الأستاذ كله ماشي ،عايش والسلام،يخرج من البيت في الصباح الباكر ،ينتظر الميكروباص ،يركب ببطء ،يصل للعمل ببطء،
يجلس في مكتبه بكسل غريب،يبدأ العمل في الثامنة صباحا،لكن هيهات أن تقض حاجات الناس في هذا التوقيت يغلق الشباك حتي التاسعة إلي أن يفطر ويتناول كوبا من الشاي الحبر بالسكر الكثير،
وبعدها يشرع كله ماشي في العمل
تقف أمامه في الطابور سيدة مسنة تطلب إمضاء وأختام ،يرد عليها بهدوء مميت المكتب اللي جانبي ياست
السيدة المسنة :يا ابني أنا كنت لسة من شوية في المكتب اللي جنبك وقالوا لي إن الورق ده عندك
كله ماشي:شوفي يا حجة شوفي لي عشرة جنيهات وكل ورقك ماشي
السيدة المسنة:تبحث في حقيبتها عن عشرة جنيهات تتمني أن تحدث معجزة وتجدها وتعطيها له قائلة:يا ابني خلص لي الاوراق ربنا ينجح مقاصدك
كله ماشي :والله يا حاجة ما أخذ أي حاجة في جيبي دي علشان أخلص لك الأوراق...
ثواني يا حجة خلينا نشوف غيرك اركني علي جنب شوية...
كله ماشي حاله ماشي هبش وكبش فلوس من المواطنين الغلابة والدفع ضرورة لاتقاء شر كله ماشي وأعوانه
وياريت بعد ما تدفع أمورك تمشي
ممكن كله ماشي يأمر الورق أن يتعطل مجرىسيره وتلف وتدوخ السبع دوخات وراء كله ماشي .