تويت
الاستاذ عبد الموجود موظف غلبان مرتبه 200 جنيه بالحوافز والبدلات والعلاوات معاه 5 اولاد بيتقى الله فى شغله لابيسرق ولا بيرتشى ولا بينافق ولا بيجامل ولا بيزوغ من الشغل مظبوط زى الساعه بس يعمل ايه والاسعار نار نصحه بعض المقربين انه يرتشى قال حاشا لله طب سافرقال كبرت ومش حمل غربه وما اقدرش اسيب بلدى طب اشتغل بالقطاع الخاص قال مش مضمون وكمان الخصخصه وبعض القوانين رجعت عصر الاقطاع وحدثت فجوه بين الاغنياء والفقراء ما بقاش فيه طبقه وسطى طب اشحت دى شغلانه كويسه وبدون تعب قال حاشا لله لا يمكن امد ايدى لمخلوق طب بيع حد من عيالك واصرف على الباقيين قال لا يمكن اتخلى عن ضنايا
قعد عم عبد الموجود يفكر قال يا واد انتحر وريح نفسك ؟ بعد شويه قال اعوذ بالله معقول اعمل كده حرام
طب اعمل ايه ما لقاش قدامه غير انه يبيع اعضائه وقال اضحى بنفسى بدل ما اضحى بحد م العيال
راح لعم عبد القادر حلال المشاكل
عم عبد الموجود:يا ريت يا عبد القادر تشوفلى حد ياخد كليتى ولك الحلاوه
عبد القادر حلال المشاكل:طول ما انا معاك ما تخافش هالاقيلك زبون سقع
عبد الموجود:والنبى يا شيخ بسرعه علشان ولادى قربوا يموتوا م الجوع
عبد القادر: كلها كام يوم والاقيلك الزبون ما تستعجلش
ينتظر عبد الموجود ويقول فى نفسه رضينا بالهم.......
بعد حوالى اسبوع يتصل عبد القادر تعالى يا عبد الموجود
عبد الموجود: خير يا استاذ عبد القادر
عبد القادر: خلاص لقيت الزبون هاياخد الكليه ويديلك 50 الف جنيه بس انا حلاوتى 10 الاف انا باخدمك لوجه الله علشان ظروفك
ويروح عم عبد الموجود المستشفى ويعمل التحاليل الازمه ويعمل العمليه ويستلم حقه 40الف جنيه بعدما يتماثل للشفاءيفكر يعمل مشروع بالمبلغ جنب الوظيفه يتفق على محل ويدفع مقدم وعندما يتسلم صاحب المحل المبلغ يقول : ايه ده يا عم عبد الموجود انت جيبت الفلوس دى منين دى مزوره
عبد الموجود:ازاى ده انا دافع فيها حته من لحمى كليتى
صاحب المحل:والله مزوره يا عم عبد الموجود
عم عبد الموجود يا ولداه بقى زى المجنون يكلم ف نفسه يدور ويلف شمال يمين يمين شمال.لحد ما اتجنن عقله طار. بس ساعتها استريح لانه خلاص ما بقاش شايل هم تقسيم المرتب ع الشهر لانها حسبه تجنن
بس بصراحه يا ترى هى ايه الحكمه من ان عبد الموجود وامثاله يبقوا كده؟ يمكن علشان ما يفكرش ف اى حاجه غير انه ياكل ويشرب لحد ما يموت؟وما يتكلمش ف اى حاجه تانى؟ولا علشان يطفش او يتجنن او يموت ويريح البلد وتبقى البلد ما فيهاش غير الاغنياء بس علشان تاخد جايزة نوبل ف القضاء على الفقر؟؟؟؟؟؟؟
وعجبى بقلمى / جمعه محمد
قعد عم عبد الموجود يفكر قال يا واد انتحر وريح نفسك ؟ بعد شويه قال اعوذ بالله معقول اعمل كده حرام
طب اعمل ايه ما لقاش قدامه غير انه يبيع اعضائه وقال اضحى بنفسى بدل ما اضحى بحد م العيال
راح لعم عبد القادر حلال المشاكل
عم عبد الموجود:يا ريت يا عبد القادر تشوفلى حد ياخد كليتى ولك الحلاوه
عبد القادر حلال المشاكل:طول ما انا معاك ما تخافش هالاقيلك زبون سقع
عبد الموجود:والنبى يا شيخ بسرعه علشان ولادى قربوا يموتوا م الجوع
عبد القادر: كلها كام يوم والاقيلك الزبون ما تستعجلش
ينتظر عبد الموجود ويقول فى نفسه رضينا بالهم.......
بعد حوالى اسبوع يتصل عبد القادر تعالى يا عبد الموجود
عبد الموجود: خير يا استاذ عبد القادر
عبد القادر: خلاص لقيت الزبون هاياخد الكليه ويديلك 50 الف جنيه بس انا حلاوتى 10 الاف انا باخدمك لوجه الله علشان ظروفك
ويروح عم عبد الموجود المستشفى ويعمل التحاليل الازمه ويعمل العمليه ويستلم حقه 40الف جنيه بعدما يتماثل للشفاءيفكر يعمل مشروع بالمبلغ جنب الوظيفه يتفق على محل ويدفع مقدم وعندما يتسلم صاحب المحل المبلغ يقول : ايه ده يا عم عبد الموجود انت جيبت الفلوس دى منين دى مزوره
عبد الموجود:ازاى ده انا دافع فيها حته من لحمى كليتى
صاحب المحل:والله مزوره يا عم عبد الموجود
عم عبد الموجود يا ولداه بقى زى المجنون يكلم ف نفسه يدور ويلف شمال يمين يمين شمال.لحد ما اتجنن عقله طار. بس ساعتها استريح لانه خلاص ما بقاش شايل هم تقسيم المرتب ع الشهر لانها حسبه تجنن
بس بصراحه يا ترى هى ايه الحكمه من ان عبد الموجود وامثاله يبقوا كده؟ يمكن علشان ما يفكرش ف اى حاجه غير انه ياكل ويشرب لحد ما يموت؟وما يتكلمش ف اى حاجه تانى؟ولا علشان يطفش او يتجنن او يموت ويريح البلد وتبقى البلد ما فيهاش غير الاغنياء بس علشان تاخد جايزة نوبل ف القضاء على الفقر؟؟؟؟؟؟؟
وعجبى بقلمى / جمعه محمد
تعليق