ادعي بالصحة يا امي
ادعي بالصحة يا امي
دا دعائك بيخفف همي ولا غيرك هيحس بحلمي
وف قلبك بر واحسان
لو الف العام بقصوره او اشعل قناديله ونوره
مش ممكن افرح بزهوره الا بدعوة تكون من امي
امي دا بسمة واجمل نور او بستان مليان بزهور
امي دي بحر حنان وشعور اجمل شيء في العالم امي
علي ايدها بارتح مع فرحي
مين غيرها يزعل علي جرحي
هي كياني واصلي وصرحي
وحنانها بيدون مع دمي
ادعي دا انا اضيع من غيرك
دا انا لحمي نابت من خيرك
وعنيا بتشوف من نورك
وخديني بالحضن يا امي
مين غيرك هيحس بهمي
************************88
علميني يا ماما
علميني يا ماما اني ابطل كلام
علميني السلامة وكمان النظام
علميني اذاكر واقدر افهم دروسي
علميني اخاطر واقدر احسب فلوسي
اهدي لي المحبة واهدي لي الامل
كان حبك كفاية مع ايدك عمل
علميني يا ماما اني احب الكتاب
وكمان الكرامة وكمان الجواب
اديني البساطة
ووبلاش العتاب
علميني ارتب اوراقي و هدومي
اقدر اقرا واحسب واحارب همومي
واقدر افهم واكتب واعرف احفظ علومي
دانت بحر الندي وانت بر النعم
اهدي لي الرضا واهدي الكرم
&&&&&&&&&&&&&&&&&&&
الحكمة
الحكمة تلتقاها جوا القلب الرحيم
الخير جواه مسامح مع كل الناس كريم
ف عنيه بتشوف وداعة يهرب منها اللئيم
الحكمة حب صادق بلسم نجي اللي غارق
قوة تعدي الخنادق شمس لعقل الحكيم
الحكمة انك تصون وتعيش جوا العيون
تصنع ف الناس محبة قلبك طاهر حنون
ترمي الشيطان ومكره تقتل بالصمت غدره
باديك راح تبني قبره وتلاوعه بالجنون
الحكمة تكون مثالي قلبك م الهم خالي
وحياتك للمعالي جواك بيكون سكون
الحكمة انك تقدر لجراح الناس وتشعر
ترمي الاحزان وتصبر قلبك بالخير سليم
نفسك تمسك زمامها بالعقل تسيب خطامها
ولا تترك يوم لجامها ف الروح تلقي النعيم
لو حبيت السماحة لو قلبك كان رحيم
جواك تشعر براحة وتكون انت الحكيم
******************