تويت
عمرك غمضت عنيك ؟
وفتحت بيبان آحلامك ع الآيام
،طفيت الشمس فى بحر سماك
؛سمعت آحساسك يترجاك
إلحقنى أوام!
ووقفت بروحك بين جبلين
,سألت دموعك هتروح فين
وسكنت بقلبك برج حمام..!
عمرك غمضت عنيك ؟
ورميت بسنين العمر فى قلب البحر
؛كفيت أشواقك قسوة وصبر مغمسه مُر
وبكيت الحضن المفقود
,عطشت شربت الحنضل خمر وسْكر
وحفظت كل ميثاق محمود
,صبغت بلونك كل آبيات الشعر
عمرك غمضت عنيك؟
لفيت بين الطواحين
اللى مسافرة بهواها لحد الصين
,صرخت فى وش الغربه
بعلو الصوت وخدانا لفين
وسكنت أكفان الحلم المدفون
فى الارض البور من قبل عصور
,سافرت بعقلك فوق السور.. عديت
لكن مكسور ورجعت حزين
عمرك غمضت عنيك؟
ركبت حصانك بتحارب مع جيش مهزوم
كان فِكرك إن النصر فى صفك
والرايه المرفوعه تدوم
سيوف العدل بتتساقط يوم ورا يوم
وانت المسكين فى ميدان مزحوم
واقف بالسيف بتلم جراح وهموم
عمرك غمضت عنيك؟
سلمت بصيرتك للاعداء!
بتسمم دمك كاس ورا كاس وتقول ترياق!
من وسط الكون واقف بتهون
وانت المخلص والمشتاق
عمرك غمضت عنيك؟
قررت أنك ماتفتح تانى
هو قرارك هى إرادتك حتى ولو كنت
أنانى...
محمود شحاتة
تعليق