تويت
مفتوحه الشبابيك
على كل زاويه فى الخريطه
وف كل شبر
أو زقاق ..
أتلخبط من فوتة قلبى ع النسيان ,
والدخان ..
نفَس التاريخ العطلان
قاعد ع القهوه بقاله زمان
وسرّيحه الخلق لحساب الموت
والشارع توهان ,
والباطل وحش ..
سانن سكاكينه وساير بين الناس ,
والعالم أكوام من لحم وأنياب
وانا وحدى فى سوقك
بدوّر ع القصيده
والركب بعيد .. بعيد
أما انا خيبان
وإيش تعمل قصايد ..
فى كِسوة بت ومصروف وادْ
وزنقه ما تعرف منين كسرت الباب ..,
أنا مش رافض
ولابخرج من توبى الشاعر
أنا دمى معششه فيه الناس ..,
وبشوف لو يمكن أوصل لجواب
وافك الشفرة ..
اللى مابين الفِكر
وعالم قافله عينيها بالترباس
أنا لهفه ..
بتحاجى ع اللى فاضل منِّى ومنك فيّا
فيكى ..,
مرفوع م الخدمه
مقتول م الفِكر بقاتل
وحوارى بلادى كتير
وف كل لحظه بغرق فى التفاصيل المميته
واصحى من الموت
على صوت واصل لكيانى
فأواصل ..
أنا فاتح بابى وشبابيكى
وف سوقك ماشى
بس تملى مقفوله شبابيكك
وانا قصدى أخلى غنايا مش من ضيقى
أخلى غناكى إحنا
كإنك فى كل بيت
حلم بيحلموه ....
صبح وحّدهم
عدل زرع الحياه فيهم
يامو العيون الوساع
والضد ماليهم ..
على كل زاويه فى الخريطه
وف كل شبر
أو زقاق ..
أتلخبط من فوتة قلبى ع النسيان ,
والدخان ..
نفَس التاريخ العطلان
قاعد ع القهوه بقاله زمان
وسرّيحه الخلق لحساب الموت
والشارع توهان ,
والباطل وحش ..
سانن سكاكينه وساير بين الناس ,
والعالم أكوام من لحم وأنياب
وانا وحدى فى سوقك
بدوّر ع القصيده
والركب بعيد .. بعيد
أما انا خيبان
وإيش تعمل قصايد ..
فى كِسوة بت ومصروف وادْ
وزنقه ما تعرف منين كسرت الباب ..,
أنا مش رافض
ولابخرج من توبى الشاعر
أنا دمى معششه فيه الناس ..,
وبشوف لو يمكن أوصل لجواب
وافك الشفرة ..
اللى مابين الفِكر
وعالم قافله عينيها بالترباس
أنا لهفه ..
بتحاجى ع اللى فاضل منِّى ومنك فيّا
فيكى ..,
مرفوع م الخدمه
مقتول م الفِكر بقاتل
وحوارى بلادى كتير
وف كل لحظه بغرق فى التفاصيل المميته
واصحى من الموت
على صوت واصل لكيانى
فأواصل ..
أنا فاتح بابى وشبابيكى
وف سوقك ماشى
بس تملى مقفوله شبابيكك
وانا قصدى أخلى غنايا مش من ضيقى
أخلى غناكى إحنا
كإنك فى كل بيت
حلم بيحلموه ....
صبح وحّدهم
عدل زرع الحياه فيهم
يامو العيون الوساع
والضد ماليهم ..
تعليق