تويت
السلام عليكم ورحمة الله وبركاته
هذه اول قصيدة اسوقها اليكم
وهي من الزجل المغربي
وقد تعمدت انتقاء جل كلمتها من اللغة العربية
حتى أسهل على اخواني الفهم
اتمنى ان تنال اعجابكم
عُمْركْ عُمْرْ الضٌحْكَة ف سنْ لْـغـَدَّارْ
عُمْركْ شُوكْ لْوَرْدَة ندَڭْ فْ ڭلـبـي
كَاسْ لْهْوَى منْ يدَّكْ نْسقيتو مْــــرَارْ
يْرْجَعْ يُومْ عْلِيكْ الدُّورْ و تْـشـــَرْبِي
نْطْفي شْمُوعْكْ ننْسى و نغمض لْشْــفَارْ
نْطْفي شْمُوعْكْ ننْسى و نغمض لْشْــفَارْ
وُ نْسُوسْ وْهَامْ غْرَامْكْ منْ جَنْـبــِي
نْسْحَقْ شُوقْكْ فْ ظْلاَمِي وْ نَنْثَرْ لْغـبارْ
نْسْحَقْ شُوقْكْ فْ ظْلاَمِي وْ نَنْثَرْ لْغـبارْ
وُ نْعِيشْ كِيفْ غرَابْ اللِّيلْ في دَرْبِــي
مْعَاكْ طَجّتْ لْمْعَانِي و حَارتْ لْفـــكـارْ
مْعَاكْ طَجّتْ لْمْعَانِي و حَارتْ لْفـــكـارْ
فيكْ مَا جْبَرْتْ مْكَانِي و هَذَا عَيْبِـــــي
تْجَفْ عيُونْ لْوَادي و تْبقَى لْحْجَــــــارْ
تْجَفْ عيُونْ لْوَادي و تْبقَى لْحْجَــــــارْ
عْيُونْ الدّنْيَا فَاضْحَة و فُوقْ مَا تحَسْـبي
ارْمِيني منْ بَالْكْ وُ نْسِي ما صَـــــــارْ
ارْمِيني منْ بَالْكْ وُ نْسِي ما صَـــــــارْ
وُ خْطِيني منْ نْوَارْكْ و علَيَّا غَرْبــــِي
لِلَّهْ نْرْقُدْ هَانِي لِيكْ مَا نْجِيبْ خْبـــــَارْ
ونـــــــذوب في تيهاني يتفاجى كربي
لِلَّهْ نْرْقُدْ هَانِي لِيكْ مَا نْجِيبْ خْبـــــَارْ
ونـــــــذوب في تيهاني يتفاجى كربي
إضاءات :
كِيفْ : بلغة اهل الشرق : زي : مثل
طَجّتْ لْمْعَانِي : طاشت : تاهت المعاني
وُ نْسُوسْ وْهَامْ غرامك : أنفض أوهام غرامك
ليك ما نجيب خبال : يعني ما أبحث عن اخبارك
تعليق