هانى رمزى مع السقّا
******
أشعار الدكتور صبرىإسماعيل
*****
الدِينُ ديانتى وليكم دين------يِعلم بنا رب العالمين
لكن هموم قلبنا واحدة----وشعارنا إحنا المصريين
******
تاريخ طويل يِجمع بينّنا------ وشمس دفّت مدايينّا
وعزم مصر بلدنا شديد-----وحمدى ماسك إيد حنّا
******
حتى القمر طلّ علينا-------سلام وأمن على وادينا
لقا التروس بتلفّ تدور-----بجهود مجاهد مع مينا
******
ونيلنا داخل فى الشرايين--عصب وأخلاق مصريين
وتطلع الضِحكة تدوّى---ترقّّص الموج فى البحرين
******
وهانى رمزى مع السقّا----وشقة بابها قُصاد شقة
لو اجتمعنا مايعرف مين-------الإنتماء لو بمشقة
*****
وف الحروب تِلقى إيدينا--ماسكة الزِناد وبتحمينا
والدم سايل فى قنالنا—--وف العبور إسألوا سينا
******
فرحنا واحد ولا أحلى------وشبكة حِنّة مع الدُخلة
عيد العبور مع شم نسيم--وفى المطر نفس الوحلة
******
ولمّا مصر تفوز نِرفع-------أعلام بلدنا ولا أروع
وفى البيوت تِسمع زغاريد--وشعب بالوحدة بيبدع
******
دا الشرّ أبداً مهما يكون--مايفرّقك ياعروس الكون
يامصر والمولى حماكى-ومسجّلك فى كتب ويصون
تعليق