تويت
يـا خـروف الـعـيـد يـا سـمـيـن يـا ابـولـيـا
يا خروف العيد
يا سمين
يا ابو ليا
يا حبيب و بعيد
أيا غالى عليا
بحلم يجي يوم
وتكونلى ضحية
وعلى أنجر فته
أيا عينى عليا
آكل و اتسلطن
و أغمى عنيا
عن أى عزول
حيشاركك فيا
يا خروف العيد
يا سمين
يا ابو ليا
أنا ناوى النية
راح امزمز فيك
هسلق واشويك
و ابظ عنيك
و ازلط كلويك
وفخادك ديا
راح تبقا أنيسى
فـ سهر لياليا
يا خروف العيد
يا سمين
يا ابو ليا
مأمأ سمعنى
أجمل أغنية
دانا ياما حلمت
بمأمأتك ديا
مأمأ و اشجينى
يا محلى سنينى
يا أجمل أمنية
مأمأ واطربنى
و انطح و اضربنى
مهو بس ثوانى
و حخلص تارى
و هتصبح ليا
يا خروف العيد
يا سمين
يا ابو ليا
مشتقلك شوق
عطشان الميه
و اسمع يا خروف
إن كنت ضحية
أنا برضو ضحية
لشلة حرامية
ــــــــــــــ
و كل عام وأنتم يا كل أهل ملتقى الأدباء و المبدعين العرب لله أقرب ولسنة نبيه أتبع
و تقبل الله منا منكم صالح الأعمال
أخوكم محمد شاهين
تعليق