تويت
[frame="15 80"]
[/frame]
مذكرات حجر
يوم الميلاد من غيظه انفجر
نطق الحجر
اسمي حجر
مولود في مدرسة بحر البقر
على جسمي لسه
فيه بقايا من دماء بعض البشر
وهابتدي أول حكاية
من حكايات الخطر
خطفتني إيد أولاد صغار
حسيت كأني ف المطار
حسيت بعزة و افتخار
وانا باترمي
وبيجري مني
عسكري وف إيده حاجة بترمي نار
حسيت كأني أقوى من كل الرصاص
ناديت وقلت بأعلى صوتي
انا البداية للخلاص ... للانتصار
**********
خدوني على صابرا وشاتيلا
ف احلى لمه واحلى عيله
خدتني ف حضنها بنيه
اسمها الاول سهيله
ونمت ف ايدها للصباح
وصحيت على صوت الجميلة
كل شيء ف العيلة راح
دم أهل البنت ساح
وصلت لحاله من الجنون
رمتنى من ايدها
بصيت ف العيون
العيون مش ليها لون
كل واحد رامي رقبته على صدره
باصص للتراب
اخوه ولكن للأسف
عن بعضهم أغراب
وفجأة
نزل من على كتف ابوه
ولد
ما رضعشي من لبن امه خوف
مسكني على ايده اليمين
وحلف يمين
يا نحرر القدس بايدينا
يا نندفن ف ترابها واحنا ميتين
[/frame]
تعليق