الاستاذ الخليل عيد
الستات مايعرفوش يكدبوا ..
صنف الرجالة مفترى بالفطرة عليهم ولذلك صدق المثل الشعبى ..
( يا مآمنة للرجال .. يا مآمنة للميه فى الغربال ) ..ولو هاييجى يوم مش هتلاقيك يبقى يوم المنى عندها وللا انت فاكر غير كده ؟
بلاش مناوشات وخد بالك من نفسك ..

والله يا أستاذ خليل قصيدة عسل ورد استاذ جمال أعسل كمان...


زهقان مش عاوز ولا كلمة
متزربن تكشيرته التلمة
بتقول وسعوا غوروا من وشي
شقيان تعبان وها أخليها ضلمة

يا حبيبي كلنا قمحة اطحنت
في الدنيا بشر ياما اتسحلت
ارمي همومك على باب عشك
فرح قلبنا وافرد وشك
فسحنا ودلعنا انشاالله
تمشينا على النيل كعابي
ها نفرفش وتوفر قرشك

حس بكتمة صدرنا مرة
بكفاية العيشة صعبة ومُرة
خليك طبطبة دافية ورحمة
ربنا رزقك مؤمنة دُرة

كلامك أعسل
انتى عارفة يا أميرة الواحد لما كان يمشى مع حبيبته قبل الجواز كنا ناخدها متورجل
ممكن الواحد بلا مبالغة يمشى20 كيلو دون ان يحس بتعب
ليه الكلام الجميل يهرب مننا بعد الجواز
اكيد العيب فى أشياء كثيرة يجب تفاديها
مهما كبر الانسان فى السن يحتاج لكلمة ثناء او مدح رقيقة
ولا نقول بحبك بس اثناء الخطوبة
طيب وبعد الجواز نمشى على مبدأ وصمتى فى هواك كلام؟؟
تحياتى لكى اميرتى
عيد خليل

اللى تشوفه يا مدير
نصايحك أوامر
استاذى العزيز جمال
المشكلة اصبحت ثقافة مين اللى غلطان؟
مين السبب؟ واصبحت الحياة شبه صراع بين الزوج والزوجة فى معظم البيوت
نحن نريد ثقافة التكامل بينهما
ثقافة التسامح ؛ثقافة المودة والرحمة
ولا أجد أحسن من أيات الله لنجسد تلك العلاقة السامية بين الزوجين
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}

فالزواج نعمة كبيرة وآية عظيمة من آيات الله ، وهو من آيات الله الدالة على عظمته وكمال قدرته حكمته العظيمة ، وعلمه المحيط ، فجعل لنا من أنفسنا من نأنس به ونسكن إليه ، كما قال تعالى : ( هو الذي خلقكم من نفس واحدة وجعل منها زوجها ليسكن إليها )

تحياتىلك ولا تنسى طلبى منك
أخوك عيد خليل