تويت
إحنا موظفين !!
[frame="1 80"]
فى المكتب فى كل صباح
ناس داخلين وناس خارجين
باين فى عنيهم ألم وجراح
والمر شكله بقاله سنين
سألت واحد يا عم هو مافيش أفراح
قالى يا عم الفرح دا بيجى منين
الفرح مقفول عليه باب ومالوش مفتاح
يا عم إحنا غلابة إحنا موظفين
عدى من الشهر يومين والراتب راح
ولسه باقى من الأيام تمانية وعشرين
قولى هيكونوا فرح ولا جراح
أو قولى أمد إيدي لمين
بكى وقالى نفسى أموت وأرتاح
بس أسيب ولادى لمين
أسيبهم لختى إنشراح
إللى عندها بنت ومن الولاد إتنين
ولا أسيبهم لخويا رماح
إللى بياكل فى اليوم رغفين
إحنا غلابة إزاى نرتاح
لا بيت كبير ولا فدادين
رغم إن أبونا كان فلاح
وأنا وأخواتى علطول ناجحين
أشعار وليد الوصيف
[/frame]
تعليق