هذه الرباعية تحية للاخوة الشعراء جميعاً ...
*************
كان نفسى أبقى دُروع .. كتير مالهاش عدد ..
واناكنت أوزع نَفْسى .. بَدَد بَدَد
وأدِى كل مبدع حِتة منى ..
تكونله هو وسام .. وتكونلى بَسْ العضد ..
************************
مهداة للاستاذ جمال فرح ككلمة شكر له على مجهوده فى خدمة العامية ..

**** عن المسابقة ****

فى مسابقة الإبداع هنا
إتجمعوا الخلان ..
بعطر الإخلاص يكتبوا
تتعانق الأغصان ..
وتضلل ع الملتقى
والود كان عنوان ..
****
شُعرا يغزلوا حروفهم
ولا أمهر الصُناع ..
ويقدموا توب الفرح
مِتْوشى بالإبداع ..
وشعرا يهندسوا قولهم
ويشيدولنا قلاع ..
وبيطلعوا فوق فى السما
وبيبعتولنا شعاع ..
****
وخلال شهرين من عمرنا
بقى عندنا ألفية ..
شعرا صحابنا واهلنا
كتبوا بحِرفية ..
الف مشاركة واللهِ
يعنى ألف رباعية ..
****
ومن حقى افرح بناس
نوروا فى سمانا ..
شرفونا ونوروا
فى الملتقى معانا ..
عشرين ألف مشاهدة ..إهدا !!
وإحسبها ويانا ..
****
تحيتى لاخوتى واخواتى الشعراء المبدعين ..