معلهشي طولت عليكم؟
بس السر مش هاخفيكم
البطالة حفرة الحفر
والحل سهل ف إيديكم
الحل فين؟ وإيه هو العمل؟
العمل إننا نخلق للكل عمل
نشغَله ونسكنه ونوكله
نخلق ف قلبه نور وأمل
[/align]
على فين؟
2-10-2010
على فين يا مصر رايحة ووراكي موديانا؟
إياكي تنسي أن مية نيلك هي اللي في شريانا
إياكش تكوني مش شايفة ولا فاهمة الخطر؟
رايحة له بقلب قاسي وفي ناره راميانا
حاسبي يا بلدي طريقك مليان حفر
لو مش عارفه تسفلتيه وتردمي النقر
ولادك يتمنوا يرفعوا قدامك كلوب
ودول كتير ييجوا كام مليون نفر
عاطلين.. بطالين.. ع النواصي مترصصين
دماغهم م الفقر والفراغ مليانة زفت وطين
شهاداتهم ع الحيط زينها خط مايل وأسود
بقوا خايبين وف ولا حاجة خبرا متمكنين
غيرهم خبير ببطن الأرض والقمر
وهم ملهيين في لغز مين اللي كفر؟
لازم يحلوه ما هو ده ليهم كل الأمل
وعشانه بالسكين فاتحين قلوب البشر
يعملوا إيه؟ ما هو م الفراغ ما قتل
قتل الوقت، والجهد وفرص العمل
فقر المخ والجيب خلّى مؤمنهم كفر
كفر بالود والرحمة وظلم اللي عَدَل
فراغهم خلى طماعين الكراسي عليهم يتخانقوا
واحد يشحنهم غضب والتاني بدين اللي خالقوا
وكام واحد يقول كله غلط أنا بس النور والرجا
ولما تلاعب فكره.. في خانة اليك تقوم زانقوا
مين ع الكرسي؟ مين في الجنة ولمين النار؟
مين باع واشترى؟ ومين مش لاقي خُضار؟
مين ع النضافة مسئول؟ ومين واكلها والعة؟
مين يحلها ؟ ومين طالع نازل كالمنشار؟
كله يمد صباعة لقدام.. هو هو مش أنا
شيلوه وارموه وع الكرسي حطوني أنا
هاروقكم وأزأططكم وبالكلام أحششكم
شوية تفرحوا وبعدها أسرقكم بخفة أنا
ونلف وندور من تاني على بعض وببعض
ديني اشتراكي راسمالي .. نازل فينا عض
الحكاية مش نظرية ولا سياسة.. ولا خوانة
المشكلة مش مين واكلنا ولا موكلنا لبعض
معلهشي طولت عليكم؟
بس السر مش هاخفيكم
البطالة حفرة الحفر
والحل سهل ف إيديكم
الحل فين؟ وإيه هو العمل؟
العمل إننا نخلق للكل عمل
نشغَله ونسكنه ونوكله
نخلق ف قلبه نور وأمل
[/align]
تعليق