صباح الخير عليكم

النهارده العيد
كل سنه وانتم طيبين

2
طول عمري اكبر من عمري
ما اعرفش حد في سني
مع ماما في بيت جدي
ومع ماما في مدرستي
حبيت الفلسفه وعلم النفس والمنطق زيها
ومنها برضه حبيت اكتب الشعر في خواطري
هي استاذتي وصاحبتي واختي قد ما هي مامتي
فجاه كانت بتمرض
وانا مش عارفه اعمل لها حاجه غير اني ابكي
وفجاه ثانيه سابتني
مش عارفه لحد دلوقتي
ليه سابتني
مش مصدقه انها سابتني
هي سافرت وراجعه ثاني
وانا مستنيه لحد ما ترجع
بابي وكل اللي هي حبتهم
انا زيها حبتهم
كلهم في سن ماما
اكبر مني
وانا مش باحب الا اللي زي مامتي
بهبهاتي وفي سن بابتي
حبيت الشعر الابيض
وحبيت الفلسفه
وحبيت الشعر زيها
الله يرحمك يا ماما
باحبك باحبك باحبك
واحلف لك
مش حا احب غير بابا زيك
يووه
التليفون بيرن
وانا مش عايزه ارد
حا احاول اخلص المكالمه بسرعه
وارجع لكم مره ثانيه
باي باي دلوقت

[align=center]
مساء الخير عليكم
ما قدرتش امبارح ارجع لكم
لان التليفونات كانت طول الوقت شغاله من ناس باحبهم
الاستاذ فرانسيس زميل ماما في تدريس علم النفس والفلسفه
كان جاي اجازة العيد من بره وحيسافر بسرعه
وكان لازم اشوفه لانه دايما بيفكرني بمامتي الله يرحمها
بس هو استاذ جميل ومش بيكلمني في الفلسفه
قد ما بيكلمني في الشعر والحياة الحلوه
وكل ما اقعد معاه احس اني عايشه مع روح مامتي
بيتكلم زيها وبينطق زيها فيه شبه منها
وده سر حبي ليه انه بيشبه اعز انسانه كانت لي ولسه
هو كمان بيحبني
وما اعرفشي ليه ما اتجوزشي لحد دلوقت
سألته وقاللي انه مش عايز يظلم حد معاه
قلبه مقفول على واحده حبها وعايش على ذكرى حبه ليها
وبصراحه لو طلب يتجوزني حا اوافق
ولو كان اكبر مني بعشرين سنه
المهم الروح اللي عايشه بيني وبينه
روح اعز الناس في الدنيا والاخره
خلاص مش عايزه افضفض اكثر من كده
لازم اروح النادي دلوقت
ومضطره اسيبكم
لان عندي ميعاد مهم جدا
حا ابقى احكي لكم عنه بعد ما ارجع
باي باي واشوفكم الليله او بكره
[/align]

حبايبي الحلوين
انا حا ابقى مشغوله قوي
الاستاذ كرم مدير نادي الشركه رشحني في فريق الدعاية الانتخابيه لمرشح شبرا
المليونير
وانا شغاله معاهم من شهر واكثر
بس دلوقت سيادة المليونير طلب مني اكون جنبه وسكرتيرته الخاصه
طبعا انتم عارفين الاستاذ كرم بيغير علي وعامل انه بابايا واكثر
وبدا يخاف علي من المليونير
هو بيغير علي وانا باحاول ما ازعلهوش مني
لانه حنين قوي
قلت له ما تخافشي علي
بس هو غيور وانا باراضيه
والاهم من كده
شغلي في الجامعه مع الدكتور عاطف
طلبت اجازه عشان اتفرغ للانتخابات
قاللي مش ممكن ولازم تيجي كل يوم ولو ساعه واحده
اعمل ايه بس ياربي
كلهم عايزين ابقى جنبهم
وانا محتاره في بهبهاتي
انا زهقت والله
وعايزه اهرب منهم كلهم
واعيش عمري
مع شاب في سني
خلاص بقى
انا قربت على الثلاثين وعايزه اتجوز
المليونير ممكن ينفع
مش عارفه
انا حا انشغل عنكم لبعد الانتخابات ما تخلص
ولو حصل ونجح صاحبي المليونير
يبقى مش حا اقدر ارجع
باي كبيره قوي
وكل انتخابات وانتم بخير
سواق المليونير تحت بالعربيه
لازم انزل حالا
باي باي