طب يعني أضرب راسي في الحيط
ولا انك ش شعري يقولوا عبيط
ولا انك ش شعري يقولوا عبيط
ولا أسرق وأنهب وأخسر ديني
أنا مش يائس بس أنا طقيت
أنا راجل دوغري وعندي عيال
و شكيت لله من ضيق الحال
مساخيطي يدوب يكفم عيش حاف
والعيشة ف ستر بقى أمر محال
مش طالب صدقة ولا إعانة
داير من صغري في طاحونة
وأقدر أهد بعزم الدنيا
وأنا راضي لو إيدي ملانة
بتقطع م الضيق والحاجة
مش طايق أعيش وأنا ولا حاجة
ما تحسش بوجيعتي إكمنك
مش حارم ابنك من حاجة
ملعون الفقر وأيامه
محروق نحسه ويا سخامه
لو راجل كنت أقطع دابره
والهنا تضوي وتعلا أعلامه
كل قادر في بلادي مطالب
أنا مش يائس بس أنا طقيت
أنا راجل دوغري وعندي عيال
و شكيت لله من ضيق الحال
مساخيطي يدوب يكفم عيش حاف
والعيشة ف ستر بقى أمر محال
مش طالب صدقة ولا إعانة
داير من صغري في طاحونة
وأقدر أهد بعزم الدنيا
وأنا راضي لو إيدي ملانة
بتقطع م الضيق والحاجة
مش طايق أعيش وأنا ولا حاجة
ما تحسش بوجيعتي إكمنك
مش حارم ابنك من حاجة
ملعون الفقر وأيامه
محروق نحسه ويا سخامه
لو راجل كنت أقطع دابره
والهنا تضوي وتعلا أعلامه
كل قادر في بلادي مطالب
يبني لنا ولشحه يغالب
مسئول يوم الدين عن حالي
وزنة حق ميزات ومثالب
طب والله ما عاوز ثروة
ولا تلزمني كنوزك شروة
مش طالب غير أكون متيسر
ويكون لي الستر كما الدروة
ما تفكرش إن أنا مش همك
واجبك أكون من ضمن مهامك
وتلاقي الحل لضيق حاليي
قبل ما أضيع والقبر يضمك
مسئول يوم الدين عن حالي
وزنة حق ميزات ومثالب
طب والله ما عاوز ثروة
ولا تلزمني كنوزك شروة
مش طالب غير أكون متيسر
ويكون لي الستر كما الدروة
ما تفكرش إن أنا مش همك
واجبك أكون من ضمن مهامك
وتلاقي الحل لضيق حاليي
قبل ما أضيع والقبر يضمك
تعليق