إلى الأساتذة المشاركين فى مسابقة سبتمبرمع الإحتفاظ بالألقاب .
.......................

علشان ماحدش يقول إسمى مش فى الأول ليه .
وماحدش يقول عنى مجامل وإبن إيه .
هاحتكم للأبجدية والألِفْ الدور عليه .
****
احمد عثمان ياشاعريا أبو القلم الجميل .
والحرف منك ميزان ولا عمره مرَةَ يميلْ .
وإن قلت قولك حكمة والقصيد مواويلْ .
****
أسماء المنسى واللهِ اختنا وشاعرتنا .
كتبت أحلى شِعر وطَولِت رقبتنا .
ما أقدرش أقول غير إنها وردة مسابقتنا .
****
واميرة فايد يا إخواننا الله عليها .
أشعارها زى الدهب تسلملنا إيديها .
ويدوم قلمها الجميل وتشيله فى عينيها .
****
والنور بتنوره هنا أنوار عطا .
قصايدها غصن والورود متشعبطة .
قلمها هادى ورصين وواثقة هى الخطا .
****
وأحلى قصايد من آسيا رحاحلية .
قصايد برقة الندى ساعة الصبحية .
يشاور عليها الشِعر ويقول آهى هيه .
****
شَرَفْنا طبعاً هنا مخلص فى شِعره أمير .
فى اكتوبر هيكون معانا والإبداع غزير .
توفيق البشبش أخونا فى الشِعر شأنه كبير .
****
وده شاعر مالهوش حَلْ بالمَرّة .
عن كل حاجة يكتب ويقدم لنا دُرة .
جمعة محمد يا مشاغب والأراء حُرة .
****
شاعرنا الجميل مين فينا ما يعرفهوش .
ليه فى الشِعر باع وقلم ما يعدمهوش .
واللهِ نورتنا ياحسين يا حرفوش .
****
حواء البدى وشِعرها فنون جميلة .
زى حلاوة الضلة فى الحَرتحت خميلة .
قصايدها زى الصبح والنسمة العليلة .
****
رائع فى كتاباته وأديب جدع وكريم .
شاعر وطاير فى الفضا وقلمه جَدْ سَليم .
طبعاً كلنا عارفينه هو خضر سليم .
****
وأخونا الغالى وشاعرنا عقب الباب .
ربيع قصايده بتِسلبْ مننا الألباب .
ومجمعة حواليه الصحبة والأحباب .
****
ياسلام على روعة الكلمة والقلم حارس .
نجمة منورة العامية والشِعر يتدارس .
يارب ما تحرمناش من رحاب فارس .
****
قال لنا الكروان قصايدها ألحانى .
وعبير شِعْرها فواح للقاصى والدانى .
تسلملنا إيديكى ياريما ياخانى .
****
الأخطل الأخير فى الساحة له وقفات .
وكل أشعار كتبها علامات ورا علامات .
أخونا صادق حمزة له مننا السلامات .
****
قدِمِت لنا اشعار رقيقة زى الورد .
إن كان فى الإختيار أو طريقة السرد .
صابرين حلاوة شِعرها أبداً ماليها حَدْ .
****
قاللى عنه القلم إنه فنان حساس .
شَرفْ وشاركنا بالود والإخلاص .
عارف عاصى شاعر الرقة والإحساس .
****
جيت أكتب قلمى قدملى الدليل .
قال الجدع فى الشِعر باعه طويل .
سكِتْ وكتب القلم الله عليك ياقابيل .
****
السهل الممتنع هو فى أشعاره .
على عبد الله يجيب م الشِعر أسراره .
ويكتب أجمل قصايد وتهل أنواره .
****
ولما أقول رومانسية أبقى باقول ماجى .
استاذة فى الأدب والشِعر والقلم عاجى .
لا يقع ولا ينكسر وتقول القلم تاجى .
****
كتبِتْ لنا من الشِعر أحلاه وبالتعبير .
قلمها فوق فى السما كأنه طير بيطير .
فى الشِعر ما أروعك يانجلا نصير .
****
استاذة فى فن الشِعر واللغة العربية .
ماسكة بناصية لغتنا فصحى أو عامية .
استاذة نادية البرينى للشِعر أحلى هدية .
****
وحرْف الياء آخر حرف بنْحييّه .
وطبعاً كلام اللغة مايكمل إلا بيه .
يسرى راغب اخونا فى الشِعر مين يضاهيه .
****
وجمال فرح صاحب الفرح فرحان .
من فَرْحِته بسط القليب فدان .
والشُعرا فى العامية جُمْ نوروا الأركان .
****
وآخر الشعرا أنا ده لو كنت أصلاً شاعر .
أقف تحية وإجلال وأقدم أصدق مشاعر .
ولو نسيت إسم إعذرونى ده الزهايمر واعِر .
*************
* جمال عمران *