تويت
انا الوجيه سامح بيه في قلبي طيبه
اتعلمت أكون واضح تلقائي دماغي مش عنيده
علموني أهلي بين الكرم والبخل حفنة قراطيس
أنا الوجيه اللي عمره ما ينتظر من حد أشاده
كريم من بيت ساده وراسي فوق وأخاف الدوس
دنيا غريبه فيها وفيها ناس ذوق ذوق شريفه
وناس كده وكده متعرفش عن الأدب حاجة
ناس علينا تتعالى وأيديها خالية الكيس
وناس يعملوا فيها أنبياء وأربابا لبلقيس
دنيا فيها شعراء وأدباء في الشعر علامه
وأنا هاوي والقلم يستمد حبره من دم قلبي زاده
ماليش في السهر والشات وشغل الأباليس
أضرب براسي وأرفس في بطن الوسادة
أريح الدماغ من فلان وعلان وتغير النفوس
ادعي ربنا يعيني ويكفيني شر الحسد واستعيذ
بطبيعتي أعيش وبذكر الله أتحاشى الكوابيس
وأنكتب عليا ونة حزن على ضفاف السعادة
على آخر الزمن أنضميت لمرافىء المتاعيس
ولجل عيون العاشقين أنا أشعاري فيها لذاذه
أتغزل في الصبايا وأشعر في عيون الصبابة
وأكتب سطوري للحبيب بنور الفوانيس
استني الشكر والكلمة منه سكر زيادة
أنا الطبيب وجرحي ماله دوى في العيادة
طعني الحبيب بسكين الغرام ودسني دوس
ومـا بقى عندي في عيوني له غير عتابه
وهو ده الحبيب اللي شبك قلبي وصاده
لا شوفت منه راحة في يوم ومبشتكيش
كتبت في هجره والقلب تعب مبقاش قده
أحاول اعدل القصيدة تكون بكل المقاييس
مفهومة تليق بالحاضر ويكون لها اعتماده
أزيل منها نبضاتي وخفوقي والتضاريس
عاشق متعوس وغاب النوم ولقبوني بقيس
و كم عاشق في الهوى شاب في عز شبابه
صاحب فكرة وأشعاري مش عليها وصايا
وقالوا السادة كفاية أنك تعيش وسط الساحة
حساس وابن ناس وربنا يلهمني الكتابة
نقول يارب يهدي الحبايب ويزدنا عباده
ويزيل منهم ومن قلوبنا الحقد والكآبة
الله يقويكم يا عاشقين ويرزقكم الشهادة
هاااوي عنفواني وفي السطور ردودي زيادة
كلي حب وود ومش كفاية لعيون السيادة
وأنا الوجيه إللي عمره ما ينتظر من حد أشاده
11/11/2010
11/11/2010
تعليق